Welcome to Canadian Punjabi Post
Follow us on

02

June 2020
ਅਪਰਾਧ

ਡੀ ਜੀ ਐੱਮ ਦੇ ਘਰੋਂ ਦਿਨ ਦਿਹਾੜੇ ਲੱਖਾਂ ਦੇ ਗਹਿਣੇ ਅਤੇ ਨਕਦੀ ਚੋਰ ਲੈ ਗਏ

January 08, 2020 09:13 AM

ਜਲੰਧਰ, 7 ਜਨਵਰੀ (ਪੋਸਟ ਬਿਊਰੋ)- ਕਿਲ੍ਹਾ ਮੁਹੱਲਾ ਵਿੱਚ ਰਹਿੰਦੇ ਸੰਜੀਵ ਵਿਜ ਆਪਣੀ ਪਤਨੀ ਨਾਲ ਦੁਬਈ ਵਿੱਚ ਰਿਸ਼ਤੇਦਾਰਾਂ ਕੋਲ ਗਏ ਹੋਏ ਸਨ ਅਤੇ ਬੇਟਾ ਵਰੁਣ ਵਿਜ ਪਤਨੀ ਸਮੇਤ ਚੰਡੀਗੜ੍ਹ ਗਿਆ ਸੀ। ਕੱਲ੍ਹ ਦਿਨ ਦਿਹਾੜੇ ਚੋਰ ਉਨ੍ਹਾਂ ਦੇ ਘਰੋਂ ਲੱਖਾਂ ਦੇ ਗਹਿਣੇ ਅਤੇ ਨਕਦੀ ਚੋਰੀ ਕਰ ਕੇ ਲੈ ਗਏ।
ਥਾਣਾ ਡਵੀਜ਼ਨ ਤਿੰਨ ਦੀ ਪੁਲਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਬਾਹਰੀ ਇਲੈਕਟ੍ਰਾਨਿਕ ਦੇ ਮਾਲਕ ਰਾਜੇਸ਼ ਬਾਹਰੀ ਨੇ ਦੱਸਿਆ ਕਿ ਸੰਜੀਵ ਵਿਜ ਬੀ ਐੱਸ ਐੱਨ ਐੱਲ ਤੋਂ ਡੀ ਜੀ ਐੱਮ ਵਜੋਂ ਰਿਟਾਇਰ ਹੋਏ ਹਨ, ਜੋ ਉਨ੍ਹਾਂ ਦੇ ਰਿਸ਼ਤੇਦਾਰ ਹਨ। ਉਨ੍ਹਾਂ ਦੱਸਿਆ ਕਿ ਸੰਜੀਵ ਦੇ ਗੁਆਂਢ ਵਿੱਚ ਰਹਿਣ ਵਾਲੇ ਜਗਦੀਪ ਸਿੰਘ ਨੇ ਕੱਲ੍ਹ ਰਾਤ ਕਰੀਬ ਸਵਾ ਨੌਂ ਵਜੇ ਘਰ ਦੇ ਟੁੱਟੇ ਤਾਲੇ ਦੇਖੇ, ਤਾਂ ਸੰਜੀਵ ਵਿਜ ਦੇ ਬੇਟੇ ਵਰੁਣ ਨੂੰ ਚੰਡੀਗੜ੍ਹ ਵਿੱਚ ਫੋਨ ਕੀਤਾ। ਵਰੁਣ ਨੇ ਉਨ੍ਹਾਂ ਨੂੰ ਫੋਨ ਕੀਤਾ ਤਾਂ ਉਨ੍ਹਾਂ ਨੇ ਪੁਲਸ ਨੂੰ ਇਸ ਬਾਰੇ ਦੱਸਿਆ। ਉਨ੍ਹਾਂ ਦੱਸਿਆ ਕਿ ਵਰੁਣ ਵਿਜ ਦੇ ਮੁਤਾਬਕ ਘਰ ਵਿਚ ਚਾਰ ਲੱਖ ਦੇ ਸੋਨੇ ਦੇ ਗਹਿਣੇ, ਕਰੀਬ ਡੇਢ ਲੱਖ ਦੀ ਨਕਦੀ ਪਈ ਹੋਈ ਸੀ, ਜੋ ਗਾਇਬ ਹੈ। ਚੋਰੀ ਦੀ ਸੂਚਨਾ ਮਿਲਣ 'ਤੇ ਪਹੁੰਚੀ ਪੁਲਸ ਨੇ ਕੇਸ ਦਰਜ ਕਰ ਕੇ ਆਸਪਾਸ ਦੇ ਘਰਾਂ ਵਿੱਚ ਲੱਗੇ ਸੀ ਸੀ ਟੀ ਵੀ ਕੈਮਰਿਆਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

Have something to say? Post your comment