ਸਮੱਗਰੀ- ਪਨੀਰ 250 ਗਰਾਮ, ਇੱਕ ਚਮਚ ਮੂੰਗਫਲੀ, ਇੱਕ ਚਮਚ ਖਸਖਸ, ਇੱਕ ਚਮਚ ਖਰਬੂਜੇ ਦੇ ਬੀਜ ਅਦਰਕ ਅਤੇ ਹਰੀ ਮਿਰਚ ਦਾ ਪੇਸਟ ਇੱਕ ਚਮਚ, ਧਨੀਆ ਪਾਊਡਰ ਇੱਕ ਚਮਚ, ਕਾਜੂ ਪੰਜ ਤੋਂ ਛੇ, ਲਾਲ ਮਿਰਚ ਪਾਊਡਰ ਅੱਧਾ ਚਮਚ, ਘਿਓ ਇੱਕ ਚਮਚ, ਤੇਲ ਇੱਕ ਚਮਚ, ਕਾਲੀ ਮਿਰਚ ਪਾਊਡਰ ਚੁਟਕੀ ਭਰ, ਇੱਕ ਚਮਚ ਖੰਡ, ਟਮਾਟਰ ਦੀ ਪਿਊਰੀ ਇੱਕ ਕੱਪ, ਦੁੱਧ ਇੱਕ ਕੱਪ, ਤਾਜ਼ਾ ਦਹੀਂ, ਹਲਦੀ ਪਾਊਡਰ, ਇੱਕ ਚੌਥਾਈ ਚਮਚ, ਸ਼ਾਹੀ ਪਨੀਰ ਮਸਾਲਾ ਇੱਕ ਚਮਚ, ਲੂਣ ਸਵਾਦ ਅਨੁਸਾਰ।
ਵਿਧੀ- ਪਹਿਲਾਂ ਮੂੰਗਫਲੀ, ਖਰਬੂਜੇ ਦੇ ਬੀਜ, ਖਸਖਸ ਅਤੇ ਕਾਜੂ ਨੂੰ ਪੰਜ-ਛੇ ਘੰਟੇ ਲਈ ਭਿਉਂ ਕੇ ਰੱਖ ਦਿਓ। ਫਿਰ ਇਨ੍ਹਾਂ ਨੂੰ ਪੀਸ ਕੇ ਪੇਸਟ ਬਣਾਓ ਲਓ। ਇੱਕ ਕੜਾਹੀ ਵਿੱਚ ਤੇਲ ਗਰਮ ਕਰੋ। ਉਸ ਵਿੱਚ ਜੀਰਾ ਅਤੇ ਤਿਆਰ ਕੀਤੇ ਪੇਸਟ ਨੂੰ ਭੁੰਨੋ। ਫਿਰ ਇਸ ਵਿੱਚ ਅਦਰਕ, ਮਿਰਚ, ਟਮਾਟਰ ਪਿਊਰੀ, ਲੂਣ, ਧਨੀਆ ਪਾਊਡਰ, ਲਾਲ ਮਿਰਚ, ਹਲਦੀ ਪਾਊਡਰ ਨੂੰ ਪਾ ਕੇ ਹਲਕੇ ਸੇਕ 'ਤੇ ਭੁੰਨੋ।
ਇਸ ਵਿੱਚ ਦਹੀਂ ਤੇ ਮਲਾਈ ਪਾ ਕੇ ਇੱਕ ਮਿੰਟ ਲਈ ਭੁੰਨੋ। ਇਸ ਤੋਂ ਬਾਅਦ ਇਸ ਵਿੱਚ ਪਨੀਰ ਪਾ ਕੇ ਪਕਾਓ। ਇਸ ਤੋਂ ਬਾਅਦ ਇਸ ਵਿੱਚ ਗਰਮ ਮਸਾਲਾ ਅਤੇ ਕਸੂਰੀ ਮੇਥੀ ਪਾਓ। ਇਸ ਵਿੱਚ ਦੁੱਧ ਜਾਂ ਕਰੀ ਪਾ ਕੇ ਤਿੰਨ-ਚਾਰ ਮਿੰਟ ਤੱਕ ਪੱਕਣ ਦਿਓ। ਜਦੋਂ ਇਹ ਚੰਗੀ ਤਰ੍ਹਾਂ ਪਕ ਕੇ ਗਾੜ੍ਹੀ ਹੋ ਜਾਵੇ ਤਾਂ ਗੈਸ ਬੰਦ ਕਰ ਦਿਗਓ। ਸਜਾਉਣ ਲਈ ਇਸ ਵਿੱਚ ਥੋੜ੍ਹਾ ਜਿਹਾ ਘਿਓ, ਹਰਾ ਧਨੀਆ ਤੇ ਕੱਦੂਕਸ ਕੀਤਾ ਪਨੀਰ ਪਾਓ। ਲਓ ਤੁਹਾਡਾ ਸ਼ਾਹੀ ਪਨੀਰ ਬਣ ਕੇ ਤਿਆਰ ਹੈ। ਇਸ ਨੂੰ ਗਰਮਾ ਗਰਮ ਪਰੋਸੋ।