ਅਭਿਨੇਤਾ ਰਿਸ਼ੀ ਕਪੂਰ ਕੈਂਸਰ ਨੂੰ ਹਰਾ ਕੇ ਅਮਰੀਕਾ ਤੋਂ ਵਾਪਸ ਆਉਣ ਪਿੱਛੋਂ ਲਗਾਤਾਰ ਹਿੰਦੀ ਫਿਲਮਾਂ ਦਾ ਹਿੱਸਾ ਬਣਨ ਵਾਲੇ ਹਨ। ਉਨ੍ਹਾਂ ਦੀ ਅਗਲੀ ਫਿਲਮ ‘ਦ ਬਾਡੀ’ ਹੋਵੇਗੀ। 13 ਦਸੰਬਰ ਨੂੰ ਰਿਲੀਜ਼ ਹੋ ਰਹੀ ਇਸ ਫਿਲਮ ਵਿੱਚ ਉਹ ਪੁਲਸ ਅਧਿਕਾਰੀ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਇਸ ਫਿਲਮ ਦੇ ਬਾਅਦ ਉਹ ‘ਸ਼ਰਮਾਜੀ ਨਮਕੀਨ’ ਫਿਲਮ ਵਿੱਚ ਨਜ਼ਰ ਆਉਣਗੇ। ਇਸ ਫਿਲਮ ਦਾ ਐਲਾਨ ਫਿਲਮ ਮੇਕਰ ਰਿਤੇਸ਼ ਸਿਧਵਾਨੀ ਨੇ ਕੀਤਾ ਹੈ।
ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇਸ ਗੱਲ ਦੀ ਜਾਣਕਾਰੀ ਦਿੰਦੇ ਹੋਏ ਇੱਕ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਰਿਸ਼ੀ ਕਪੂਰ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਆਪਣੇ ਸੋਸ਼ਲ ਅਕਾਊਂਟ 'ਤੇ ਲਿਖਿਆ ਹੈ, ਆਫ ਸਕਰੀਨ ਮਿੱਠੇ, ਆਨ ਸਕਰੀਨ ਨਮਕੀਨ। ਜਦ ਅਜਿਹੀ ਪ੍ਰਭਿਾਵਾਂ ਮਿਲਦੀਆਂ ਹਨ ਤਾਂ ਉਤਸੁਕਤਾ ਵਧ ਜਾਂਦੀ ਹੈ। ਇਸ ਫਿਲਮ ਵਿੱਚ ਰਿਸ਼ੀ ਕਪੂਰ ਦੇ ਨਾਲ ਅਭਿਨੇਤਰੀ ਜੂਹੀ ਚਾਵਲਾ ਵੀ ਹੋਵੇਗੀ। ਉਹ ਜੋੜੀ ‘ਬੋਲ ਰਾਧਾ ਬੋਲ’, ‘ਦਰਾਰ’, ‘ਈਨਾ ਮੀਨਾ ਡੀਕਾ’, ‘ਸਾਜਨ ਕਾ ਘਰ’ ਵਰਗੀਆਂ ਫਿਲਮਾਂ ਵਿੱਚ ਕੰਮ ਕਰ ਚੁੱਕੀ ਹੈ। ਫਿਲਮ ਅਗਲੇ ਸਾਲ ਰਿਲੀਜ਼ ਹੋਵੇਗੀ।