Welcome to Canadian Punjabi Post
Follow us on

15

December 2019
ਅੰਤਰਰਾਸ਼ਟਰੀ

ਟਵਿੱਟਰ ਦਾ ਸਟੈਂਡ ਸਮਾਜਿਕ ਸੰਦੇਸ਼ ਵਾਲੇ ਸਿਆਸੀ ਇਸ਼ਤਿਹਾਰਾਂ ਉੱਤੇ ਰੋਕ ਨਹੀਂ

November 18, 2019 08:44 AM

ਵਾਸ਼ਿੰਗਟਨ, 17 ਨਵੰਬਰ (ਪੋਸਟ ਬਿਊਰੋ)- ਟਵਿੱਟਰ ਨੇ ਕਿਹਾ ਹੈ ਕਿ ਸਿਆਸੀ ਇਸ਼ਤਿਹਾਰਾਂ ਉੱਤੇ ਲਾਈਆਂ ਗਈਆਂ ਪਾਬੰਦੀਆਂ ਤੋਂ ਉਨ੍ਹਾਂ ਸੰਦੇਸ਼ਾਂ ਨੂੰ ਛੋਟ ਮਿਲੇਗੀ, ਜਿਨ੍ਹਾਂ ਵਿਚ ਸਮਾਜਿਕ ਜਾਂ ਵਾਤਾਵਰਨ ਨਾਲ ਸਬੰਧਿਤ ਮੁੱਦੇ ਉਠਾਏ ਜਾਂਦੇ ਹਨ। ਸਮਾਜਿਕ ਸੰਦੇਸ਼ ਵਾਲੇ ਸਿਆਸੀ ਇਸ਼ਤਿਹਾਰਾਂ ਉੱਤੇ ਕੋਈ ਰੋਕ ਨਹੀਂ ਹੋਵੇਗੀ।
ਇਸ ਦੌਰਾਨ ਟਵਿੱਟਰ ਨੇ 22 ਨਵੰਬਰ ਤੋਂ ਸਾਰੇ ‘ਪੇਡ` ਸਿਆਸੀ ਇਸ਼ਤਿਹਾਰਾਂ ਉੱਤੇ ਪਾਬੰਦੀ ਲਾਉਣ ਦੇ ਆਪਣੇ ਕਦਮ ਬਾਰੇ ਜਾਣਕਾਰੀ ਦਿੱਤੀ ਅਤੇ ਸਮਾਜਿਕ ਵਰਕਰਾਂ ਦੀਆਂ ਚਿੰਤਾਵਾਂ ਨੂੰ ਦੂਰ ਕੀਤਾ ਹੈ। ਮਾਈਕ੍ਰੋ ਬਲਾਗਿੰਗ ਸਾਈਟ ਟਵਿੱਟਰ ਨੇ ਇਸ ਨਵੀਂ ਨੀਤੀ ਵਿਚ ਕਿਹਾ ਕਿ ਸਿੱਖਿਅਤ ਕਰਨ, ਜਾਗਰੂਕਤਾ ਫੈਲਾਉਣ, ਲੋਕਾਂ ਨੂੰ ਗ਼ੈਰ-ਫ਼ੌਜੀ ਮੁਹਿੰਮਾਂ ਵਿਚ ਹਿੱਸਾ ਲੈਣ ਦੀ ਅਪੀਲ ਕਰਨ ਵਾਲੇ ਅਤੇ ਆਰਥਿਕ ਵਿਕਾਸ, ਵਾਤਾਵਰਨ ਸੁਰੱਖਿਆ ਜਾਂ ਸਮਾਜਿਕ ਸਮਾਨਤਾ ਨਾਲ ਜੁੜੇ ਇਸ਼ਤਿਹਾਰਾਂ ਨੂੰ ਉਸ ਦੇ ਪਲੇਟਫਾਰਮ ਉੱਤੇ ਖੁੱਲ੍ਹ ਮਿਲੀ ਰਹੇਗੀ।
ਵਰਨਣ ਯੋਗ ਹੈ ਕਿ ਟਵਿੱਟਰ ਨੇ 30 ਅਕਤੂਬਰ ਨੂੰ ਸਿਆਸੀ ਇਸ਼ਤਿਹਾਰਾਂ ਉੱਤੇ ਪਾਬੰਦੀ ਦਾ ਐਲਾਨ ਕੀਤਾ ਸੀ, ਜਿਸ ਦਾ ਮਕਸਦ ਆਗੂਆਂ ਵੱਲੋਂ ਫੈਲਾਏ ਜਾਂਦੇ ਮਾੜੇ ਪ੍ਰਚਾਰ ਨੂੰ ਰੋਕਣਾ ਸੀ। ਇਸ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਜੈਕ ਡੋਰਸੇ ਨੇ ਓਦੋਂ ਕਿਹਾ ਸੀ ਕਿ ਮਸ਼ੀਨ ਲਰਨਿੰਗ ਤਕਨੀਕ ਨਾਲ ਗ਼ੈਰ-ਭਰੋਸੇਯੋਗ ਸੂਚਨਾਵਾਂ ਨੂੰ ਰੋਕਣ ਵਿਚ ਸਮੱਸਿਆ ਦੇ ਕਾਰਨ ਇਹ ਫ਼ੈਸਲਾ ਲਿਆ ਗਿਆ ਹੈ। ਟਵਿੱਟਰ ਦੀ ਨਵੀਂ ਨੀਤੀ ਹੇਠ ਜਿਨ੍ਹਾਂ ਸਮਾਜਿਕ ਅਤੇ ਵਾਤਾਵਰਨ ਨਾਲ ਸਬੰਧਿਤ ਇਸ਼ਤਿਹਾਰਾਂ ਨੂੰ ਛੋਟ ਦਿੱਤੀ ਗਈ ਹੈ, ਉਨ੍ਹਾਂ ਉੱਤੇ ਵੀ ਇਸ ਗੱਲ ਦੀ ਪਾਬੰਦੀ ਹੋਵੇਗੀ ਕਿ ਉਹ ਕਿਸੇ ਵਿਸ਼ੇਸ਼ ਇਲਾਕੇ ਨੂੰ ਨਿਸ਼ਾਨਾ ਬਣਾ ਕੇ ਇਸ਼ਤਿਹਾਰ ਨਹੀਂ ਦੇਣਗੇ। ਸਿਆਸੀ ਇਸ਼ਤਿਹਾਰਾਂ ਉੱਤੇ ਪਾਬੰਦੀ ਲਾਉਣ ਦੇ ਫ਼ੈਸਲੇ ਉੱਤੇ ਰਲੇ-ਮਿਲੇ ਪ੍ਰਤੀਕਰਮ ਆਏ ਹਨ। ਕੁਝ ਲੋਕਾਂ ਦੀ ਰਾਏ ਹੈ ਕਿ ਇਸ ਨਾਲ ਫੇਸਬੁੱਕ ਉੱਤੇ ਇਸ ਤਰ੍ਰ੍ਹਾਂ ਦੇ ਇਸ਼ਤਿਹਾਰਾਂ ਉੱਤੇ ਪਾਬੰਦੀ ਲਾਏ ਜਾਣ ਨਾਲ ਵੀ ਦਬਾਅ ਪਵੇਗਾ। ਦੂਜੇ ਪਾਸੇ ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਇਹ ਲਾਗੂ ਕਰ ਸਕਣਾ ਅਤਿਅੰਤ ਔਖਾ ਹੋਵੇਗਾ। ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ 2020 ਦੀ ਚੋਣ ਮੁਹਿੰਮ ਦੇ ਮੈਨੇਜਰ ਬ੍ਰੈਡ ਪਾਸਕਲ ਨੇ ਇਸ ਨੂੰ ਖੱਬੇ ਪੱਖੀ ਵਿਚਾਰਾਂ ਵਾਲੇ ਲੋਕਾਂ ਦਾ ਡੋਨਾਲਡ ਟਰੰਪ ਤੇ ਕੰਜ਼ਰਵੇਟਿਵ ਆਗੂਆਂ ਨੂੰ ਚੁੱਪ ਕਰਾਉਣ ਦਾ ਨਵਾਂ ਯਤਨ ਦੱਸਿਆ ਹੈ।
ਇਸ ਦੌਰਾਨ ਸਮਾਰਟ ਫੋਨ ਵਾਲੀ ਕੰਪਨੀ ਐਪਲ ਨੇ ਐਪ ਸਟੋਰ ਤੋਂ ਸਾਰੇ ਵੇਪਿੰਗ ਐਟ ਹਟਵਾ ਦਿੱਤੇ ਹਨ। ਇਹ ਐਪ ਯੂਜ਼ਰ ਦੀ ਈ-ਸਿਗਰਟ ਅਤੇ ਇਨਹੇਲਿੰਗ ਡਿਵਾਈਸ ਨੂੰ ਆਈ ਫੋਨ ਨਾਲ ਕੁਨੈਕਟ ਕਰਦੇ ਹਨ। ਇਕ ਰਿਪੋਰਟ ਦੇ ਮੁਤਾਬਕ ਅਜਿਹੇ 181 ਐਪ ਨੂੰ ਐਪ ਸਟੋਰ ਤੋਂ ਹਟਾਇਆ ਗਿਆ ਹੈ। ਜੋ ਲੋਕ ਇਨ੍ਹਾਂ ਐਪ ਨੂੰ ਡਾਊਨਲੋਡ ਕਰ ਚੁੱਕੇ ਹਨ, ਉਹ ਇਸ ਦੀ ਵਰਤੋਂ ਕਰ ਸਕਣਗੇ। ਵਰਨਣ ਯੋਗ ਹੈ ਕਿ ਇਨ੍ਹਾਂ ਵੇਪਿੰਗ ਐਪ ਨਾਲ ਜਿਥੇ ਅਮਰੀਕਾ ਵਿਚ 42 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਓਥੇ ਦੋ ਹਜ਼ਾਰ ਤੋਂ ਵੱਧ ਲੋਕ ਫੇਫੜਿਆਂ ਦੀ ਬਿਮਾਰੀ ਤੋਂ ਪੀੜਤ ਹਨ।

 

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਬ੍ਰਿਟੇਨ ਦੀ ਜਨਗਣਨਾ 'ਚਸਿੱਖਾਂ ਦਾ ਵੱਖਰੇ ਖਾਨੇ ਦੀ ਅਰਜ਼ੀ ਹਾਈਕੋਰਟ ਵੱਲੋਂ ਰੱਦ
ਇੰਗਲੈਂਡ ਵਿੱਚ ਜਿੱਤੇ ਪੰਜਾਬੀਆਂ ਵਿੱਚੋਂ ਸਭ ਤੋਂ ਵੱਡੇ ਫਰਕ ਨਾਲ ਜਿੱਤੇ ਵਰਿੰਦਰ ਸ਼ਰਮਾ
ਲਾਹੌਰ ਦੇ ਵੱਡੇ ਹਸਪਤਾਲ 'ਚ ਵਕੀਲਾਂ ਵੱਲੋਂ ਹਿੰਸਾ, ਭੰਨ-ਤੋੜ
ਕੇਸ ਰੱਦ ਕਰਾਉਣ ਗਏ ਹਾਫਿਜ਼ ਦੀ ਅਰਜ਼ੀ ਹਾਈ ਕੋਰਟ ਵਿੱਚ ਰੱਦ
ਅਮਰੀਕਾ ਵਿੱਚ ਪਿਛਲੇ ਸਾਲ 10,000 ਭਾਰਤੀ ਗ੍ਰਿਫਤਾਰ ਹੋਏ
ਅਮਰੀਕੀ ਐਮ ਪੀ ਕਹਿੰਦੈ ਕੈਬ ਰਾਹੀਂ ਭਾਰਤ ਮੁਸਲਮਾਨਾਂ ਨੂੰ ਦੂਜੇ ਦਰਜੇ ਦਾ ਨਾਗਰਿਕ ਬਣਾਉਣਾ ਚਾਹੁੰਦੈ
ਬੋਗਨਵਿਲੇ ਦੁਨੀਆ ਦਾ ਨਵਾਂ ਦੇਸ਼ ਬਣਨ ਲੱਗਾ, 98 ਫੀਸਦੀ ਲੋਕਾਂ ਵੱਲੋਂ ਸਮਰਥਨ
ਹਾਂਗਕਾਂਗ 'ਚ ਸਰਕਾਰ ਵਿਰੋਧੀ ਪ੍ਰਦਰਸ਼ਨਾਂ ਦੇ ਛੇ ਮਹੀਨੇ ਪੂਰੇ ਹੋਣ 'ਤੇ ਲੋਕਾਂ ਵੱਲੋਂ ਮਾਰਚ
ਮੈਕਸੀਕੋ ਦੇ ਰਾਸ਼ਟਰਪਤੀ ਪੈਲੇਸ ਨੇੜੇ ਗੋਲ਼ੀਬਾਰੀ, ਚਾਰ ਦੀ ਮੌਤ
ਰਾਸ਼ਟਰਪਤੀ ਉਮੀਦਵਾਰੀ ਦੀ ਦੌੜ 'ਚ ਬਿਡੇਨ ਸਭ ਤੋਂ ਅੱਗੇ