Welcome to Canadian Punjabi Post
Follow us on

28

February 2020
ਅੰਤਰਰਾਸ਼ਟਰੀ

ਮੰਤਰੀ ਨੂੰ ਫੌਜੀ ਬੂਟ ਸਮੇਤ ਵਿਖਾਉਣ ਵਾਲੇ ਪਾਕਿਸਤਾਨੀ ਟੀ ਵੀ ਐਂਕਰ ਨੂੰ ਸਜ਼ਾ

January 17, 2020 07:48 AM

* ਸ਼ੋਅ ਕਰਨ ਉੱਤੇ 60 ਦਿਨਾਂ ਦੀ ਪਾਬੰਦੀ ਲੱਗੀ


ਇਸਲਾਮਾਬਾਦ, 16 ਜਨਵਰੀ, (ਪੋਸਟ ਬਿਊਰੋ)- ਪਾਕਿਸਤਾਨ ਦੇ ਇੱਕ ਟੀ ਵੀ ਐਂਕਰ ਦੇ ਪ੍ਰੋਗਰਾਮ ਉੱਤੇ ਪਾਕਿਸਤਾਨ ਦੀ ਮੀਡੀਆ ਵਾਚਡਾਗ ਨੇ 60 ਦਿਨਾਂ ਦੀ ਪਾਬੰਦੀ ਲਾ ਦਿੱਤੀ ਹੈ। ਉਸ ਉੱਤੇ ਦੋਸ਼ ਹੈ ਕਿ ਉਸ ਨੇ ਆਪਣੇ ਟਾਕ ਸ਼ੋਅ ਵਿੱਚ ਇਸ ਦੇਸ਼ ਦੇ ਇੱਕ ਕੈਬਨਿਟ ਮੰਤਰੀ ਨੂੰ ਫ਼ੌਜ ਦੇ ਬੂਟ ਵਿਚ ਦਿਖਾਇਆ ਸੀ।
ਪਤਾ ਲੱਗਾ ਹੈ ਕਿ ਐਰੀ ਨਿਊਜ਼ ਉੱਤੇ ਕਾਸ਼ਿਫ ਅੱਬਾਸੀ ਦੇ ਪ੍ਰੋਗਰਾਮ ‘ਆਫ ਦ ਰਿਕਾਰਡ` ਵਿਚ ਪਾਕਿਸਤਾਨ ਦੇ ਪਾਣੀ ਵਸੀਲਿਆਂ ਬਾਰੇ ਫੈਡਰਲ ਮੰਤਰੀ ਫੈਸਲ ਵਾਵਡਾ ਆਏ ਸਨ ਤੇ ਫ਼ੌਜ ਦਾ ਬੂਟ ਪਾ ਕੇ ਪਾਕਿਸਤਾਨ ਮੁਸਲਿਮ ਲੀਗ-ਨਵਾਜ਼ (ਪੀ ਐੱਮ ਐੱਲ-ਐੱਨ) ਤੇ ਪਾਕਿਸਤਾਨ ਪੀਪਲਜ਼ ਪਾਰਟੀ (ਪੀ ਪੀ ਪੀ) ਵੱਲੋਂ ਪਾਰਲੀਮੈਂਟ ਵਿੱਚ ਆਰਮੀ ਐਕਟ ਦੀ ਹਮਾਇਤ ਕਰਨ ਲਈ ਵਿਰੋਧ ਕੀਤਾ ਸੀ। ਇਸ ਪ੍ਰੋਗਰਾਮ ਵਿੱਚ ਸ਼ਾਮਲ ਪੀ ਪੀ ਪੀ ਦੇ ਆਗੂ ਕਮਰ ਜ਼ਮਾਨ ਕੈਰਾ ਅਤੇ ਪੀ ਐੱਮ ਐੱਲ-ਐੱਨ ਆਗੂ ਜਾਵੇਦ ਅੱਬਾਸੀ ਦੋਵੇਂ ਜਣੇ ਵਾਵਡਾ ਦੇ ਬੂਟਾਂ ਉੱਤੇ ਐਂਕਰ ਵੱਲੋਂ ਗੱਲਬਾਤ ਖ਼ਤਮ ਨਾ ਕਰਨ ਦੇ ਰੋਸ ਵਜੋਂ ਪ੍ਰੋਗਰਾਮ ਛੱਡ ਕੇ ਚਲੇ ਗਏ ਸਨ।
ਇਸ ਘਟਨਾ ਦਾ ਨੋਟਿਸ ਲੈਂਦੇ ਹੋਏ ਪਾਕਿਸਤਾਨ ਇਲੈਕਟ੍ਰਾਨਿਕਸ ਮੀਡੀਆ ਰੈਗੂਲੇਟਰੀ ਅਥਾਰਟੀ (ਪੇਮਰਾ) ਨੇ ਇਸ ਨਿਊਜ਼ ਪ੍ਰੋਗਰਾਮ ਅਤੇ ਇਸ ਦੇ ਐਂਕਰ ਦੇ ਖ਼ਿਲਾਫ਼ ਕਾਰਵਾਈ ਕਰਦੇ ਹੋਏ ਮੀਡੀਆ ਕਾਨੂੰਨਾਂ ਦੀ ਉਲੰਘਣਾ ਦੇ ਦੋਸ਼ ਹੇਠ ਇਸ ਪ੍ਰੋਗਰਾਮ ਅਤੇ ਐਂਕਰ ਉੱਤੇ 60 ਦਿਨਾਂ ਦੀ ਪਾਬੰਦੀ ਲਾ ਦਿੱਤੀ ਹੈ। ਇਸ ਦੌਰਾਨ ਵਾਵਡਾ ਨੇ ਜਿਓ ਨਿਊਜ਼ ਦੇ ਹਾਮਿਦ ਮੀਰ ਦੇ ਸ਼ੋਅ ਦੌਰਾਨ ਆਪਣੇ ਫ਼ੌਜੀ ਬੁਟ ਪਾਉਣ ਦੀ ਘਟਨਾ ਨੂੰ ਵਿਰੋਧੀ ਧਿਰ, ਖ਼ਾਸ ਕਰ ਉੱਤੇ ਪੀ ਐੱਮ ਐੱਲ-ਐੱਨ ਨੂੰ ਸ਼ੀਸ਼ਾ ਦਿਖਾਉਣ ਲਈ ਸਹੀ ਦੱਸਿਆ, ਪਰ ਇਹ ਵੀ ਮੰਨਿਆ ਕਿ ਉਨ੍ਹਾਂ ਦੀ ਕਾਰਵਾਈ ਹੱਦੋਂ ਵੱਧ ਸੀ। ਉਨ੍ਹਾਂ ਨੇ ਇਸ ਗੱਲ ਤੋਂ ਅਣਜਾਣਤਾ ਪ੍ਰਗਟ ਕੀਤੀ ਕਿ ਇਹ ਮੀਡੀਆ ਬਾਰੇ ਕਾਨੂੰਨ ਦੇ ਖ਼ਿਲਾਫ਼ ਸੀ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੇ ਵੀ ਸ਼ੋਅ ਵਿੱਚ ਬੂਟ ਦਿਖਾਉਣ ਦੀ ਘਟਨਾ ਦਾ ਬੁਰਾ ਮਨਾਇਆ ਹੈ।

 

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਪ੍ਰਸਿਧ ਸਾਹਿਤਕਾਰ ਜਸਵੰਤ ਸਿੰਘ ਕੰਵਲ ਅਤੇ ਲੇਖਕਾ ਦਲੀਪ ਕੌਰ ਟਿਵਾਣਾ ਦੀ ਯਾਦ ਵਿਚ ਸ਼ਰਧਾਂਜਲੀ ਸਮਾਰੋਹ
ਪਾਕਿਸਤਾਨ ਸਰਕਾਰ ਨੇ ਨਵਾਜ਼ ਸ਼ਰੀਫ ਨੂੰ ਭਗੌੜਾ ਐਲਾਨ ਕੀਤਾ
ਦਿੱਲੀ ਹਿੰਸਾ ਵਿੱਚ ਹੋਈਆਂ ਮੌਤਾਂ ਤੋਂ ਯੂ ਐੱਨ ਦਾ ਮੁਖੀ ਵੀ ਦੁਖੀ
ਦਿੱਲੀ ਹਿੰਸਾ ਬਾਰੇ ਅਮਰੀਕਾ ਵਿੱਚ ਵੀ ਸਿਆਸਤ ਸ਼ੁਰੂ
ਇਕ ਗਿਲਾਸ ਪਾਣੀ ਬਦਲੇ ਆਸੀਆ 8 ਸਾਲ ਤਸ਼ੱਦਦ ਝੱਲਦੀ ਰਹੀ
ਭਾਰਤੀ ਮੂਲ ਦੀ ਪਾਰਲੀਮੈਂਟ ਮੈਂਬਰ ਸੁਏਲਾ ਬ੍ਰੇਵਰਮੈਨ ਬ੍ਰਿਟੇਨ ਦੀ ਅਟਾਰਨੀ ਜਨਰਲ ਬਣੀ
ਦਿੱਲੀ ਹਿੰਸਾ ਬਾਰੇ ਇਮਰਾਨ ਨੇ ਆਪਣੇ ਹੀ ਲੋਕਾਂ ਨੂੰ ਚਿਤਾਵਨੀ ਦੇ ਦਿੱਤੀ
ਗੁਰਦਵਾਰਾ ਸਿੰਘ ਸਭਾ ਫਰਿਜ਼ਨੋ ਕਮੇਟੀ ਢੱਡਰੀਆਂਵਾਲੇ ਦੇ ਹੱਕ ਵਿੱਚ ਡਟੀ
ਮੋਦੀ-ਟਰੰਪ ਮੁਲਾਕਾਤ ਅਮਰੀਕਾ ਦੀ ਕੌਮੀ ਸੁਰੱਖਿਆ ਦੇ ਪੱਖ ਤੋਂ ਅਹਿਮ
ਮੰਦਰ 'ਚੋਂ ਚੋਰੀ ਹੋਈ ਮੂਰਤੀ ਬ੍ਰਿਟਿਸ਼ ਮਿਊਜ਼ੀਅਮ 'ਚ ਮਿਲੀ