Welcome to Canadian Punjabi Post
Follow us on

15

December 2019
ਮਨੋਰੰਜਨ

ਅਨੁਪਮ ਖੇਰ ਦੀ 501ਵੀਂ ਫਿਲਮ

November 14, 2019 10:48 PM

ਬਾਲੀਵੁੱਡ ਦੇ ਸਭ ਤੋਂ ਦਮਦਾਰ ਕਲਕਾਰਾਂ ਦੀ ਸੂਚੀ ਵਿੱਚ ਸ਼ਾਮਲ ਅਨੁਪਮ ਖੇਰ ਦਾ ਕਰੀਅਰ ਕਿੰਨਾ ਲੰਬਾ ਹੈ, ਇਸ ਦਾ ਪਤਾ ਇਸੇ ਗੱਲ ਤੋਂ ਲੱਗ ਜਾਂਦਾ ਹੈ ਕਿ ਜਲਦੀ ਹੀ ਉਹ ਆਪਣੀ 501ਵੀਂ ਫਿਲਮ ਵਿੱਚ ਨਜ਼ਰ ਆਉਣ ਵਾਲੇ ਹਨ। ਉਨ੍ਹਾਂ ਦੀ 501ਵੀਂ ਫਿਲਮ ‘ਹੋਟਲ ਮੁੰਬਈ' ਅਸਲੀ ਹੀਰੋਜ਼ ਦੀ ਕਹਾਣੀ ਦਿਖਾਏਗੀ। ਇਹ ਅਜਿਹੀ ਕਹਾਣੀ ਹੈ ਜਿਸ ਨੇ ਉਸ ਨੂੰ ਮਾਨਵਤਾ ਦਾ ਮਹੱਤਵ ਸਮਝਣ ਵਿੱਚ ਮਦਦ ਕੀਤੀ ਹੈ। ਐਂਥਨੀ ਮਾਰਸ ਦੀ ਇਸ ਫਿਲਮ ਵਿੱਚ ਅਨੁਪਮ ਤਾਜ ਹੋਟਲ ਦੇ ਮਸ਼ਹੂਰ ਸ਼ੈਫ ਹੇਮੰਤ ਓਬਰਾਏ ਦੇ ਰੋਲ ਵਿੱਚ ਹੋਣਗੇ ਜਿਨ੍ਹਾਂ ਨੇ 26 ਨਵੰਬਰ 2008 ਨੂੰ ਮੁੰਬਈ ਤੇ ਤਾਜ ਹੋਟਲ 'ਤੇ ਹੋਏ ਅੱਤਵਾਦੀ ਹਮਲੇ ਦੌਰਾਨ ਕਈ ਲੋਕਾਂ ਦੀ ਜ਼ਿੰਦਗੀ ਬਚਾਉਣ ਵਿੱਚ ਅਹਿਮ ਭੂਮਿਕਾ ਅਦਾ ਕੀਤੀ ਸੀ।
ਇਸ ਫਿਲਮ ਵਿੱਚ ਦੇਵ ਪਟੇਲ ਵੀ ਕੰਮ ਕਰ ਰਿਹਾ ਹੈ। ਫਿਲਮ ਬਾਰੇ ਅਨੁਪਮ ਨੇ ਕਿਹਾ, ‘‘ਇਹ ਫਿਲਮ ਹੀਰੋਜ਼ ਨੂੰ ਸਲਾਮ ਕਰਦੀ ਅਤੇ ਦਿਖਾਉਂਦੀ ਹੈ ਕਿ ਕਿਵੇਂ ਮੁਸ਼ਕਲ ਹਾਲਤ ਵਿੱਚ ਉਨ੍ਹਾਂ ਨੂੰ ਆਪਣੀ ਦਲੇਰੀ ਦਾ ਅਹਿਸਾਸ ਹੋਇਆ ਤੇ ਉਨ੍ਹਾਂ ਨੇ ਲੋਕਾਂ ਦੀ ਜ਼ਿੰਦਗੀ ਬਚਾਈ। ਇਸ ਤਰ੍ਹਾਂ ਦੇ ਹੀਰੋਜ਼ ਨੂੰ ਹੀ ਲਾਈਮਲਾਈਟ ਵਿੱਚ ਲਿਆਉਣ ਦੀ ਲੋੜ ਹੈ। ਇਸ ਫਿਲਮ ਨੇ ਮੈਨੂੰ ਜ਼ਿਦੰਗੀ ਦਾ ਸਭ ਤੋਂ ਵੱਡਾ ਪਾਠ ਸਿਖਾਇਆ ਹੈ ਕਿ ਕਿਸੇ ਵੀ ਚੀਜ਼ ਤੋਂ ਵੱਧ ਸਾਨੂੰ ਮਾਨਵਤਾ ਨੂੰ ਮਹੱਤਵ ਦੇਣਾ ਚਾਹੀਦਾ ਹੈ।'' ਉਹ ਕਹਿੰਦੇ ਹਨ, ‘‘ਇਸ ਮਹਾਨ ਫਿਲਮ ਨਗਰੀ ਵਿੱਚ ਕੰਮ ਕਰਦੇ ਹੋਏ ਮੈਨੂੰ 35 ਸਾਲ ਹੋ ਗਏ ਹਨ। ਇਸ ਦੌਰਾਨ ਮੈਨੂੰ ਕੁਝ ਬਹੁਤ ਵਧੀਆ ਫਿਲਮਾਂ ਤੇ ਚੰਗੇ ਲੋਕਾਂ ਨਾਲ ਕੰਮ ਦਾ ਮੌਕਾ ਮਿਲਿਆ। ‘ਹੋਟਲ ਮੁੰਬਈ' ਮੇਰੀ 501ਵੀਂ ਫਿਲਮ ਹੈ ਜੋ ਮੇਰੇ ਲਈ ਇੱਕ ਲੈਂਡਮਾਰਕ ਪ੍ਰਾਜੈਕਟ ਹੈ।''

Have something to say? Post your comment