ਅਭਿਨੇਤਾ ਵਰੁਣ ਧਵਨ ਫਿਲਹਾਲ ਆਪਣੀ ਅਗਲੀ ਫਿਲਮ ‘ਸਟ੍ਰੀਟ ਡਾਂਸਰ 3ਡੀ’ ਦੇ ਪ੍ਰਮੋਸ਼ਨ ਵਿੱਚ ਬਿਜ਼ੀ ਹਨ। ਫਿਲਮ ਵਿੱਚ ਉਨ੍ਹਾਂ ਨਾਲ ਸ਼ਰਧਾ ਕਪੂਰ ਅਤੇ ਨੋਰਾ ਫਤੇਹੀ ਹਨ। ਇਸ ਫਿਲਮ ਲਈ ਵਰੁਣ ਨੇ ਕਾਫੀ ਮਿਹਨਤ ਕੀਤੀ ਹੈ। ਫਿਲਮ ਵਿੱਚ ਉਨ੍ਹਾਂ ਦੇ ਸ਼ਾਨਦਾਰ ਡਾਂਸ ਦੀ ਕਾਫੀ ਤਾਰੀਫ ਹੋਈ ਹੈ। ਵਰੁਣ ਕਹਿੰਦੇ ਹਨ, ‘‘ਇਹ ਸਭ ਕੁਝ ਇੰਨਾ ਆਸਾਨ ਨਹੀਂ ਸੀ, ਕਿਉਂਕਿ ਮੈਂ ਇੱਕ ਪ੍ਰੋਫੈਸ਼ਨਲ ਡਾਂਸਰ ਨਹੀਂ, ਇਸ ਲਈ ਪ੍ਰੋਫੈਸ਼ਨਲ ਡਾਂਸਰਾਂ ਨਾਲ ਟਰੇਨਿੰਗ ਮੁਸ਼ਕਲ ਕੰਮ ਸੀ। ਸਾਡੀ ਪਿਛਲੀ ਫਿਲਮ ‘ਏ ਬੀ ਸੀ ਡੀ 2’ ਵਾਂਗ ਇਸ ਫਿਲਮ ਲਈ ਸਾਨੂੰ ਕੋਈ ਵਾਧੂ ਅਟੈਂਨਸ਼ਨ ਵੀ ਨਹੀਂ ਮਿਲੀ। ਸਾਨੂੰ ਟੀਮ ਦੇ ਨਾਲ ਰਿਹਰਸਲ ਕਰਨ ਲਈ ਕਿਹਾ ਗਿਆ, ਤਾਂ ਕਿ ਸਾਡੇ ਸਟੈਪ ਸੁਧਰ ਸਕਣ। ਗਾਣਿਆਂ ਦੇ ਸਟੈਪ ਫਾਸਟ ਸਨ, ਇਸ ਲਈ ਉਨ੍ਹਾਂ ਨੂੰ ਫਾਸਟ ਸਿੱਖਣਾ ਜ਼ਰੂਰੀ ਸੀ।”
ਵਰੁਣ ਨੇ ਦੱਸਿਆ ਕਿ ਇਸ ਫਿਲਮ ਲਈ ਡਾਂਸ ਪ੍ਰੈਕਟਿਸ ਦੇ ਨਾਲ ਉਹ ਮੁਸ਼ਕਲ ਵਰਕਆਊਟ ਵੀ ਕਰਦੇ ਸਨ। ਡਾਂਸ ਵਿੱਚ ਕਾਫੀ ਜ਼ਿਆਦਾ ਆਕਰਡੀਓਵੈਸਕੁਲਰ ਵਰਕਆਊਟ ਸੀ ਤੇ ਜਿਮ ਵਿੱਚ ਵੀ। ਮੈਂ 60 ਤੋਂ ਨੱਬੇ ਮਿੰਟ ਤੱਕ ਵੇਟ ਦੀ ਟਰੇਨਿੰਗ ਲਈ। ਆਪਣੀ ਫਿਜੀਕਲ ਟਰੇਨਿੰਗ ਨੂੰ ਹੌਲੀ ਹੌਲੀ ਵਧਾਇਆ। ਜੋ ਲੋਕ ਡਾਂਸ ਕਰਦੇ ਹਨ, ਉਨ੍ਹਾਂ ਦੇ ਪੈਰਾਂ ਦੀਆਂ ਮਸਲਜ਼ ਵਿੱਚ ਬਹੁਤ ਜ਼ਿਆਦਾ ਤਾਕਤ ਚਾਹੀਦੀ ਹੈ। ਇਸ ਲਈ ਵਰਕਆਊਟ ਕਰਨਾ ਜ਼ਰੂਰੀ ਹੁੰਦਾ ਹੈ। ਵਰੁਣ ਇਸ ਫਿਲਮ ਦੇ ਲਈ ਇੱਕ ਦਿਨ ਵਿੱਚ ਸੱਤ ਘੰਟੇ ਡਾਂਸ ਦੀ ਰਿਹਰਸਲ ਕਰਦੇ ਸਨ। ਵਰੁਣ ਕਹਿੰਦੇ ਹਨ, ‘‘ਇਸ ਤਰ੍ਹਾਂ ਦੀ ਲਾਈਫਸਟਾਈਲ ਨੂੰ ਫਾਲੋ ਕਰਦੇ ਹੋਏ ਮੈਨੂੰ ਮਹਿਸੂਸ ਹੋ ਰਿਹਾ ਸੀ ਕਿ ਮੈਂ ਪੰਜ ਸਾਲ ਜਵਾਨ ਹੋ ਗਿਆ ਹਾਂ। ਮੈਂ ਇਸ ਸਮੇਂ 32 ਸਾਲ ਦਾ ਹਾਂ, ਇਸ ਲਈ ਇਹ ਸਭ ਕਰਨਾ ਓਨਾ ਆਸਾਨ ਨਹੀਂ ਸੀ, ਪਰ ਮੇਰੇ ਅੰਦਰ ਬਹੁਤ ਜ਼ਿਆਦਾ ਊਰਜਾ ਹੈ ਜਿਸ ਨੂੰ ਇਸ ਤਰ੍ਹਾਂ ਦੀਆਂ ਫਿਲਮਾਂ ਦੇ ਜ਼ਰੀਏ ਆਊਟਲੈਟ ਮਿਲਦਾ ਹੈ।”