Welcome to Canadian Punjabi Post
Follow us on

19

January 2020
ਟੋਰਾਂਟੋ/ਜੀਟੀਏ

ਟਾਈਗਰਜ਼ ਵਲੋਂ ਮੈਰੀਕਲ ਆਨ ਮੇਨ ਅੱਜ ਮਿਲਟਨ ’ਚ, 11 ਨੂੰ ਬਰੈਂਪਟਨ `ਚ

December 09, 2019 10:32 AM

ਬਰੈਂਪਟਨ, 8 ਦਸੰਬਰ (ਸੁਰਜੀਤ ਸਿੰਘ ਫਲੋਰਾ)- ਟਾਈਗਰ ਜੀਤ ਸਿੰਘ ਫਾਊਂਡੇਸ਼ਨ ਵਲੋਂ ਬਰੈਂਪਟਨ ਸਿਟੀ, ਪੀਲ ਪੁਲਸ ਅਤੇ ਪੀਲ ਫਾਇਰ ਡਿਪਾਰਟਮੈਂਟ ਨਾਲ ਰਲ ਕੇ ਮੈਰੀਕਲ ਆਨ ਮੇਨ ਨਾਮ ਦਾ ਪ੍ਰੋਗਰਾਮ ਬਰੈਂਪਟਨ ਵਿਚ 11 ਦਸੰਬਰ ਦਿਨ ਬੁੱਧਵਾਰ ਨੂੰ ਸ਼ਾਮ ਨੂੰ 6 ਤੋਂ 9 ਵਜੇ ਤੱਕ ਬਰੈਂਪਟਨ ਸਿਟੀ ਨਾਲ ਲੱਗਦੇ ਗੇਜ ਪਾਰਕ ਵਿਖੇ ਕਰਵਾਇਆ ਜਾ ਰਿਹਾ ਹੈ। ਇਹ ਈਵੈਂਟ ਅੱਜ ਮਿਲਟਨ ਦੇ ਡਾਊਨਟਾਊਨ ਵਿਖੇ ਹੋ ਰਿਹਾ ਹੈ। ਜਿਥੇ ਮਿਲਟਨ ਵਿਚ ਟਾਈਗਰ ਜੀਤ ਸਿੰਘ ਫਾਊਂਡੇਸ਼ਨ ਵਲੋਂ 11ਵਾਂ ਈਵੈਂਟ ਹੈ, ਉਥੇ ਬਰੈਂਪਟਨ ਵਿਚ ਪਹਿਲਾ ਹੋਵੇਗਾ। ਬੀਤੇ ਸ਼ੁੱਕਰਵਾਰ 6 ਦਸੰਬਰ ਨੂੰ ਟਾਈਗਰ ਜੀਤ ਸਿੰਘ, ਟਾਈਗਰ ਅਲੀ ਸਿੰਘ, ਪੀਲ ਪੁਲਸ ਦੇ ਚੀਫ਼ ਅਤੇ ਮੇਅਰ ਪੈਟਿ੍ਰਕ ਬ੍ਰਾਊਨ ਵਲੋਂ ਇਕ ਸਾਂਝੇ ਤੌਰ ਉਤੇ ਪ੍ਰੈਸ ਕਾਨਫਰੰਸ ਕਰਕੇ ਐਲਾਨ ਕੀਤਾ ਗਿਆ ਹੈ ਕਿ 11 ਦਸੰਬਰ ਨੂੰ ਸ਼ਾਮ ਨੂੰ 6 ਤੋਂ 9 ਵਜੇ ਤੱਕ ਵੱਡੀ ਪੱਧਰ ਉਤੇ ਬੱਚਿਆਂ ਨੂੰ ਖਿਡਾਉਣੇ ਵੰਡੇ ਜਾਣਗੇ।

 
ਇਹ ਖਿਡਾਉਣੇ ਜਿਥੇ ਇਹ ਪ੍ਰੋਗਰਾਮ ਵਿਚ ਭਾਗ ਲੈਣ ਜਾ ਰਹੇ ਹਜ਼ਾਰਾਂ ਬੱਚੇ ਲੈ ਸਕਣਗੇ ਉਥੇ ਹੀ ਟਾਈਗਰ ਫਾਊਂਡੇਸ਼ਨ ਵਲੋਂ ਇਨ੍ਹਾਂ ਖਿਡਾਉਣਿਆਂ ਨੂੰ ਵੱਖ-ਵੱਖ ਬੱਚਿਆਂ ਦੇ ਹਸਪਤਾਲਾਂ ਵਿਚ ਵੀ ਪਹੁੰਚਾਇਆ ਜਾਵੇਗਾ। ਇਸ ਮੌਕੇ ਮੇਅਰ ਪੈਟਰਿਕ ਬਰਾਊਨ ਵਲੋਂ ਬੋਲਦੇ ਹੋਏ ਕਿਹਾ ਕਿ ਟਾਈਗਰ ਜੀਤ ਸਿੰਘ ਇਕ ਮਹਾਨ ਵਿਆਕਤੀ ਹਨ, ਜੋ ਗਰੀਬ ਗੁਰਬਿਆਂ ਲਈ ਹੀਂ ਨਹੀਂ ਬਲਕੇ ਹਰ ਲੋੜਵੰਦ ਇੰਨਸਾਨ ਲਈ ਹਰ ਪਲ ਤਤਪਰ ਰਹਿੰਦੇ ਹਨ। ਇਸੇ ਤਰ੍ਹਾਂ ਪੀਲ ਪੁਲਿਸ ਚੀਫ ਨਿਸ਼ਾਨ ਨੇ ਬੋਲਦੇ ਹੋਏ ਕਿਹਾ ਕਿ ਜਦੋਂ ਮੈਂ ਹਾਲਟਨ ਵਿਚ ਸੀ ਤਾਂ ਟਾਈਗਰ ਜੀਤ ਸਿੰਘ ਨੂੰ ਮਿਲਣ ਦਾ ਬਹੁਤ ਨਜ਼ਦੀਕ ਤੋਂ ਮੌਕਾ ਮਿਲਿਆ ਤੇ ਉਨ੍ਹਾਂ ਨਾਲ ਕੰਮ ਕਰਨ ਦਾ ਵੀ, ਉਨ੍ਹਾਂ ਨੇ ਬਰੈਂਪਟਨ ’ਚ ਆਪਣੀ ਚੈਰਿਟੀ ਰਾਹੀਂ ਜੋ ਪੀਲ ਦੇ ਬੱਚਿਆਂ ਪ੍ਰਤੀ ਆਪਣਾ ਪਿਆਰ ਅਤੇ ਨੇੜਤਾ ਦਿਖਾਈ ਹੈ, ਉਹ ਸਲਾਹਣਯੋਗ ਹੈ। ਅਸੀਂ ਆ ਰਹੇ ਦਿਨਾਂ ’ਚ ਸਖ਼ਤ ਮਿਹਨਤ ਕਰਕੇ ਇਸ ਮੈਰੀਕਲ ਪ੍ਰੋਗਰਾਮ ਨੂੰ ਸਫਲ ਬਣਾਵਾਗੇ।

  
ਟਾਈਗਰ ਜੀਤ ਸਿੰਘ ਨੇ ਬੋਲਦੇ ਹੋਏ ਕਿਹਾ ਕਿ ਬੱਚੇ ਪ੍ਰਮਾਤਮਾ ਦਾ ਰੂਪ ਹੁੰਦੇ ਹਨ ਤੇ ਪ੍ਰਮਾਤਮਾ ਇਕ ਹੀ ਹੈ, ਜਿਸ ਕਰਕੇ ਮੈਂ ਸਭ ਧਰਮਾ ਦੇ ਲੋਕਾਂ ਨੂੰ ਪਿਆਰ ਕਰਦਾ ਹਾਂ, ਉਨ੍ਹਾਂ ਦਾ ਦੁਖ ਦਰਦ ਉਹ ਮੈਂ ਦੇਖ ਨਹੀਂ ਸਕਦਾ (ਇਸ ਸਮੇਂ ਉਹ ਬਹੁਤ ਹੀ ਭਾਵੁਕ ਹੋ ਗਏ ਤੇ ਉਨ੍ਹਾਂ ਦਾ ਗਲਾ ਭਰ ਆਇਆ, ਉਨ੍ਹਾਂ ਨੇ ਲੰਮਾ ਸਾਹ ਲੈਂਦੇ ਹੋਏ ਕਿਹਾ ਕਿ) ਜਿਸ ਲਈ ਕਿ੍ਰਸਮਿਸ ’ਤੇ ਸਾਡੀ ਕੋਸ਼ਿਸ਼ ਹੁੰਦੀ ਹੈ ਕੋਈ ਵੀ ਬੱਚਾ ਖਿਡੌਣਿਆਂ ਤੋਂ ਵਾਂਝਾ ਨਾ ਰਹਿ ਜਾਵੇਂ। ਇਸ ਦੇ ਨਾਲ ਹੀ ਟਾਈਗਰ ਅਲੀ ਸਿੰਘ ਨੇ ਬੋਲਦੇ ਹੋਏ ਕਿਹਾ ਕਿ ਇਹ ਮੇਰੇ ਲਈ ਨਹੀਂ ਨਾ ਮੇਰੇ ਪਿਤਾ ਲਈ, ਨਾ ਬਰੈਂਪਟਨ ਲਈ, ਨਾ ਕਿਸੇ ਹੋਰ ਲਈ, ਜੇਕਰ ਇਹ ਸੰਸਥਾਂ ਟੀਜੇਐਸਐਫ ਜੋ ਬਣਾਈ ਹੈ, ਉਹ ਗਰੀਬ ਗੁਰਬਿਆਂ ਦੀ ਮਦਦ ਲਈ ਬਣਾਈ ਹੈ। ਜਿਸ ਲਈ ਦਿਲ ਖ੍ਹੋਲ ਕੇ ਮਦਦ ਕਰੋ, ਜਿਸ ਨਾਲ ਇਸ ਕਿ੍ਰਸਮਿਸ ਤੇ ਕੋਈ ਵੀ ਬੱਚਾ ਖਿਡੌਣੇ ਤੋਂ ਵਗੈਰ ਨਾ ਰਹਿ ਜਾਵੇ।
ਟੀਜੇਐਸਐਫ ਇਕ ਮਿਲਟਨ-ਅਧਾਰਤ ਚੈਰਿਟੀ ਹੈ ਜੋ ਪਰਉਪਕਾਰ ਦੇ ਇਰਾਦੇ ਤਹਿਤ ਸ਼ੁਰੂ ਕੀਤੀ ਗਈ ਹੈ। ਟਾਈਗਰ ਜੀਤ ਸਿੰਘ ਅਤੇ ਉਸ ਦਾ ਬੇਟਾ ਟਾਈਗਰ ਅਲੀ ਸਿੰਘ। ਪਿਛਲੇ ਦਸ ਸਾਲਾਂ ਤੋਂ, ਟੀਜੇਐਸਐਫ ਨੇ ਉਨਟਾਰੀਓ ਦੇ ਮਿਲਟਨ, ’ਚ ਆਪਣਾ “ਮੈਰੀਕਲ ਆਨ ਮੇਨ ਸਟ੍ਰੀਟ“ ਪ੍ਰੋਗਰਾਮ ਤਹਿਤ ਚਲਾ ਰਹੇ ਹਨ। ਜਿਸਨੇ ਬੱਚਿਆਂ ਅਤੇ ਲੋੜਵੰਦ ਪਰਿਵਾਰਾਂ ਲਈ ਦਾਨ ਅਤੇ ਸਪਾਂਸਰਸ਼ਿਪ ਦੁਆਰਾ ਲੱਖਾਂ ਲੋਕਾਂ ਦੀ ਮਦਦ ਕੀਤੀ ਹੈ। ਜਿਸ ਨੂੰ ਹੁਣ ਬਰੈਂਪਟਨ ਤੱਕ ਵੀ ਲੈ ਆਂਦਾ ਗਿਆ ਹੈ। ਇਸ ਸਾਲ ਇਹ ਪਹਿਲਾਂ ਟੀਜੇਐਸਐਫ ਦਾ ਬਰੈਂਪਟਨ ਵਿਚ ਉਪਰਾਲਾ ਹੋਵੇਗਾ। ਜੋ 11 ਦਸੰਬਰ ਨੂੰ ਸਿਟੀ ਹਾਲ ਦੇ ਬਾਹਰ ਮੇਨ ਸਟਰੀਟ ਤੇ ਉਲੀਕਿਆਂ ਜਾਵੇਗਾ। ਜਿਥੇ ਸਭ ਨੂੰ ਸਿਟੀ ਵਲੋਂ, ਪੀਲ ਪੁਲਿਸ, ਪੀਲ ਫਾਇਰ ਡਿਪਾਰਟਮੈਂਟ ਅਤੇ ਟਾਈਗਰ ਜੀਤ ਸਿੰਘ ਵਲੋਂ ਸਭ ਨੂੰ ਪਹੁੰਚ ਕੇ ਮਦਦ ਕਰਨ ਦੀ ਅਪੀਲ ਕੀਤੀ ਗਈ ਹੈ।

Have something to say? Post your comment
ਹੋਰ ਟੋਰਾਂਟੋ/ਜੀਟੀਏ ਖ਼ਬਰਾਂ
ਇਮੀਗ੍ਰੇਸ਼ਨ ਮੰਤਰੀ ਵੱਲੋਂ ਬਰੈਂਪਟਨ ਦਾ ਦੌਰਾ
ਬਰੈਂਪਟਨ ਵਿੱਚ ਮਿਲੀ ਲਾਸ਼, ਪੁਲਿਸ ਕਰ ਰਹੀ ਹੈ ਮਾਮਲੇ ਦੀ ਜਾਂਚ
ਹੁਣ ਕੈਨੇਡਾ ਦਾ ਵੀਜ਼ਾ ਦੇਣਗੇ ਰੋਬੋਟ
ਬੱੁਧਵਾਰ ਨੂੰ ਹੜਤਾਲ ਕਾਰਨ ਬੰਦ ਰਹਿਣਗੇ ਦਰਹਾਮ ਡਿਸਟ੍ਰਿਕਟ ਸਕੂਲ ਬੋਰਡ ਦੇ ਸਕੂਲ
ਮਿਸੀਸਾਗਾ ਵਿੱਚ ਟਰੈਕਟਰ ਟਰੇਲਰ ਤੇ ਗੱਡੀ ਵਿੱਚ ਹੋਈ ਟੱਕਰ ਵਿੱਚ 1 ਹਲਾਕ, 2 ਜ਼ਖ਼ਮੀ
ਓਂਟਾਰੀਓ ਖਾਲਸਾ ਦਰਬਾਰ ਅਤੇ ਗੁਰੂ ਨਾਨਕ ਮਿਸ਼ਨ ਨੇ ਕੌਂਸਲ ’ਚੋਂ ਆਪਣਾ ਨਾਂ ਕਢਵਾਇਆ
ਟਰੱਕ ਤੇ ਟੈਕਰ ਦੀ ਟੱਕਰ ਵਿਚ ਦੋ ਪੰਜਾਬੀਆਂ ਸਮੇਤ 4 ਜਣਿਆ ਦੀ ਮੌਤ
ਰਿਆਲਟੈਰ ਸਤਵੀਰ ਧਾਲੀਵਾਲ ਨੂੰ ਸਦਮਾ, ਪਿਤਾ ਪਲਵਿੰਦਰ ਧਾਲੀਵਾਲ ਦਾ ਦੇਹਾਂਤ
ਡਾ. ਭੰਡਾਲ ਦੀਆਂ ਦੋ ਪੁਸਤਕਾਂ 'ਰੂਹ ਰੇਜ਼ਾ' ਤੇ 'ਧੁੱਪ ਦੀਆਂ ਕਣੀਆਂ' ਲੋਕ-ਅਰਪਿਤ
ਨਵੇਂ ਸਾਲ ਦੇ ਪਹਿਲੇ ਦਿਨ ਬਾਲਮੀ ਬੀਚ ਵਿਖੇ ਸੰਜੂ ਗੁਪਤਾ ਨੇ 'ਹੇਅਰ ਆਫ਼ 'ਦ ਡੌਗ ਫ਼ਨ ਰੱਨ' ਵਿਚ ਲਿਆ ਹਿੱਸਾ