‘ਕੇਦਾਰਨਾਥ’ ਅਤੇ ‘ਸਿੰਬਾ’ ਵਰਗੀਆਂ ਫਿਲਮਾਂ 'ਚ ਅਭਿਨੇਤਰੀ ਸਾਰਾ ਅਲੀ ਖਾਨ ਦੀ ਪ੍ਰਫਾਰਮੈਂਸ ਨੂੰ ਸਰਾਹਿਆ ਗਿਆ ਸੀ। ਬਤੌਰ ਨਵੀਂ ਅਭਿਨੇਤਰੀ ਉਹ ਦਰਸ਼ਕਾਂ ਦੀਆਂ ਉਮੀਦਾਂ ਉਤੇ ਖਰੀ ਉਤਰੀ ਤਦੇ ਬਹੁਤ ਘੱਟ ਸਮੇਂ ਵਿੱਚ ਉਸ ਦੇ ਦਰਸ਼ਕਾਂ ਦੀ ਗਿਣਤੀ ਕਾਫੀ ਵੱਧ ਗਈ ਹੈ। ਸਾਰਾ ਦਾ ਧਿਆਨ ਆਪਣੇ ਦੋ ਪ੍ਰੋਜੈਕਟਾਂ 'ਤੇ ਹੈ, ਜਿਨ੍ਹਾਂ ਵਿੱਚੋਂ ਇੱਕ ਹੈ ਇਮਤਿਆਜ਼ ਅਲੀ ਦੀ ਫਿਲਮ, ਜਿਸ ਵਿੱਚ ਉਸ ਦੇ ਆਪੋਜ਼ਿਟ ਕਾਰਤਿਕ ਆਰੀਅਨ ਹੈ ਤਾਂ ਦੂਜੇ ਪਾਸੇ ਵਰੁਣ ਧਵਨ ਨਾਲ ‘ਕੁਲ ਨੰਬਰ 1’ ਫਿਲਮ ਹੈ। ਖਬਰ ਹੈ ਕਿ ਉਹ ਬਾਲੀਵੁੱਡ ਦੇ ਗੰਭੀਰ ਮੰਨੇ ਜਾਣ ਵਾਲੇ ਨਿਰਦੇਸ਼ਕ ਵਿਸ਼ਾਲ ਭਾਰਦਵਾਜ ਦੀ ਫਿਲਮ ਵਿੱਚ ਦਿਖਾਈ ਦੇਵੇਗੀ। ਸੂਤਰਾਂ ਮੁਤਾਬਕ ਵਿਸ਼ਾਲ ਨੇ ਸਾਰਾ ਨੂੰ ਆਪਣੀ ਨਵੀਂ ਸਕ੍ਰਿਪਟ ਸੁਣਾ ਦਿੱਤੀ ਹੈ ਅਤੇ ਸਾਰਾ ਨੇ ਵੀ ਇਸ ਪ੍ਰੋਜੈਕਟ ਲਈ ਹਾਂ ਕਰ ਦਿੱਤੀ ਹੈ।