ਕ੍ਰਿਤੀ ਕੁਲਹਾਰੀ ਦਾ ਕਹਿਣਾ ਹੈ ਕਿ ਫਿਲਮ ‘ਦਿ ਗਰਲ ਔਨ ਦੀ ਟਰੇਨ’ ਵਿੱਚ ਅੰਗਰੇਜ਼ ਪੁਲਸਵਾਲੀ (ਆਲੀਆ ਕੌਰ) ਦੇ ਆਪਣੇ ਰੋਲ ਨੂੰ ਲੈ ਕੇ ਉਹ ਕਾਫੀ ਉਤਸ਼ਾਹਤ ਹੈ। ਉਸ ਨੇ ਕਿਹਾ, ‘‘ਇਹ ਮੇਰੇ ਵੱਲੋਂ ਨਿਭਾਈਆਂ ਗਈਆਂ ਸਭ ਤੋਂ ਰੋਮਾਂਚਕ ਭੂਮਿਕਾਵਾਂ 'ਚੋਂ ਇੱਕ ਹੈ। ਮੈਂ ਬਹੁਤ ਖੁਸ਼ ਹਾਂ ਕਿ ਮੈਨੂੰ ਦਿਲਚਸਪ ਤੇ ਉਤਸ਼ਾਹਤ ਕਰਨ ਵਾਲੀਆਂ ਭੂਮਿਕਾਵਾਂ ਮਿਲ ਰਹੀਆਂ ਹਨ। ਇਹ ਉਹੀ ਸਭ ਹੈ ਜੋ ਮੈਂ ਹਮੇਸ਼ਾ ਤੋਂ ਕਰਨਾ ਚਾਹੁੰਦੀ ਸੀ।”
ਉਸ ਨੇ ਕਿਹਾ ਕਿ ਫਿਲਮ ਦੇ ਨਿਰਦੇਸ਼ਕ ਰਿਭੂ ਦਾਸ ਗੁਪਤਾ ਅਤੇ ਉਸ ਵਿਚਕਾਰ ਕਾਫੀ ਸਮਝ ਹੈ ਕਿ ਕਿਉਂਕਿ ਉਹਦੇ ਨਾਲ ਪਿੱਛੇ ਜਿਹੇ ਉਸ ਨੇ ਵੈੱਬ ਸੀਰੀਜ਼ ‘ਬਾਰਡ ਆਫ ਬਲੱਡ’ ਵਿੱਚ ਕੰਮ ਕੀਤਾ ਸੀ। ਕ੍ਰਿਤੀ ਅਨੁਸਾਰ, ‘‘ਫਿਲਮ ਲਈ ਰਿਭੂ ਨੇ ਹੀ ਮੈਨੂੰ ਫੋਨ 'ਤੇ ਕਿਹਾ ਕਿ ਉਸ ਕੋਲ ਮੇਰੇ ਲਈ ਦਿਲਚਸਪ ਭੂਮਿਕਾ ਹੈ।” ਰਿਭੂ ਅਨੁਸਾਰ ਕ੍ਰਿਤੀ ਦੀ ਇਹ ਭੂਮਿਕਾ ਦਰਸ਼ਕਾਂ ਨੂੰ ਜ਼ਰੂਰ ਹੈਰਾਨ ਕਰੇਗੀ ਕਿਉਂਕਿ ਇਸ ਤੋਂ ਪਹਿਲਾਂ ਉਹ ਕਦੀ ਇਸ ਰੂਪ ਵਿੱਚ ਨਹੀਂ ਦਿੱਸੀ। ਇਸ 'ਚ ਸਭ ਨੂੰ ਉਸ ਦਾ ਨਵਾਂ ਰੂਪ ਦੇਖਣ ਨੂੰ ਮਿਲੇਗਾ। ਜ਼ਿਕਰ ਯੋਗ ਹੈ ਕਿ ਇਹ ਸਾਲ ਉਸ ਲਈ ਚੰਗਾ ਗਿਆ ਹੈ। ਪਹਿਲੀ ਫਿਲਮ ‘ਉੜੀ’ ਦੀ ਸਫਲਤਾ ਪਿੱਛੋਂ ਉਸ ਦੀ ਸਾਲ ਦੀ ਦੂਜੀ ਫਿਲਮ ‘ਮਿਸ਼ਨ ਮੰਗਲ’ ਵੀ ਵੱਡੀ ਹਿੱਟ ਰਹੀ ਹੈ।