Welcome to Canadian Punjabi Post
Follow us on

07

August 2020
ਮਨੋਰੰਜਨ

ਕੰਮ ਲਈ ਪਤੀ 'ਤੇ ਨਿਰਭਰ ਨਹੀਂ ਹਾਂ : ਦਿਵਿਆ ਖੋਸਲਾ ਕੁਮਾਰ

December 03, 2019 09:14 AM

ਟੀ ਸੀਰੀਜ਼ ਦੇ ਮੁਖੀ ਤੇ ਫਿਲਮ ਨਿਰਮਾਤਾ ਭੂਸ਼ਣ ਕੁਮਾਰ ਦੀ ਪਤਨੀ ਦਿਵਿਆ ਖੋਸਲਾ ਕੁਮਾਰ ਦਾ ਕਹਿਣਾ ਹੈ ਕਿ ਫਿਲਮ ਨਗਰੀ ਵਿੱਚ ਕੰਮ ਪਾਉਣ ਲਈ ਉਹ ਕਦੇ ਆਪਣੇ ਪਤੀ ਉਤੇ ਨਿਰਭਰ ਨਹੀਂ ਰਹੀ। ਉਹ ਕਹਿੰਦੀ ਹੈ, ‘ਮੈਂ ਕਦੇ ਕੰਮ ਲਈ ਆਪਣੇ ਪਤੀ 'ਤੇ ਨਿਰਭਰ ਨਹੀਂ ਰਹੀ। ਜਦੋਂ ਮੈਂ ਫਿਲਮ ‘ਯਾਰੀਆਂ’ ਬਣਾਈ ਤਾਂ ਉਨ੍ਹਾਂ ਨੇ ਕਹਾਣੀ ਵੀ ਨਹੀਂ ਸੁਣੀ ਸੀ। ਜਦੋਂ ਇਹ ਹਿੱਟ ਹੋ ਗਈ ਤਾਂ ਉਨ੍ਹਾਂ ਨੂੰ ਵਿਸ਼ਵਾਸ ਹੋਇਆ ਕਿ ਮੈਂ ਫਿਲਮ ਨਿਰਦੇਸ਼ਿਤ ਕਰ ਸਕਦੀ ਹਾਂ। ਉਹ ਮੇਰੇ ਹਰ ਕੰਮ ਵਿੱਚ ਬਹੁਤ ਸਮਰਥਨ ਕਰਦੇ ਹਨ, ਪਰ ਅਸੀਂ ਇੱਕ ਦੂਜੇ ਦੇ ਕੰਮ ਵਿੱਚ ਕਦੇ ਦਖਲ ਨਹੀਂ ਦਿੰਦੇ।”
ਉਹ ਮੰਨਦੀ ਹੈ ਕਿ ਫਿਲਮ ਨਗਰੀ ਵਿੱਚ ਕੰਮ ਮਿਲਣਾ ਮੁਸ਼ਕਲ ਹੈ। ਉਸ ਨੇ ਕਿਹਾ, ‘‘ਤਿੰਨ ਸਾਲ ਹੋ ਗਏ ਹਨ ‘ਸਨਮ ਰੇ' (ਉਸ ਦੀ ਪਿਛਲੀ ਨਿਰਦੇਸ਼ਿਤ ਫਿਲਮ) ਨੂੰ ਅਤੇ ਉਸ ਤੋਂ ਬਾਅਦ ਤੋਂ ਮੈਂ ਸੋਚ ਰਹੀ ਸੀ ਕਿ ਮੈਨੂੰ ਆਪਣੇ ਕਰੀਅਰ 'ਚ ਕੀ ਕਰਨਾ ਹੈ। ਇਸ ਵਿਚਾਲੇ ਮੈਂ ਡਾਂਸ ਅਤੇ ਫਿਟਨੈਸ 'ਤੇ ਕੰਮ ਕਰ ਰਹੀ ਸੀ। ਪਿੱਛੇ ਜਿਹੇ ਉਸ ਨੇ ਆਪਣੇ ਗੀਤ ‘ਯਾਦ ਪਿਯਾ ਕੀ ਆਏਗੀ’ ਦੀ ਸਫਲਤਾ ਦਾ ਜਸ਼ਨ ਮਨਾਇਆ ਸੀ ਜਿਸ ਦੇ ਵੀਡੀਓ 'ਚ ਦਿਵਿਆ ਖੁਦ ਹੈ ਅਤੇ ਇਸ ਨੂੰ ਉਸ ਦੇ ਪਤੀ ਨੇ ਪ੍ਰੋਡਿਊਸ ਕੀਤਾ ਹੈ।” ਦਿਵਿਆ ਨੇ ਅਮਿਤਾਭ ਬੱਚਨ ਅਤੇ ਅਕਸ਼ੈ ਕੁਮਾਰ ਦੀ ਫਿਲਮ ‘ਅਬ ਤੁਮਹਾਰੇ ਹਵਾਲੇ ਵਤਨ ਸਾਥੀਓ’ ਨਾਲ ਹਿੰਦੀ ਫਿਲਮਾਂ ਵਿੱਚ ਡੈਬਿਊ ਕੀਤਾ ਸੀ। ਇਸ ਪਿੱਛੋਂ 2014 ਵਿੱਚ ‘ਯਾਰੀਆਂ’ ਅਤੇ 2016 ਵਿੱਚ ‘ਸਨਮ ਰੇ’ ਵਰਗੀਆਂ ਸਫਲ ਫਿਲਮਾਂ ਦਾ ਉਸ ਨੇ ਨਿਰਦੇਸ਼ਕ ਕੀਤਾ ਹੈ। ਫਿਰ ਉਹ ਅਗਲੇ ਸਾਲ ਜਾਨ ਇਬਰਾਹੀਮ ਨਾਲ ਫਿਲਮ ‘ਸੱਤਿਅਮੇਵ ਜਯਤੇ 2’ ਨਾਲ ਬਤੌਰ ਅਭਿਨੇਤਰੀ ਵਾਪਸੀ ਕਰੇਗੀ।

Have something to say? Post your comment