ਕ੍ਰਿਤੀ ਕੁਲਹਾੜੀ ਦਾ ਕਹਿਣਾ ਹੈ ਕਿ ਫਿਲਮ ‘ਦਿ ਗਰਲ ਔਨ ਦਿ ਟ੍ਰੇਨ' ਵਿੱਚ ਅੰਗਰੇਜ਼ ਪੁਲਸ ਵਾਲੀ (ਆਲੀਆ ਕੌਰ) ਦੇ ਆਪਣੇ ਰੋਲ ਨੂੰ ਲੈ ਕੇ ਉਹ ਕਾਫੀ ਉਤਸ਼ਾਹਿਤ ਹੈ। ਉਸ ਨੇ ਕਿਹਾ, ‘‘ਇਹ ਮੇਰੇ ਵੱਲੋਂ ਨਿਭਾਈਆਂ ਗਈਆਂ ਸਭ ਤੋਂ ਰੋਮਾਂਚਕ ਭੂਮਿਕਾਵਾਂ' ਵਿੱਚੋਂ ਇੱਕ ਹੈ। ਮੈਂ ਬਹੁਤ ਖੁਸ਼ ਹਾਂ ਕਿ ਮੈਨੂੰ ਦਿਲਚਸਪ ਅਤੇ ਉਤਸ਼ਾਹਿਤ ਵਾਲੀਆਂ ਭੂਮਿਕਾਵਾਂ ਮਿਲ ਰਹੀਆਂ ਹਨ। ਇਹ ਉਹੀ ਸਭ ਹੈ, ਜੋ ਮੈਂ ਹਮੇਸ਼ਾ ਤੋਂ ਕਰਨਾ ਚਾਹੁੰਦੀ ਸੀ।''
ਉਸ ਨੇ ਕਿਹਾ ਕਿ ਫਿਲਮ ਨਿਰਦੇਸ਼ਕ ਰਿਭੂ ਦਾਸ ਗੁਪਤਾ ਅਤੇ ਉਸ ਦੀ ਕਾਫੀ ਸਮਝ ਹੈ ਕਿਉਂਕਿ ਉਹਦੇ ਨਾਲ ਹਾਲ ਹੀ 'ਚ ਉਸ ਨੇ ਵੈਂਬ ਸੀਰੀਜ਼ ‘ਬਾਰਡ ਆਫ ਬਲੱਡ' 'ਚ ਕੰਮ ਕੀਤੀ ਸੀ। ਕ੍ਰਿਤੀ ਅਨੁਸਾਰ, ‘‘ਫਿਲਮ ਲਈ ਰਿਭੂ ਨੇ ਹੀ ਮੈਨੂੰ ਫੋਨ 'ਤੇ ਕਿਹਾ ਕਿ ਉਸ ਕੋਲ ਮੇਰੇ ਲਈ ਦਿਲਚਸਪ ਭੂਮਿਕਾ ਹੈ।'' ਰਿਭੂ ਅਨੁਸਾਰ ਕ੍ਰਿਤੀ ਦੀ ਭੂਮਿਕਾ ਦਰਸ਼ਕਾਂ ਨੂੰ ਜ਼ਰੂਰ ਹੈਰਾਨ ਕਰੇਗੀ ਕਿਉਂਕਿ ਇਸ ਤੋਂ ਪਹਿਲਾਂ ਉਹ ਕਦੀ ਵੀ ਇਸ ਰੂਪ 'ਚ ਦਿਖਾਈ ਨਹੀਂ ਦਿੱਤੀ। ਇਸ 'ਚ ਸਭ ਨੂੰ ਉਸ ਦਾ ਨਵਾਂ ਰੂਪ ਦੇਖਣ ਨੂੰ ਮਿਲੇਗਾ। ਜ਼ਿਕਰਯੋਗ ਹੈ ਕਿ ਇਹ ਸਾਲ ਉਸ ਲਈ ਚੰਗਾ ਗਿਆ ਹੈ। ਪਹਿਲੀ ਫਿਲਮ ‘ਉਰੀ-ਦਿ ਸਰਜੀਕਲ ਸਟ੍ਰਾਈਕ' ਦੀ ਸਫਲਤਾ ਪਿੱਛੋਂ ਉਸ ਦੀ ਸਾਲ ਦੀ ਦੂਜੀ ਫਿਲਮ ‘ਮਿਸ਼ਨ ਮੰਗਲ' ਹਿੱਟ ਰਹੀ ਹੈ।