Welcome to Canadian Punjabi Post
Follow us on

05

July 2020
ਪੰਜਾਬ

ਕੈਨੇਡਾ ਦੀ ਥਾਂ ਵੀਅਤਨਾਮ ਭੇਜ ਕੇ ਦਸ ਲੱਖ ਠੱਗਣ ਵਾਲਾ ਏਜੰਟ ਗ੍ਰਿਫਤਾਰ

November 19, 2019 08:33 AM

ਜਲੰਧਰ, 18 ਨਵੰਬਰ (ਪੋਸਟ ਬਿਊਰੋ)- ਥਾਣਾ ਗੋਰਾਇਆ ਹੇਠਲੀ ਪੁਲਸ ਚੌਕੀ ਦੁਸਾਂਝ ਕਲਾਂ ਦੀ ਪੁਲਸ ਨੇ ਕੈਨੇਡਾ ਭੇਜਣ ਦੇ ਨਾਂਅ ਉੱਤੇ ਇੱਕ ਨੌਜਵਾਨ ਨੂੰ ਵੀਅਤਨਾਮ ਭੇਜ ਕੇ ਦਸ ਲੱਖ ਰੁਪਏ ਦੀ ਠੱਗੀ ਕਰਨ ਵਾਲੇ ਟਰੈਵਲ ਏਜੰਟ ਨੂੰ ਗ੍ਰਿਫਤਾਰ ਕੀਤਾ ਹੈ। ਏਜੰਟ ਦੀ ਪਛਾਣ ਠੱਗੀ ਦੇ 20 ਕੇਸਾਂ ਵਿੱਚ ਨਾਮਜ਼ਦ ਪੰਜਾਬੀ ਬਾਗ ਮਕਸੂਦਾਂ ਦੇ ਅਵਤਾਰ ਸਿੰਘ ਮੁੰਡੀ ਵਜੋਂ ਹੋਈ ਹੈ। ਇਸ ਧੰਦੇ ਵਿੱਚ ਉਸ ਦਾ ਸਾਥ ਦੇਣ ਵਾਲੀ ਉਸ ਦੀ ਪਤਨੀ ਬਲਦੀਪ ਕੌਰ ਫਰਾਰ ਹੈ।
ਕੱਲ੍ਹ ਪੁਲਸ ਨੂੰ ਸੂਚਨਾ ਮਿਲੀ ਕਿ ਦੋਸ਼ੀ ਅਵਤਾਰ ਸਿੰਘ ਪਠਾਨਕੋਟ ਰੋਡ ਉਤੇ ਪਿੰਡ ਰਾਏਪੁਰ ਬੱਲਾਂ ਵਿੱਚ ਰਹਿ ਰਿਹਾ ਹੈ। ਪੁਲਸ ਨੇ ਰੇਡ ਕਰ ਕੇ ਦੋਸ਼ੀ ਨੂੰ ਉਸ ਸਮੇਂ ਗ੍ਰਿਫਤਾਰ ਕੀਤਾ, ਜਦ ਉਹ ਕਾਰ ਵਿੱਚ ਹੀ ਸੁੱਤਾ ਪਿਆ ਸੀ। ਚੌਕੀ ਇੰਚਾਰਜ ਏ ਐੱਸ ਆਈ ਲਾਭ ਸਿੰਘ ਨੇ ਦੱਸਿਆ ਕਿ ਪਿੰਡ ਵਿਰਕ ਬਹੋਦੀਪੁਰ, ਗੋਰਾਇਆ ਦੀ ਕਿਰਨਦੀਪ ਕੌਰ ਪਤਨੀ ਬਲਜਿੰਦਰ ਸਿੰਘ ਨੇ ਮਈ 2019 ਵਿੱਚ ਐੱਸ ਐੱਸ ਪੀ ਦਫਤਰ ਨੂੰ ਸ਼ਿਕਾਇਤ ਦਿੱਤੀ ਸੀ ਕਿ ਉਸ ਜੋੜੇ ਨੇ ਉਨ੍ਹਾਂ ਨੂੰ ਕਿਹਾ ਸੀ ਕਿ ਉਹ ਉਸ ਦੇ ਬੇਟੇ ਸੁਖਪ੍ਰੀਤ ਸਿੰਘ ਨੂੰ ਕੈਨੇਡਾ ਭਿਜਵਾ ਦੇਣਗੇ, ਜਿਸ ਦਾ ਖਰਚ 25 ਲੱਖ ਰੁਪਏ ਆਏਗਾ। ਉਨ੍ਹਾਂ ਨੇ ਦੋਸ਼ੀਆਂ ਦੀ ਗੱਲ ਮੰਨ ਲਈ ਅਤੇ ਸੌਦੇ ਮੁਤਾਬਕ ਚਾਰ ਕਿਸ਼ਤਾਂ ਵਿੱਚ 21.50 ਲੱਖ ਰੁਪਏ ਦੇ ਦਿੱਤੇ, ਪਰ ਉਨ੍ਹਾਂ ਨੇ ਉਸ ਦੇ ਬੇਟੇ ਨੂੰ ਨਵੀਂ ਦਿੱਲੀ ਤੋਂ ਵੀਅਤਨਾਮ ਭੇਜ ਦਿੱਤਾ ਅਤੇ ਅੱਗੇ ਕੈਨੇਡਾ ਨਹੀਂ ਭਿਜਵਾਇਆ। ਵੀਅਤਨਾਮ ਵਿੱਚ ਉਨ੍ਹਾਂ ਦੇ ਬੇਟੇ ਨੂੰ ਆਪਣੀ ਰੋਟੀ ਦੇ ਲਾਲੇ ਪੈ ਗਏ ਤਾਂ ਵਾਪਸ ਮੁੜਨਾ ਪਿਆ। ਏ ਐੱਸ ਆਈ ਲਾਭ ਨੇ ਦੱਸਿਆ ਕਿ ਉਕਤ ਸ਼ਿਕਾਇਤ ਦੀ ਜਾਂਚ ਆਰਥਿਕ ਅਪਰਾਧ ਸੈੱਲ ਨੇ ਕੀਤੀ ਸੀ। ਜਿਸ ਵਿੱਚ ਸ਼ਿਕਾਇਤ ਕਰਤਾ ਧਿਰ ਸਿਰਫ ਦਸ ਲੱਖ ਰੁਪਏ ਸਾਬਿਤ ਕਰ ਸਕੀ। ਐਸ ਐਸ ਪੀ ਦਫਤਰ ਦੇ ਹੁਕਮ ਉਤੇ ਉਕਤ ਦੋਸ਼ੀ ਜੋੜੇ ਦੇ ਖਿਲਾਫ ਥਾਣਾ ਗੋਰਾਇਆ ਵਿੱਚ ਦਸ ਲੱਖ ਦੀ ਠੱਗੀ ਦਾ ਕੇਸ ਦਰਜ ਕਰ ਲਿਆ ਸੀ। ਮਕਸੂਦਾਂ ਵਾਸੀ ਇਹ ਜੋੜਾ ਪਿਛਲੇ 19 ਸਾਲ ਤੋਂ ਵੱਧ ਸਮੇਂ ਤੋਂ ਲੋਕਾਂ ਨੂੰ ਵਿਦੇਸ਼ ਭੇਜਣ ਦਾ ਝਾਂਸਾ ਦੇ ਕੇ ਕਰੋੜਾਂ ਰੁਪਏ ਠੱਗ ਚੁੱਕਾ ਹੈ। ਪੁਲਸ ਰਿਕਾਰਡ ਦੇ ਅਨੁਸਾਰ ਦੋਸ਼ੀ ਅਵਤਾਰ ਸਿੰਘ ਦੇ ਖਿਲਾਫ ਸਾਲ 2000 ਤੋਂ 2019 ਦੇ ਵਿੱਚ ਜਲੰਧਰ, ਅੰਮ੍ਰਿਤਸਰ ਅਤੇ ਕਪੂਰਥਲਾ ਵਿੱਚ ਵਿਦੇਸ਼ ਭੇਜਣ ਦੇ ਨਾਂਅ 'ਤੇ 13, ਪ੍ਰਾਪਰਟੀ ਫਰਾਡ ਦੇ ਚਾਰ ਅਤੇ ਬੈਂਕ ਫਰਾਡ ਦੇ ਤਿੰਨ ਕੇਸ ਦਰਜ ਹੋ ਚੁੱਕੇ ਹਨ, ਜਿਨ੍ਹਾਂ ਵਿੱਚੋਂ ਨੌਂ ਮਾਮਲਿਆਂ ਵਿੱਚ ਉਸ ਦੇ ਨਾਲ ਉਸ ਦੀ ਪਤਨੀ ਬਲਦੀਪ ਕੌਰ ਵੀ ਨਾਮਜ਼ਦ ਸੀ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਅੰਮ੍ਰਿਤਸਰ ਰੇਲ ਹਾਦਸਾ: ਨਗਰ ਨਿਗਮ ਦੇ ਪੰਜ ਅਫਸਰ ਫਿਰ ਦੋਸ਼ੀ ਕਰਾਰ ਦਿੱਤੇ ਗਏ
ਹਾਈ ਕੋਰਟ ਨੇ ਕਿਹਾ: ਨਿੱਜੀ ਸਕੂਲਾਂ ਤੋਂ ਸੂਚਨਾ ਦੇ ਅਧਿਕਾਰ ਹੇਠ ਜਾਣਕਾਰੀ ਨਹੀਂ ਮੰਗੀ ਜਾ ਸਕਦੀ
ਪੰਜਾਬ ਆਉਣ ਵਾਲੇ ਵਿਅਕਤੀਆਂ ਲਈ ਐਡਵਾਇਜ਼ਰੀ ਜਾਰੀ
ਪੰਜਾਬ ਦੇ ਮੁੱਖ ਮੰਤਰੀ ਵੱਲੋਂ ਯੂਨੀਵਰਸਿਟੀ/ਕਾਲਜਾਂ ਦੀਆਂ ਪ੍ਰੀਖਿਆਵਾਂ ਰੱਦ ਕਰਨ ਦਾ ਐਲਾਨ, ਵਿਸਥਾਰਤ ਐਲਾਨ ਜਲਦ ਜਾਰੀ ਹੋਵੇਗਾ
50 ਕਨਾਲ 9 ਮਰਲੇ ਜ਼ਮੀਨ ਵੇਚਣ ਦੇ ਝਾਂਸੇ ਨਾਲ ਇੱਕ ਕਰੋੜ ਠੱਗੇ
ਬੈਂਕਾਂ ਨਾਲ ਕਰੋੜਾਂ ਦੀ ਧੋਖਾਧੜੀ ਬਾਰੇ ਅੰਮ੍ਰਿਤਸਰ ਵਿੱਚ ਸੀ ਬੀ ਆਈ ਵੱਲੋਂ ਛਾਪਾ
ਸਾਬਕਾ ਮੁੱਖ ਮੰਤਰੀ ਬਾਦਲ ਦੇ ਅਮਰੀਕਾ ਵਿੱਚ ਇਲਾਜ ਦੇ ਬਿੱਲਾਂ ਨੂੰ ਰਾਜ ਸਰਕਾਰ ਵੱਲੋਂ ਪ੍ਰਵਾਨਗੀ
ਗੁਰਪਤਵੰਤ ਪੰਨੂੰ ਅਤੇ ਉਸ ਦੇ ਸਾਥੀਆਂ ਵਿਰੁੱਧ ਪੰਜਾਬ ਵਿੱਚ 2 ਕੇਸ ਦਰਜ
ਜਾਖੜ ਨੇ ਪੁੱਛਿਆ: ਚੀਨੀ ਕੰਪਨੀਆਂ ਤੋਂ ਪੀ ਐਮ ਕੇਅਰ ਫੰਡ ਵਿੱਚ ਪੈਸੇ ਕਿਉਂ ਲਏ ਗਏ
ਪੀ ਪੀ ਈ ਕਿੱਟ ਘਪਲਾ : ਅੰਮ੍ਰਿਤਸਰ ਮੈਡੀਕਲ ਕਾਲਜ ਦੀ ਪ੍ਰਿੰਸੀਪਲ ਅਹੁਦੇ ਤੋਂ ਹਟਾਈ ਗਈ