Welcome to Canadian Punjabi Post
Follow us on

20

January 2020
ਅੰਤਰਰਾਸ਼ਟਰੀ

ਲਾਹੌਰ ਦੇ ਵੱਡੇ ਹਸਪਤਾਲ 'ਚ ਵਕੀਲਾਂ ਵੱਲੋਂ ਹਿੰਸਾ, ਭੰਨ-ਤੋੜ

December 13, 2019 12:56 PM

ਇਸਲਾਮਾਬਾਦ, 12 ਦਸੰਬਰ (ਪੋਸਟ ਬਿਊਰੋ)- ਪਾਕਿਸਤਾਨੀ ਪੰਜਾਬ ਦੀ ਰਾਜਧਾਨੀ ਲਾਹੌੌਰ ਦੇ ਇੱਕ ਵੱਡੇ ਹਸਪਤਾਲ ਪੰਜਾਬ ਹਾਰਟ ਸੈਂਟਰ (ਪੀ ਆਈ ਸੀ) ਵਿੱਚ ਵਕੀਲਾਂ ਨੇ ਕੱਲ੍ਹ ਭਾਰੀ ਹੰਗਾਮਾ ਕੀਤਾ ਅਤੇ ਹਿੱਸਾ ਉਤੇ ਉਤਾਰੂ ਵਕੀਲਾਂ ਨੇ ਹਸਪਤਾਲ ਵਿੱਚ ਭੰਨ-ਤੋੜ ਕੀਤੀ। ਇਸ ਹੰਗਾਮੇ ਦੌਰਾਨ ਇਲਾਜ ਨਾ ਮਿਲਣ ਕਾਰਨ ਚਾਰ ਮਰੀਜ਼ਾਂ ਦੀ ਮੌਤ ਹੋ ਗਈ। ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਅਤੇ ਪੰਜਾਬ ਦੇ ਮੁੱਖ ਮੰਤਰੀ ਉਸਮਾਨ ਬੁਜਦਾਰ ਨੇ ਵਕੀਲਾਂ ਦੇ ਹਮਲੇ ਦਾ ਗੰਭੀਰ ਨੋਟਿਸ ਲੈਂਦਿਆਂ ਸ਼ਹਿਰ ਦੇ ਪੁਲਸ ਅਧਿਕਾਰੀਆਂ ਨੂੰ ਜਾਂਚ ਦੇ ਹੁਕਮ ਦਿੱਤੇ ਹਨ।
ਮਿਲੀਆਂ ਖਬਰਾਂ ਮੁਤਾਬਕ ਕੱਲ੍ਹ ਸੋਸ਼ਲ ਮੀਡੀਆ ਉੱਤੇ ਜਾਰੀ ਹੋਈ ਵੀਡੀਓ ਪਿੱਛੋਂ ਵਕੀਲ ਹਿੰਸਾ ਉੱਤੇ ਉਤਾਰੂ ਹੋ ਗਏ। ਉਸ ਵੀਡੀਓ ਵਿੱਚ ਇੱਕ ਡਾਕਟਰ ਦੀ ਕੁਝ ਵਕੀਲਾਂ ਨਾਲ ਕੁੱਟ-ਮਾਰ ਵਿਖਾਈ ਗਈ ਸੀ। ਵੀਡੀਓ ਵਿੱਚ ਨਜ਼ਰ ਆ ਰਹੇ ਡਾਕਟਰ ਦੇ ਮੁਤਾਬਕ ਵਕੀਲਾਂ ਦਾ ਇੱਕ ਗਰੁੱਪ ਡਾਇਰੈਕਟਰ ਜਰਨਲ ਕੋਲ ਗਿਆ ਸੀ ਤੇ ਉਸ ਨੂੰ ਦੋ ਡਾਕਟਰਾਂ ਵਿਰੁੱਧ ਧਾਰਾ ਸੱਤ ਦਾ ਕੇਸ ਦਰਜ ਕਰਨ ਲਈ ਕਿਹਾ ਸੀ। ਉਸ ਵੱਲੋਂਕੇਸ ਦਰਜ ਕਰਨ ਤੋਂ ਨਾਂਹ ਕਰਨ ਉੱਤੇ ਕੱਲ੍ਹ ਹਸਪਤਾਲ ਵਿੱਚ ਵੱਡੀ ਗਿਣਤੀ ਵਿੱਚ ਵਕੀਲ ਇਕੱਠੇ ਹੋ ਗਏ ਅਤੇ ਹਿੰਸਾ 'ਤੇ ਉਤਰ ਆਏ। ਉਨ੍ਹਾਂ ਪੀ ਆਈ ਸੀ ਦੇ ਮੁੱਖ ਦਰਵਾਜ਼ੇ ਦਾ ਸ਼ੀਸ਼ਾ ਤੋੜ ਦਿੱਤਾ। ਹਸਪਤਾਲ ਵਿੱਚ ਪਏ ਕਈ ਮਹਿੰਗੇ ਜੰਤਰਾਂ ਦਾ ਨੁਕਸਾਨ ਕੀਤਾ ਅਤੇ ਖਿੜਕੀਆਂ ਤੋੜ ਦਿੱਤੀਆਂ। ਪਾਰਕਿੰਗ ਵਿੱਚ ਖੜ੍ਹੀਆਂ ਕਾਰਾਂ ਦੇ ਸ਼ੀਸ਼ੇ ਵੀ ਭੰਨ ਦਿੱਤੇ। ਹਸਪਤਾਲ ਦੇ ਐਮਰਜੈਂਸੀ ਵਿਭਾਗ ਦੇ ਦਰਵਾਜ਼ੇ ਤੋੜ ਦਿੱਤੇ। ਉਥੇ ਮੌਜੂਦ ਮੁਲਾਜ਼ਮਾਂ ਨੂੰ ਆਪਣੀ ਜਾਨ ਬਚਾਉਣ ਲਈ ਭੱਜਣਾ ਪਿਆ।
ਇੱਕ ਐਂਬੂਲੈਂਸ 'ਚ ਇਲਾਜ ਲਈ ਆਏ ਦੋ ਮਰੀਜ਼ ਹਸਪਤਾਲ ਨਹੀਂ ਪਹੁੰਚ ਸਕੇ। ਉਨ੍ਹਾਂ ਦੀ ਇਲਾਜ ਨਾ ਮਿਲਣ ਕਾਰਨ ਮੌਤ ਹੋ ਗਈ। ਦੋ ਹੋਰ ਮਰੀਜ਼ਾਂ, ਜੋ ਗੰਭੀਰ ਹਾਲਤ ਵਿੱਚ ਹਸਪਤਾਲ ਦਾਖਲ ਸਨ, ਦਾ ਇਲਾਜ ਨਹੀਂ ਹੋ ਸਕਿਆ ਅਤੇ ਉਨ੍ਹਾਂ ਨੇ ਵੀ ਦਮ ਤੋੜ ਦਿੱਤਾ। ਵਕੀਲਾਂ ਨੇ ਹਸਪਤਾਲ ਵਿੱਚ ਮੌਜੂਦ ਮੀਡੀਆ ਉੱਤੇ ਵੀ ਹਮਲਾ ਕੀਤਾ ਤੇ ਉਨ੍ਹਾਂ 'ਤੇ ਪਥਰਾਅ ਕੀਤਾ ਗਿਆ। ਇੱਕ ਟੀ ਵੀ ਚੈਨਲ ਦੀ ਮਹਿਲਾ ਰਿਪੋਰਟਰ ਕਿੰਜਾ ਮਲਿਕ ਜ਼ਖ਼ਮੀ ਹੋ ਗਈ। ਪੰਜਾਬ ਦੇ ਸੂਚਨਾ ਮੰਤਰੀ ਫਰਿਆਜ਼ ਉਲ ਨੇ ਕਿਹਾ ਕਿ ਵਕੀਲਾਂ ਨੇ ਮੈਨੂੰ ਅਗਵਾ ਕਰਨ ਦੀ ਕੋਸ਼ਿਸ਼ ਕੀਤੀ ਤੇ ਧੱਕਾ-ਮੁੱਕੀ ਕੀਤੀ ਹੈ।

 

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ