Welcome to Canadian Punjabi Post
Follow us on

25

January 2021
ਕੈਨੇਡਾ

ਟੋਰਾਂਟੋ ਵਿੱਚ ਇੱਕ ਵਿਅਕਤੀ ਨੂੰ ਅਗਵਾ ਕਰਕੇ ਲੁੱਟਮਾਰ ਕਰਨ ਦੇ ਦੋਸ਼ ਵਿੱਚ 3 ਗ੍ਰਿਫਤਾਰ, 3 ਹੋਰਨਾਂ ਦੀ ਭਾਲ

December 03, 2019 04:46 AM

ਟੋਰਾਂਟੋ, 2 ਦਸੰਬਰ (ਪੋਸਟ ਬਿਊਰੋ) : ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਵਾਪਰੇ ਅਗਵਾਕਾਂਡ ਦੇ ਸਬੰਧ ਵਿੱਚ ਟੋਰਾਂਟੋ ਪੁਲਿਸ ਵੱਲੋਂ ਤਿੰਨ ਮਸ਼ਕੂਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਤੇ ਤਿੰਨ ਹੋਰਨਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਦੱਸਿਆ ਕਿ 16 ਨਵੰਬਰ ਨੂੰ ਯੂਨੀਵਰਸਿਟੀ ਆਫ ਟੋਰਾਂਟੋ ਦੇ ਡਾਊਨਟਾਊਨ ਕੈਂਪਸ ਨੇੜੇ ਇੱਕ 21 ਸਾਲਾ ਵਿਅਕਤੀ ਉੱਤੇ ਚਾਰ ਵਿਅਕਤੀਆਂ ਨੇ ਪਿੱਛੋਂ ਹਮਲਾ ਕਰ ਦਿੱਤਾ। ਪੁਲਿਸ ਨੇ ਦੱਸਿਆ ਕਿ ਉਸ ਵਿਅਕਤੀ ਦਾ ਪਹਿਲਾਂ ਗਲ ਘੁੱਟਿਆ ਗਿਆ ਤੇ ਉਸ ਨੂੰ ਟੇਜਰ ਵੀ ਲਾਇਆ ਗਿਆ। ਫਿਰ ਉਸ ਨੂੰ ਬੈਂਕ ਮਸ਼ੀਨ ਵਿੱਚੋਂ ਪੈਸੇ ਕਢਵਾਉਣ ਲਈ ਮਜਬੂਰ ਕੀਤਾ ਗਿਆ। ਅਖੀਰ ਹਮਲਾਵਰ ਉਸ ਨੂੰ ਪੂਰਬੀ ਹਿੱਸੇ ਵਿੱਚ ਸਥਿਤ ਮੋਟਲ ਵਿੱਚ ਲੈ ਗਏ ਜਿੱਥੇ ਉਨ੍ਹਾਂ ਨੇ ਉਸ ਨੂੰ ਉਦੋਂ ਤੱਕ ਬੰਦੀ ਬਣਾ ਕੇ ਰੱਖਿਆ ਜਦੋਂ ਤੱਕ ਉਸ ਨੇ ਆਪਣੀ ਕ੍ਰੈਡਿਟ ਲਿਮਿਟ ਵਿੱਚ ਵਾਧਾ ਨਹੀਂ ਕਰ ਦਿੱਤਾ।
ਪੁਲਿਸ ਦਾ ਕਹਿਣਾ ਹੈ ਕਿ ਉਸ ਨੂੰ ਉਦੋਂ ਛੱਡਿਆ ਗਿਆ ਜਦੋਂ ਮਸ਼ਕੂਕਾਂ ਨੇ ਉਸ ਦਾ ਸਾਰਾ ਬੈਂਕ ਐਕਾਊਂਟ ਖਾਲੀ ਕਰ ਲਿਆ। ਇਸ ਸਬੰਧ ਵਿੱਚ 18 ਸਾਲਾ ਦਾਇਸਾਅਨ ਗ੍ਰਾਂਟ, 21 ਸਾਲਾ ਕੇਲਿਨ ਸੰਕਰ ਨੂੰ ਜੁਰਮ ਨਾਲ ਹਾਸਲ ਕੀਤੇ ਗਏ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰਨ ਦੇ ਮਾਮਲੇ ਵਿੱਚ ਚਾਰਜ ਕੀਤਾ ਗਿਆ ਜਦਕਿ 21 ਸਾਲਾ ਤਾਨਿਕਾ ਗੈਲੋਵੇਅ ਨੂੰ ਅਗਵਾ ਕਰਨ, ਜ਼ਬਰਦਸਤੀ ਬੰਧੀ ਬਣਾ ਕੇ ਰੱਖਣ, ਡਾਕਾ ਮਾਰਨ ਤੇ ਹਮਲਾ ਕਰਨ ਦੇ ਸਬੰਧ ਵਿੱਚ ਚਾਰਜ ਕੀਤਾ ਗਿਆ।
ਪੁਲਿਸ ਨੇ ਇਸ ਜੁਰਮ ਦੇ ਸਬੰਧ ਵਿੱਚ ਤਿੰਨ ਹੋਰਨਾਂ ਮਸ਼ਕੂਕਾਂ ਦੀ ਪਛਾਣ ਕੀਤੀ ਹੈ। 20 ਸਾਲਾ ਐਡਿਸੂਨ ਐਡਮੂਨ ਤੇ ਆਰਥਰ ਮੈਕਲੀਨ ਦੀ ਪੁਲਿਸ ਨੂੰ ਕਿਡਨੈਪਿੰਗ, ਜ਼ਬਰਦਸਤੀ ਕਿਸੇ ਨੂੰ ਬੰਧੀ ਬਣਾ ਕੇ ਰੱਖਣ, ਡਾਕਾ ਮਾਰਨ ਤੇ ਜੁਰਮ ਨਾਲ ਹਾਸਲ ਕੀਤੇ ਗਏ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰਨ ਦੇ ਪੰਜ ਮਾਮਲਿਆਂ ਵਿੱਚ ਭਾਲ ਹੈ। ਛੇਵਾਂ ਮਸ਼ਕੂਕ ਸਿਆਹ ਨਸਲ ਦਾ 20 ਤੋਂ 25 ਸਾਲ ਦਾ ਛੇ ਫੁੱਟ ਲੰਮਾਂ ਦਰਮਿਆਨੀ ਕੱਦਕਾਠੀ ਵਾਲਾ ਵਿਅਕਤੀ ਦੱਸਿਆ ਜਾਂਦਾ ਹੈ। ਉਸ ਦੇ ਫੇਡ ਕੀਤੀ ਹੋਈ ਜੀਨਜ਼, ਗ੍ਰੇਅ/ਬੇਜ ਰੰਗ ਦੀ ਜੈਕੇਟ, ਗ੍ਰੇਅ ਹੁਡੀ, ਲਾਲ ਰੰਗ ਦੀ ਬੇਸਬਾਲ ਹੈਟ ਤੇ ਚਿੱਟਾ ਸਿੰਬਲ ਤੇ ਕਾਲੇ ਜੁੱਤੇ ਪਾਏ ਦੱਸੇ ਜਾਂਦੇ ਹਨ।
ਪੁਲਿਸ ਨੇ ਦੱਸਿਆ ਕਿ ਤਿੰਨਾਂ ਮਸ਼ਕੂਕਾਂ ਕੋਲ ਹਥਿਆਰ ਹਨ ਤੇ ਇਹ ਖਤਰਨਾਕ ਹੋ ਸਕਦੇ ਹਨ। ਜਾਂਚਕਾਰਾਂ ਦਾ ਕਹਿਣਾ ਹੈ ਕਿ ਇਨ੍ਹਾਂ ਮਸ਼ਕੂਕਾਂ ਦੇ ਹੋਰ ਲੋਕ ਵੀ ਸਿ਼ਕਾਰ ਹੋਏ ਹੋ ਸਕਦੇ ਹਨ।

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਫਾਈਜ਼ਰ ਵੈਕਸੀਨ ਦੀਆਂ 79 ਹਜ਼ਾਰ ਡੋਜ਼ਾਂ ਫਰਵਰੀ ਦੇ ਪਹਿਲੇ ਹਫਤੇ ਤੱਕ ਪਹੁੰਚਣ ਦੀ ਸੰਭਾਵਨਾ :ਫੋਰਟਿਨ
ਬਾਇਡਨ ਨੇ ਕੀਅਸਟੋਨ ਐਕਸਐਲ ਦੇ ਪਰਮਿਟ ਨੂੰ ਕੀਤਾ ਰੱਦ ਕੈਨੇਡਾ ਦੇ ਤੇਲ ਸੈਕਟਰ ਨੂੰ ਲੱਗਿਆ ਵੱਡਾ ਝਟਕਾ
ਡੈਰਿਨ ਰਿਜ਼ੀ ਬਣੀ ਮਿਸੀਸਾਗਾ ਦੀ ਪਰਮਾਨੈਂਟ ਫਾਇਰ ਚੀਫ
ਵਿਦੇਸ਼ ਦਾ ਦੌਰਾ ਕਰਨ ਵਾਲੀ ਵੈਕਸੀਨ ਟਾਸਕ ਫੋਰਸ ਦੀ ਮੈਂਬਰ ਨੇ ਦਿੱਤਾ ਅਸਤੀਫਾ
ਫਾਈਜ਼ਰ ਵੱਲੋਂ ਵੈਕਸੀਨ ਦੀ ਖੇਪ ਪਹੁੰਚਾਉਣ ਵਿੱਚ ਕੀਤੀ ਜਾਣ ਵਾਲੀ ਦੇਰ ਨਾਲ ਦੇਸ਼ ਨੂੰ ਹੋਵੇਗਾ ਨੁਕਸਾਨ
ਬਿਨਾਂ ਨੋਟਿਸ ਦੇ ਟਰੈਵਲ ਸਬੰਧੀ ਨਵੀਂਆਂ ਪਾਬੰਦੀਆਂ ਲਾ ਸਕਦੀ ਹੈ ਫੈਡਰਲ ਸਰਕਾਰ : ਟਰੂਡੋ
ਪਾਰਟੀ ਤੋਂ ਕੱਢੇ ਜਾਣ ਉੱਤੇ ਚੁੱਪ ਕਰਕੇ ਨਹੀਂ ਬੈਠਣਗੇ ਸਲੋਨ
ਠੰਢ ਵਿੱਚ ਜੰਮ ਜਾਣ ਕਾਰਨ ਇੱਕ ਵਿਅਕਤੀ ਦੀ ਹੋਈ ਮੌਤ
ਬੋਇੰਗ ਮੈਕਸ 737 ਨੂੰ ਕੈਨੇਡਾ ਵਿੱਚ ਸਰਵਿਸ ਲਈ ਮਿਲੀ ਮਨਜੂ਼ਰੀ
ਓਟੂਲ ਨੇ ਓਨਟਾਰੀਓ ਤੋਂ ਐਮਪੀ ਸਲੋਨ ਨੂੰ ਟੋਰੀ ਕਾਕਸ ਤੋਂ ਕੀਤਾ ਬਾਹਰ