Welcome to Canadian Punjabi Post
Follow us on

04

July 2020
ਅੰਤਰਰਾਸ਼ਟਰੀ

ਹਾਂਗ ਕਾਂਗ ਵਿੱਚ ਯੂਨੀਵਰਸਿਟੀ ਵਿੱਚ ਪੁਲਸ ਉੱਤੇ ਤੀਰ ਵਰ੍ਹੇ

November 19, 2019 08:29 AM

ਹਾਂਗ ਕਾਂਗ, 18 ਨਵੰਬਰ (ਪੋਸਟ ਬਿਊਰੋ)- ਇੱਕ ਦਿਨ ਦੀ ਸ਼ਾਂਤੀ ਪਿੱਛੋਂ ਹਾਂਗ ਕਾਂਗ ਵਿੱਚ ਫਿਰ ਹਿੰਸਾ ਭੜਕ ਉਠੀ ਹੈ। ਕਾਊਲੂਨ ਟਾਪੂ ਵਿੱਚ ਰੋਕਾਂ ਨਾਲ ਘਿਰੇ ਹਾਂਗ ਕਾਂਗ ਪਾਲੀਟੈਕਨਿਕ ਯੂਨੀਵਰਸਿਟੀ ਤੋਂ ਪੁਲਸ ਵਾਲਿਆਂ ਉਤੇ ਤੀਰਾਂ ਅਤੇ ਪੈਟਰੋਲ ਬੰਬਾਂ ਨਾਲ ਹਮਲਾ ਹੋਇਆ। ਪੁਲਸ ਨੇ ਜਵਾਬ ਵਿੱਚ ਅੰਦਲਨਕਾਰੀਆਂ 'ਤੇ ਅੱਥਰੂ ਗੈਸ ਦੇ ਗੋਲੇ ਛੱਡੇ ਤੇ ਨੀਲੇ ਰੰਗ ਦਾ ਤਰਲ ਪਦਾਰਥ ਛੱਡਿਆ। ਤੀਰ ਲੱਗਣ ਨਾਲ ਇੱਕ ਪੁਲਸ ਅਧਿਕਾਰੀ ਦੇ ਜ਼ਖਮੀ ਹੋਣ ਦੀ ਖਬਰ ਆਈ ਹੈ। ਕਰੀਬ ਛੇ ਮਹੀਨੇ ਦੇ ਅੰਦੋਲਨ ਵਿੱਚ ਪੁਲਸ 'ਤੇ ਪਹਿਲੀ ਵਾਰ ਤੀਰਾਂ ਨਾਲ ਹਮਲਾ ਹੋਇਆ ਹੈ।
ਪਤਾ ਲੱਗਾ ਹੈ ਕਿ ਅੰਦੋਲਨਕਾਰੀਆਂ ਨੇ ਇਸ ਲੜਾਈ ਦੀ ਤਿਆਰੀ ਕਈ ਦਿਨਾਂ ਤੋਂ ਕੀਤੀ ਹੋਈ ਸੀ। ਨਾਥਨ ਰੋਡ 'ਤੇ ਹੋਏ ਟਕਰਾਅ ਦੀ ਘਟਨਾ ਵਿੱਚ ਪੁਲਸ ਨੂੰ ਅੱਥਰੂ ਗੈਸ ਦੇ ਗੋਲੇ ਛੱਡਣੇ ਪਏ। ਕੁਝ ਹੋਰ ਥਾਵਾਂ 'ਤੇ ਪੁਲਸ ਅਤੇ ਅੰਦੋਲਨਕਾਰੀਆਂ ਦੀ ਟੱਕਰ ਦੀ ਖਬਰ ਮਿਲੀ ਹੈ। ਪਾਲੀਟੈਕਨਿਕ ਯੂਨੀਵਰਸਿਟੀ ਤੋਂ ਸ਼ਨੀਵਾਰ-ਐਤਵਾਰ ਵਾਲੀ ਪੂਰੀ ਰਾਤ ਪੁਲਸ 'ਤੇ ਹਮਲੇ ਹੋਏ ਸਨ। ਤੀਰਾਂ ਦੇ ਨਾਲ ਗੁਲੇਲ ਨਾਲ ਸੁੱਟ ਗਏ ਪੱਥਰਾਂ ਦੇ ਟੁਕੜੇ ਵੀ ਪੁਲਸ ਮੁਲਾਜ਼ਮਾਂ ਨੂੰ ਲੱਗੇ ਅਤੇ ਜਵਾਬ ਵਿੱਚ ਪੁਲਸ ਨੇ ਕੰਪਲੈਕਸ ਦੇ ਅੰਦਰ ਅੱਥਰੂ ਗੈਸ ਦੇ ਗੋਲੇ ਛੱਡੇ। ਪੁਲਸ ਨੇ ਕਿਹਾ ਹੈ ਕਿ ਦੰਗਾਕਾਰੀ ਲਗਾਤਾਰ ਪੱਥਰਾਂ ਅਤੇ ਪੈਟਰੋਲ ਬੰਬਾਂ ਨਾਲ ਹਮਲਾ ਕਰ ਰਹੇ ਹਨ। ਉਨ੍ਹਾਂ ਦੀਆਂ ਬਣਾਈਆਂ ਗੁਲੇਲਾਂ ਨਾਲ ਪੱਥਰ ਚਾਲੀ ਮੀਟਰ ਦੀ ਦੂਰੀ ਤੱਕ ਆ ਕੇ ਡਿੱਗ ਰਹੇ ਹਨ। ਪੁਲਸ ਨੇ ਕਿਹਾ ਕਿ ਯੂਨੀਵਰਸਿਟੀ ਕੰਪਲੈਕਸ ਤੋਂ ਹੋ ਰਹੇ ਇਹ ਹਮਲੇ ਤਣਾਅ ਵਧਾ ਰਹੇ ਹਨ। ਯੂਨੀਵਰਸਿਟੀ ਕੰਪਲੈਕਸ ਵਿੱਚ ਬੈਠੇ ਸਿਵਲ ਇੰਜੀਨੀਅਰਿੰਗ ਦੇ ਵਿਦਿਆਰਥੀ ਜੋਰਿਸ (23) ਦੇ ਅਨੁਸਾਰ ਅੰਦੋਲਨਕਾਰੀ ਆਤਮ ਰੱਖਿਆ ਲਈ ਤੀਰ ਚਲਾ ਰਹੇ ਹਨ। ਵਿਦਿਆਰਥੀਆਂ ਦੇ ਖਿਲਾਫ ਪੁਲਸ ਦੀ ਹਿੰਸਾ ਹੱਦ ਪਾਰ ਕਰ ਗਈ ਹੈ। ਅਸੀਂ ਪੁਲਸ ਨੂੰ ਜਵਾਬ ਦੇਣਾ ਜਾਰੀ ਰੱਖਾਂਗੇ, ਬੇਸ਼ੱਕ ਜੇਲ੍ਹ ਜਾਣਾ ਪਵੇ। ਅਸੀਂ ਸਭ ਹਾਂਗਕਾਂਗ ਦੀ ਲੜਾਈ ਲੜ ਰਹੇ ਹਾਂ। ਮਹਾਨਗਰ ਦੀਆਂ ਪੰਜ ਯੂਨੀਵਰਸਿਟੀਆਂ ਦੇ ਕੰਪਲੈਕਸਾਂ ਨੂੰ ਅੰਦੋਲਨਕਾਰੀਆਂ ਨੇ ਕਬਜ਼ੇ ਵਿੱਚ ਲਿਆ ਹੋਇਆ ਹੈ। ਨਾਲ ਹੀ ਕ੍ਰਾਸ ਹਾਰਬਰ ਟਨਲ ਨੂੰ ਵੀ ਬੰਦ ਕੀਤਾ ਹੋਇਆ ਹੈ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ