ਆਮਿਰ ਖਾਨ, ਸਨੀ ਦਿਓਲ, ਪੰਕਜ ਕਪੂਰ, ਨੰਦਿਤਾ ਦਾਸ ਵਰਗੇ ਕਈ ਕਲਾਕਾਰ ਐਕਟਿੰਗ ਦੇ ਨਾਲ ਨਿਰਦੇਸ਼ਨ ਦੀ ਵਾਗਡੋਰ ਵੀ ਸੰਭਾਲ ਚੁੱਕੇ ਹਨ। ਅੱਗੋਂ ਇਸ ਵਿੱਚ ਅਮਿਤਾਬ ਬੱਚਨ ਦਾ ਨਾਂਅ ਵੀ ਸ਼ਾਮਲ ਹੋ ਸਕਦਾ ਹੈ। ਅਮਿਤਾਭ ਬੱਚਨ ਫਿਲਮ ‘ਚਿਹਰੇ’ ਵਿੱਚ ਇੱਕ ਮਹੱਤਵ ਪੂਰਨ ਭੂਮਿਕਾ ਨਿਭਾ ਰਹੇ ਹਨ। ਫਿਲਮ ਦੇ ਨਿਰਮਾਤਾ ਆਨੰਦ ਪੰਡਿਤ ਦੀ ਮੰਨੀਏ ਤਾਂ ਅਮਿਤਾਭ ਇਸ ਫਿਲਮ ਦੇ ਆਖਰੀ ਸੀਨ ਦਾ ਨਿਰਦੇਸ਼ਨ ਕਰ ਸਕਦੇ ਹਨ। ‘ਚਿਹਰੇ' ਦਾ ਨਿਰਦੇਸ਼ਨ ਉਂਝ ਤਾਂ ਰੂਮੀ ਜਾਫਰੀ ਕਰਨਗੇ, ਪਰ ਆਨੰਦ ਕਹਿੰਦੇ ਹਨ ਕਿ ਸ਼ੂੂਟਿੰਗ ਦੇ ਇਸ ਦਿਨ ਫਿਲਮ ਦੇ ਆਖਰੀ ਸੀਨ ਦਾ ਨਿਰਦੇਸ਼ਨ ਕਰਨ ਲਈ ਉਹ ਅਮਿਤਾਭ ਨੂੰ ਬੇਨਤੀ ਕਰਨਗੇ। ਇਹ ਫਿਲਮ ਨਾਲ ਜੁੜੀ ਖੂਬਸੂਰਤ ਯਾਦ ਬਣ ਜਾਏਗੀ, ਨਾਲ ਹੀ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਦੇ ਲਈ ਇਹ ਖੁਸ਼ਖਬਰੀ ਹੋਵੇਗੀ।
ਇਸ ਫਿਲਮ ਵਿੱਚ ਇਮਰਾਨ ਹਾਸ਼ਮੀ ਨੂੰ ਪਹਿਲੀ ਵਾਰ ਅਮਿਤਾਭ ਬੱਚਨ ਦੇ ਨਾਲ ਕੰਮ ਕਰਨ ਦਾ ਮੌਕਾ ਮਿਲੇਗਾ। ਇਮਰਾਨ ਦਿੱਲੀ ਵਿੱਚ ਇਸ ਫਿਲਮ ਦੀ ਸ਼ੂਟਿੰਗ ਕਰਨਗੇ। ਉਸ ਦੇ ਬਾਅਦ ਪੂਰੀ ਟੀਮ ਆਖਰੀ ਸ਼ਡਿਊਲ ਲਈ ਯੂਰਪ ਨੂੰ ਰਵਾਨਾ ਹੋਵੇਗੀ, ਜਿੱਥੇ ਅਮਿਤਾਬ ਬੱਚਨ ਨੂੰ ਨਿਰਦੇਸ਼ਨ ਕਰਨ ਦੀ ਬੇਨਤੀ ਕੀਤੀ ਜਾਵੇਗੀ। ਆਨੰਦ ਪੰਡਿਤ ਨੇ ਦੱਸਿਆ ਕਿ ਅੱਠ ਦਿਨਾਂ ਦੇ ਸ਼ਡਿਊਲ ਵਿੱਚ ਉਥੇ ਸਾਊਥ ਪੋਲੈਂਡ ਵਿੱਚ ਐਕਸ਼ਨ ਸੀਕਵੈਂਸ ਫਿਲਮਾਏ ਜਾਣਗੇ। ਇੱਕ ਚੇਂਜਿੰਗ ਸੀਨ ਨੂੰ ਅਮਿਤਾਭ ਲੀਡ ਕਰਨਗੇ। ਯੂਰਪ ਦੇ ਦੋ ਐਕਸ਼ਨ ਡਾਇਰੈਕਟਰ ਇਨ੍ਹਾਂ ਸੀਕਵੈਂਸ ਨੂੰ ਡਿਜ਼ਾਈਨ ਕਰਨਗੇ। ਨਾਲ ਉਥੋਂ ਦੀਆਂ ਖੂਬਸੂਰਤ ਲੋਕੇਸ਼ਨਾਂ ਨੂੰ ਕੈਮਰੇ ਵਿੱਚ ਕੈਦ ਕੀਤਾ ਜਾਏਗਾ। ਆਨੰਦ ਪੰਡਿਤ ਦੱਸਦੇ ਹਨ ਕਿ ਉਥੇ ਕੜਾਕੇ ਦੀ ਠੰਢ ਹੋਵੇਗੀ। ਬਰਫ ਪੈ ਰਹੀ ਹੋਵੇਗੀ। ਅਜਿਹੇ ਵਿੱਚ ਕਈ ਖੂਬਸੂਰਤ ਦਿ੍ਰਸ਼ ਮਿਲ ਜਾਣਗੇ। ‘ਚਿਹਰੇ’ ਅਗਲੇ ਸਾਲ 24 ਅਪ੍ਰੈਲ ਨੂੰ ਰਿਲੀਜ਼ ਹੋਵੇਗੀ। ਫਿਲਮ ਵਿੱਚ ਰੀਆ ਚੱਕਰਵਰਤੀ, ਸਿਧਾਂਤ ਕਪੂਰ, ਰਘੁਵੀਰ ਯਾਦਵ ਅਤੇ ਅਨੂੰ ਕਪੂਰ ਵੀ ਹੋਣਗੇ।