ਟੋਰਾਂਟੋ, 13 ਜਨਵਰੀ (ਪੋਸਟ ਬਿਊਰੋ) : ਇਕ ਮਰੀਜ਼ ੳੱੁਤੇ ਜਿਨਸੀ ਹਮਲਾ ਕਰਨ ਦੇ ਮਾਮਲੇ ਵਿੱਚ ਇੱਕ ਡਾਕਟਰ ਨੂੰ ਚਾਰਜ ਕੀਤਾ ਗਿਆ ਹੈ। ਇਹ ਜਾਣਕਾਰੀ ਟੋਰਾਂਟੋ ਪੁਲਿਸ ਨੇ ਦਿੱਤੀ।
ਪੁਲਿਸ ਨੇ ਦੱਸਿਆ ਕਿ ਜਾਂਚਕਾਰਾਂ ਨੂੰ ਸਿਟੀ ਦੇ ਨੌਰਥਵੈਸਟ ਵਿੱਚ ਸਥਿਤ ਇਸ ਡਾਕਟਰ ਦੇ ਕਲੀਨਿਕ ਵਿੱਚ ਵਾਪਰੀ ਘਟਨਾ ਬਾਰੇ 20 ਦਸੰਬਰ ਨੂੰ ਸਿ਼ਕਾਇਤ ਹਾਸਲ ਹੋਈ। ਇਸ ਵਿੱਚ ਦੋਸ਼ ਲਾਇਆ ਗਿਆ ਕਿ 58 ਸਾਲਾ ਡਾਕਟਰ ਵੱਲੋਂ ਫਿਜ਼ੀਕਲ ਜਾਂਚ ਦੌਰਾਨ ਇੱਕ 40 ਸਾਲਾ ਮਹਿਲਾ ਉੱਤੇ ਜਿਨਸੀ ਹਮਲਾ ਕੀਤਾ ਗਿਆ।
ਇੱਕ ਹਫਤੇ ਬਾਅਦ ਪੁਲਿਸ ਨੇ ਡਾਕਟਰ ਨੂੰ ਗ੍ਰਿਫਤਾਰ ਕਰ ਲਿਆ ਤੇ ਉਸ ਨੂੰ ਉਸੇ ਦਿਨ ਹੀ ਅਦਾਲਤ ਸਾਹਮਣੇ ਪੇਸ਼ ਕੀਤਾ ਗਿਆ। ਟੋਰਾਂਟੋ ਦੇ ਇਸ ਡਾਕਟਰ ਗੈਰੀ ਰੋਸੈਂਥਲ ਨੂੰ ਜਿਨਸੀ ਹਮਲੇ ਦੇ ਇੱਕ ਮਾਮਲੇ ਵਿੱਚ ਚਾਰਜ ਕੀਤਾ ਗਿਆ ਹੈ। ਹਾਲ ਦੀ ਘੜੀ ਅਦਾਲਤ ਵਿੱਚ ਇਹ ਚਾਰਜ ਸਿੱਧ ਨਹੀਂ ਹੋ ਸਕਿਆ ਹੈ।