ਨਵੀਂ ਦਿੱਲੀ, 19 ਨਵੰਬਰ, (ਪੋਸਟ ਬਿਊਰੋ)- ਪਾਕਿਸਤਾਨ ਦੇ ਖ਼ਿਲਾਫ਼ ਡੇਵਿਸ ਕੱਪ ਮੁਕਾਬਲਾ ਖੇਡਣ ਲਈਭਾਰਤ ਦੀ ਟੀਮਪਾਕਿਸਤਾਨ ਜਾਣ ਦੀ ਥਾਂ ਕਜ਼ਾਖਸਤਾਨ ਦੀ ਰਾਜਧਾਨੀ ਨੂਰ ਸੁਲਤਾਨ ਜਾਵੇਗੀ। ਇਸ ਬਾਰੇ ਅੰਤਰਰਾਸ਼ਟਰੀ ਟੈਨਿਸ ਫੈਡਰੇਸ਼ਨ (ਆਈ ਟੀ ਐੱਫ) ਨੇ ਪਾਕਿਸਤਾਨ ਦੀ ਅਪੀਲ ਰੱਦ ਕਰ ਕੇ ਕਜ਼ਾਖਸਤਾਨ ਦੀ ਰਾਜਧਾਨੀ ਨੂੰ ਇਹ ਮੁਕਾਬਲੇ ਕਰਵਾਏ ਜਾਣ ਦੇ ਲਈ ਮੇਜ਼ਬਾਨੀ ਦੀ ਜਿ਼ਮੇਵਾਰੀ ਸੌਂਪ ਦਿੱਤੀ ਹੈ।
ਵਰਨਣ ਯੋਗ ਹੈ ਕਿ ਪਾਕਿਸਤਾਨ ਟੈਨਿਸ ਫੈਡਰੇਸ਼ਨ(ਪੀ ਟੀ ਐੱਫ) ਨੇ ਇਸ ਫ਼ੈਸਲੇ ਦੇ ਖ਼ਿਲਾਫ਼ ਅਪੀਲ ਕੀਤੀ ਅਤੇ ਕਿਹਾ ਸੀ ਕਿ ਜੇ ਭਾਰਤ ਦੇ ਤੀਰਥ ਯਾਤਰੀ ਬਿਨਾਂ ਸੁਰੱਖਿਆ ਖ਼ਤਰੇ ਤੋਂ ਪਾਕਿਸਤਾਨ ਘੁੰਮ ਸਕਦੇ ਹਨ ਤਾਂ ਭਾਰਤੀ ਟੈਨਿਸ ਟੀਮ ਉਸ ਦੇਸ਼ ਦੀ ਰਾਜਧਾਨੀ ਇਸਲਾਮਾਬਾਦ ਵਿਚ ਮੈਚ ਕਿਉਂਨਹੀਂ ਖੇਡ ਸਕਦੀ।ਆਈ ਟੀ ਐੱਫ ਦੇ ਸੁਤੰਤਰ ਕੋਰਟ ਨੇ ਚਾਰ ਨਵੰਬਰ ਨੂੰ ਡੇਵਿਸ ਕੱਪ ਕਮੇਟੀ ਵੱਲੋਂਲਏ ਫ਼ੈਸਲੇ ਉੱਤੇ ਮੋਹਰ ਲਾਈ ਕਿ ਇਹ ਮੁਕਾਬਲਾ ਨਿਰਪੱਖ ਥਾਂ ਉੱਤੇਹੀ ਖੇਡਿਆ ਜਾਣਾ ਚਾਹੀਦਾ ਹੈ। ਆਈ ਟੀ ਐੱਫ ਨੇ ਕਿਹਾ ਕਿ ਪੀ ਟੀ ਐੱਫ ਨੇ ਇਸਲਾਮਾਬਾਦ ਤੋਂ ਮੈਚ ਬਦਲਣ ਲਈ ਡੇਵਿਸ ਕੱਪ ਕਮੇਟੀ ਦੇ ਫ਼ੈਸਲੇ ਦੇ ਖ਼ਿਲਾਫ਼ ਅਪੀਲ ਕੀਤੀ ਸੀ ਅਤੇ ਸੁਤੰਤਰ ਕੋਰਟ ਨੇ 18 ਨਵੰਬਰ ਨੂੰ ਇਹ ਅਪੀਲ ਰੱਦ ਕਰ ਦਿੱਤੀ ਹੈ। ਪੀ ਟੀ ਐੱਫ ਨੇ ਕਿਸੇ ਨਿਰਪੱਖ ਥਾਂ ਦਾ ਨਾਂ ਨਹੀਂਦੱਸਿਆ ਸੀ, ਇਸ ਲਈ ਡੇਵਿਸ ਕੱਪ ਦੇ ਨਿਯਮਾਂ ਹੇਠ ਡੇਵਿਸ ਕੱਪ ਕਮੇਟੀ ਨੇ ਨੂਰ ਸੁਲਤਾਨ ਨੂੰ ਮੇਜ਼ਬਾਨ ਸ਼ਹਿਰ ਵਜੋਂ ਚੁਣਿਆ ਹੈ, ਜਿੱਥੇ 29 ਤੋਂ 30 ਨਵੰਬਰ ਨੂੰ ਇਹ ਮੁਕਾਬਲਾ ਹੋਵੇਗਾ ਅਤੇ ਸਾਰੇ ਮੈਚ ਇਨਡੋਰ ਕੋਰਟ ਉੱਤੇ ਖੇਡੇ ਜਾਣਗੇ, ਕਿਉਂਕਿ ਉਸ ਸਮੇਂ ਉਥੇ ਠੰਢ ਹੋਵੇਗੀ।