ਵਾਸ਼ਿੰਗਟਨ, 14 ਫਰਵਰੀ (ਪੋਸਟ ਬਿਊਰੋ)- ਇੱਕ ਕਹਾਵਤ ਹੈ, 'ਐਨ ਐਪਲ ਏ ਡੇ, ਕੀਪਸ ਦਿ ਡਾਕਟਰ ਅਵੇਅ', ਭਾਵ ਇੱਕ ਸੇਬ ਰੋਜ਼ ਖਾਣ ਨਾਲ ਤੁਸੀਂ ਡਾਕਟਰ ਤੋਂ ਦੂਰ ਰਹੋਗੇ। ਸਿਹਤ ਲਈ ਸੇਬ ਸਭ ਤੋਂ ਚੰਗਾ ਫਲ ਮੰਨਿਆ ਜਾਂਦਾ ਹੈ। ਖੋਜਕਾਰ ਵੀ ਇਸ ਪੁਰਾਣੀ ਕਹਾਵਤ ਨੂੰ ਸੱਚ ਮੰਨਦੇ ਹਨ। ਉਨ੍ਹਾਂ ਨੂੰ ਇੱਕ ਖੋਜ Ḕਚ ਪਤਾ ਲੱਗਾ ਹੈ ਕਿ ਹਰ ਰੋਜ਼ ਇੱਕ ਸੇਬ ਖਾਣ ਨਾਲ ਦਿਲ ਦੀਆਂ ਬਿਮਾਰੀਆਂ ਅਤੇ ਕੈਂਸਰ ਨੂੰ ਦੂਰ ਕੀਤਾ ਜਾ ਸਕਦਾ ਹੈ।
ਖੋਜਕਾਰਾਂ ਨੇ ਪਾਇਆ ਕਿ ਜੋ ਲੋਕ ਵੱਧ ਫਲੇਵੋਨੋਈਡਸ ਯੁਕਤ ਖੁਰਾਕ ਪਦਾਰਥ ਖਾਂਦੇ ਹਨ ਉਨ੍ਹਾਂ ਵਿੱਚ ਖਤਰਨਾਕ ਬਿਮਾਰੀਆਂ ਹੋਣ ਦੀ ਸੰਭਾਵਨਾ ਘੱਟ ਹੁੰਦੀ ਹੈ। ਖੋਜਕਾਰਾਂ ਨੇ ਕਿਹਾ ਕਿ ਇੱਕ ਸੇਬ, ਸੰਤਰਾ, ਬ੍ਰੋਕਲੀ ਦਾ ਹਿੱਸਾ ਅਤੇ ਮੁੱਠੀ ਭਰ ਬਲੂਬੇਰੀ ਖਾਣ ਨਾਲ ਵਿਅਕਤੀ ਨੂੰ ਕੁੱਲ 500 ਮਿਲੀਗਰਾਮ ਫਲੇਵੋਨੋਈਡਸ ਫਰਾਪਤ ਹੁੰਦਾ ਹੈ। ਇਹ ਸੋਜ ਨੂੰ ਘੱਟ ਕਰਨ Ḕਚ ਮਦਦਗਾਰ ਹੈ। ਨੈਸ਼ਨਲ ਕੈਂਸਰ ਇੰਸਟੀਚਿਊਟ ਦੇ ਅਨੁਸਾਰ ਸੋਜਿਸ਼ ਦੇ ਕਾਰਨ ਡੀ ਐਨ ਏ ਨੂੰ ਨੁਕਸਾਨ ਪਹੁੰਚਦਾ ਹੈ। ਖੋਜ ਦੀ ਮੁੱਖ ਲੇਖਕ ਡਾਕਟਰ ਨਿਕੋਲਾ ਬੋਨਡੋਨਨੋ ਨੇ ਕਿਹਾ, ਇਹ ਨਤੀਜਾ ਮਹੱਤਵ ਪੂਰਨ ਹੈ ਕਿਉਕਿ ਇਹ ਫਲੋਵੋਨਾਈਡ ਯੁਕਤ ਪਦਾਰਥਾਂ ਦੇ ਸੇਵਨ ਨੂੰ ਬੜ੍ਹਾਵਾ ਦੇ ਕੇ ਕੈਂਸਰ ਅਤੇ ਦਿਲ ਦੇ ਰੋਗ ਨੂੰ ਰੋਕਣ ਦੀ ਸਮਰੱਥਾ ਦੇ ਬਾਰੇ ਸਮਝਦੇ ਨਹੀਂ। ਆਸਟਰੇਲੀਆ ਦੀ ਐਡਿਥ ਕੋਵਾਨ ਯੂਨੀਵਰਸਿਟੀ ਦੇ ਖੋਜਕਾਰਾਂ ਨੇ 53 ਹਜ਼ਾਰ ਤੋਂ ਵੱਧ ਲੋਕਾਂ ਦੇ ਖਾਣ ਪੀਣ ਬਾਰੇ ਜਾਂਚ ਕੀਤੀ ਅਤੇ 23 ਸਾਲ ਤੱਕ ਉਨ੍ਹਾਂ Ḕਤੇ ਨਜ਼ਰ ਰੱਖੀ। ਉਨ੍ਹਾਂ ਨੇ ਪਾਇਆ ਕਿ 500 ਮਿਲੀਗਰਾਮ ਐਂਟੀਆਕਸੀਡੈਂਟ ਭਾਵ ਫਲੇਵੋਨੋਈਡਸ ਵਰਤਣ ਵਾਲੇ ਲੋਕਾਂ Ḕਚ ਕੈਂਸਰ ਅਤੇ ਦਿਲ ਸੰਬੰਧੀ ਬਿਮਾਰੀਆਂ ਨਾਲ ਮੌਤ ਦਾ ਖਤਰਾ ਇੱਕ ਦਿਨ ਘੱਟ ਹੋ ਗਿਆ। ਫਲੇਵੋਨਈਡਸ ਕੁਦਰਤੀ ਪਦਾਰਥਾਂ ਦਾ ਇੱਕ ਸਮੂਹ ਹੈ, ਜੋ ਫਲ, ਸਬਜ਼ੀਆਂ ਅਤੇ ਅਨਾਜਾਂ Ḕਚ ਪਾਇਆ ਜਾਂਦਾ ਹੈ।