ਗੋਰੀ ਆਈਲੈਂਡ, ਸੈਨੇਗਲ, 12 ਫਰਵਰੀ (ਪੋਸਟ ਬਿਊਰੋ) : ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਇਤਿਹਾਸ ਵਿੱਚ ਹੋਈਆਂ ਮਾੜੀਆਂ ਘਟਨਾਵਾਂ ਨੂੰ ਠੱਲ੍ਹ ਪਾਉਣ ਦਾ ਵੇਲਾ ਆ ਗਿਆ ਹੈ।
ਅੱਜ ਟਰੂਡੋ ਗੋਰੀ ਆਈਲੈਂਡ ਦਾ ਦੌਰਾ ਕਰਨਗੇ। ਇਹ ਟਾਪੂ ਅਫਰੀਕੀ ਤੱਟ ਦੇ ਸੱਭ ਤੋਂ ਵੱਡੇ ਗੁਲਾਮਾਂ ਦੇ ਕਾਰੋਬਾਰ ਦਾ ਗੜ੍ਹ ਸੀ। ਜਿ਼ਕਰਯੋਗ ਹੈ ਕਿ ਇਸ ਟਾਪੂ ਉੱਤੇ ਹਜ਼ਾਰਾਂ ਦੀ ਗਿਣਤੀ ਵਿੱਚ ਔਰਤਾਂ, ਬੱਚਿਆਂ ਤੇ ਪੁਰਸ਼ਾਂ ਨੂੰ ਅਫਰੀਕਾ ਤੋਂ ਚੋਰੀ ਕਰਕੇ ਲਿਆਂਦਾ ਜਾਂਦਾ ਸੀ ਤੇ ਫਿਰ ਉਨ੍ਹਾਂ ਨੂੰ ਗੁਲਾਮਾਂ ਵਾਲੇ ਬੇੜਿਆਂ ਵਿੱਚ ਲੱਦ ਕੇ ਨਵੀਂ ਦੁਨੀਆ ਵਿੱਚ ਪਹੁੰਚਾਇਆ ਜਾਂਦਾ ਸੀ।
ਟਰੂਡੋ ਨੇ ਆਖਿਆ ਕਿ ਸਮਾਂ ਆ ਗਿਆ ਹੈ ਕਿ ਹੁਣ ਪੁਰਾਣੇ ਸਮਿਆਂ ਨੂੰ ਭੁਲਾ ਕੇ ਨਵੇਂ ਸਿਰੇ ਤੋਂ ਸ਼ੁਰੂਆਤ ਕੀਤੀ ਜਾਵੇ। ਪਰ ਉਨ੍ਹਾਂ ਇਹ ਵੀ ਆਖਿਆ ਕਿ ਅਜੇ ਵੀ ਦੁਨੀਆ ਭਰ ਵਿੱਚ ਹਿੰਸਾ ਕਾਫੀ ਜਿ਼ਆਦਾ ਹੈ। ਇਸ ਆਈਲੈਂਡ ਦਾ ਦੌਰਾ ਕਰਨ ਤੋਂ ਬਾਅਦ ਟਰੂਡੋ ਸੈਨੇਗਲ ਦੇ ਪ੍ਰੈਜ਼ੀਡੈਂਟ ਮੈਕੇਅ ਸਾਲ ਨਾਲ ਵੀ ਮੁਲਾਕਾਤ ਕਰਨਗੇ।