ਇੰਡਸਟਰੀ ਵਿੱਚ ਚਰਚਾ ਹੈ ਕਿ ਫਿਲਮ ‘ਜ਼ੀਰੋ’ ਦੇ ਬਾਅਦ ਸ਼ਾਹਰੁਖ ਖਾਨ, ਆਨੰਦ ਐੱਲ ਰਾਏ ਅਤੇ ਕੈਟਰੀਨਾ ਕੈਫ ਇੱਕ ਵਾਰ ਫਿਰ ਇਕੱਠੇ ਕੰਮ ਕਰਨ ਵਾਲੇ ਹਨ। ਇਸ ਐਕਸ਼ਨ ਫਿਲਮ ਨੂੰ ਸ਼ਾਹਰੁਖ ਤੇ ਆਨੰਦ ਮਿਲ ਕੇ ਪ੍ਰੋਡਿਊਸ ਕਰਨਗੇ ਅਤੇ ਕੈਟਰੀਨਾ ਇਸ ਵਿੱਚ ਲੀਡ ਰੋਲ ਵਿੱਚ ਨਜ਼ਰ ਆਏਗੀ। ਸੁਣਨ ਵਿੱਚ ਤਾਂ ਇਥੋਂ ਤੱਕ ਆਇਆ ਹੈ ਕਿ ਇਸ ਪ੍ਰੋਜੈਕਟ ਲਈ ਕੈਟਰੀਨਾ ਨੇ ਹਾਮੀ ਭਰ ਦਿੱਤੀ ਹੈ।
ਇਹ ਕੋਰੀਅਨ ਕਰਾਈਮ ਕਾਮੇਡੀ ਫਿਲਮ ‘ਮਿਸ ਐਂਡ ਮਿਸੇਜ ਕਾਪਸ’ ਦੀ ਹਿੰਦੀ ਰੀਮੇਕ ਹੋਵੇਗੀ, ਜੋ ਇਸੇ ਸਾਲ ਨੌਂ ਮਈ ਨੂੰ ਰਿਲੀਜ਼ ਹੋਈ ਸੀ। ਹਾਲਾਂਕਿ ਅਜੇ ਤੱਕ ਇਸ ਬਾਰੇ ਕੋਈ ਆਫੀਸ਼ੀਅਲ ਅਨਾਊਂਸਮੈਂਟ ਨਹੀਂ ਕੀਤੀ ਗਈ ਹੈ। ਫਿਲਮ ਦੀ ਕਹਾਣੀ ਦੋ ਫੀਮੇਲ ਲੀਡ ਦੇ ਆਲੇ ਦੁਆਲੇ ਲਿਖੀ ਗਈ ਹੈ। ਇਸ ਫਿਲਮ ਵਿੱਚ ਦੋ ਫੀਮੇਲ ਲੀਡ ਹੋਣਗੀਆਂ। ਦੂਸਰੀ ਅਭਿਨੇਤਰੀ ਦੇ ਲਈ ਵਿਦਿਆ ਬਾਲਨ ਦਾ ਨਾਂਅ ਸਾਹਮਣੇ ਆ ਰਿਹਾ ਹੈ। ਸ਼ਾਹਰੁਖ ਇਸ ਫਿਲਮ ਨਾਲ ਸਿਰਫ ਬਤੌਰ ਪ੍ਰੋਡਿਊਸਰ ਜੁੜਨਗੇ। ਇਸ ਨੂੰ ਅਨਿਰੁੱਧ ਗਨਪਥੀ ਡਾਇਰੈਕਟ ਕਰਨਗੇ, ਜੋ ਆਨੰਦ ਦੇ ਨਾਲ ਕਾਫੀ ਸਮੇਂ ਤੋਂ ਕੰਮ ਕਰ ਰਹੇ ਹਨ।