ਨਵੀਂ ਦਿੱਲੀ , 15 ਦਸੰਬਰ, (ਪੋਸਟ ਬਿਊਰੋ)- ਭਾਰਤ ਦੇ ਬਹੁਤ ਸਾਰੇ ਲੋਕ ਇਸ ਗੱਲ ਤੋਂ ਨਿਰਾਸ਼ ਹਨ ਕਿ ਅਗਲੀ 27 ਦਸੰਬਰ ਤੋਂ ਬਾਅਦ ਦਿਨ ਸ਼ੁਰੂ ਕਰਨ ਵਾਲਾ ਸ਼ਬਦ ‘ਨਮਸਕਾਰ ਭਾਰਤ` ਬੀ ਬੀ ਸੀ ਤੋਂਨਹੀਂ ਸੁਣੇਗਾ। ਪਿਛਲੇ 45 ਸਾਲਾਂ ਤੋਂਜਿਹੜੇ ਲੋਕ ਦਿਨ ਦੀ ਸ਼ੁਰੂਆਤ ਬੀ ਬੀ ਸੀ (ਬ੍ਰਿਟਿਸ਼ ਬ੍ਰਾਡਕਾਸਟਿੰਗ ਕਾਰਪੋਰੇਸ਼ਨ) ਦੀ ਹਿੰਦੀ ਸਰਵਿਸ ਰੋਜ਼ ਸਵੇਰੇ ਸਾਢੇ ਛੇ ਵਜੇ ਚਾਲੂ ਹੋਣ ਵਾਲੇ ਪ੍ਰੋਗਰਾਮ ‘ਨਮਸਕਾਰ ਭਾਰਤ` ਨੂੰ ਸੁਣ ਕੇ ਕਰਦੇ ਰਹੇ ਸਨ, ਉਹ ਸਰਵਿਸ ਅਗਲੀ 27 ਦਸੰਬਰ ਤੋਂ ਹਮੇਸ਼ਾ ਲਈ ਬੰਦ ਕੀਤੀ ਜਾਣ ਲੱਗੀ ਹੈ।
ਇਸ ਸੰਬੰਧ ਵਿੱਚਬੀ ਬੀ ਸੀਦੀ ਦਲੀਲ ਹੈ ਕਿ ਡਿਜੀਟਲ ਸਰਵਿਸ ਦੇ ਖਿਲਾਰੇ ਨਾਲ ਰੇਡੀਓ ਸਰਵਿਸ ਰੋਕਣ ਦਾ ਫ਼ੈਸਲਾ ਕਰਨਾ ਪਿਆ ਹੈ। ਜਾਣਕਾਰਾਂ ਦੇ ਮੁਤਾਬਕ ਡਿਜੀਟਲ ਮੀਡੀਆ ਆਮ ਹੋਣ ਨਾਲ ਰੇਡੀਓ ਸੁਣਨਾਅੱਜ ਕੱਲ੍ਹ ਦੇ ਲੋਕ ਪਸੰਦ ਨਹੀਂ ਕਰਦੇ। ਡਿਊਚੇ ਵਿਲੇ ਅਤੇ ਵਾਇਸ ਆਫ ਅਮਰੀਕਾ ਨੇ ਵੀ ਸਰਵਿਸ ਰੋਕ ਦਿੱਤੀ ਹੈ।ਰੇਡੀਓ ਜਾਪਾਨ ਅਤੇ ਚਾਈਨਾ ਰੇਡੀਓ ਇੰਟਰਨੈਸ਼ਨਲ ਤੋਂ ਹਿੰਦੀ ਅਤੇ ਬੰਗਲਾ ਪ੍ਰੋਗਰਾਮ ਹਾਲੇ ਵੀ ਚੱਲਦੇ ਹਨ, ਪਰ ਇਸ ਦੀ ਕੁਆਲਿਟੀ ਖ਼ਰਾਬ ਦੱਸੀ ਜਾਂਦੀ ਹੈ। ਇਸ ਤੋਂ ਪਹਿਲਾਂ ਫਰਵਰੀ 2011 ਵਿੱਚਬੀ ਬੀ ਸੀ ਨੇ ਐਲਾਨ ਕੀਤਾ ਸੀ ਕਿ ਹਿੰਦੀ ਰੇਡੀਓ ਬੰਦ ਕਰਨ ਉੱਤੇ ਵਿਚਾਰ ਚੱਲ ਰਹੀ ਹੈ।ਬੀ ਬੀ ਸੀ ਮੈਨੇਜਮੈਂਟ ਨੇ 12 ਦਸੰਬਰ 2016 ਤੋਂਇਸ ਸਰਵਿਸ ਦੇ ਪ੍ਰੋਗਰਾਮ ਘੱਟ ਕਰ ਦਿੱਤੇ ਸਨ, ਜਿਸ ਦੌਰਾਨ ਪਹਿਲਾਂ ਸਵੇਰੇ ਅੱਠ ਤੋਂ ਸਾਢੇ ਅੱਠ ਵਜੇ ਤਕ ਚੱਲਦਾ ‘ਵਿਸ਼ਵ ਭਾਰਤੀ` ਤੇ ਸ਼ਾਮ ਨੂੰ ਸਾਢੇ ਨੌ ਤੋਂ ਦਸ ਵਜੇ ਤਕ ਚੱਲਦਾ ਪ੍ਰੋਗਰਾਮ ‘ਘਟਨਾ ਚੱਕਰ` ਬੰਦ ਕੀਤਾ ਗਿਆ ਸੀ।