Welcome to Canadian Punjabi Post
Follow us on

26

May 2020
ਅੰਤਰਰਾਸ਼ਟਰੀ

ਪਤਨੀ ਦਾ ਵੀਜ਼ਾ ਨਾ ਮਿਲਿਆ ਤਾਂ ਭਾਰਤੀ ਲੋਕ ਵਾਪਸ ਮੁੜਨ ਲੱਗੇ

November 07, 2019 10:38 PM

ਆਕਲੈਂਡ, 7 ਨਵੰਬਰ (ਪੋਸਟ ਬਿਊਰੋ)- ਨਿਊਜ਼ੀਲੈਂਡ ਇਮੀਗ੍ਰੇਸ਼ਨ ਦੀ ਵੀਜ਼ਾ ਪ੍ਰਣਾਲੀ ਪਾਰਟਨਰਸ਼ਿੱਪ ਵਾਲੇ ਮਾਮਲੇ 'ਚ ਪੂਰੀ ਤਰ੍ਹਾਂ ਫੇਲ੍ਹ ਹੋ ਚੁੱਕੀ ਹੈ। ਪਤਨੀ ਦਾ ਵੀਜ਼ਾ ਨਾ ਮਿਲਣ ਕਰਕੇ ਭਾਰਤੀ ਲੋਕ ਵਤਨ ਪਰਤਣ ਲੱਗੇ ਹਨ।
ਇਸ ਦੇਸ਼ ਦੀ ਪ੍ਰਧਾਨ ਮੰਤਰੀ ਨੇ ਜਿੱਥੇ ਇਮੀਗ੍ਰੇਸ਼ਨ ਵਿਭਾਗ ਨੂੰ ਇਹ ਕਿਹਾ ਹੈ ਕਿ ਉਹ ਪੁਰਾਣੀ ਪ੍ਰਣਾਲੀ 'ਤੇ ਕੰਮ ਕਰਨ ਉੱਤੇ ਗੌਰ ਕਰਨ, ਉਥੇ ਕੁਝ ਦਿਨ ਪਹਿਲਾਂ ਦੇਸ਼ ਦੇ ਇੱਕ ਮੰਤਰੀ ਤੇ ਪਾਰਲੀਮੈਂਟ ਮੈਂਬਰ ਸ਼ੇਨ ਜੋਸਨ ਨੇ ਕਿਹਾ ਸੀ ਕਿ ਜੇ ਭਾਰਤੀ ਲੋਕ ਇੱਥੇ ਖੁਸ਼ ਨਹੀਂ ਹਨ ਤਾਂ ਅਗਲੀ ਫਲਾਈਟ ਫੜ੍ਹ ਕੇ ਵਾਪਸ ਵੀ ਜਾ ਸਕਦੇ ਹਨ। ਇਸ ਗੱਲ ਨੂੰ ਲੈ ਕੇ ਵਿਰੋਧ ਪ੍ਰਦਰਸ਼ਨ ਵੀ ਹੋਏ ਤੇ ਵਿਚਾਰ ਚਰਚਾਵਾਂ ਵੀ ਹੋਈਆਂ ਸਨ। ਇਸ ਮਗਰੋਂ ਕੱਲ੍ਹ ਇੱਕ ਭਾਰਤੀ ਨੌਜਵਾਨ ਨੇ ਇਸ ਕਰਕੇ ਵਾਪਸੀ ਫਲਾਈਟ ਬੁੱਕ ਕਰ ਲਈ ਕਿ ਉਸਦੀ ਪਤਨੀ ਦਾ ਵੀਜ਼ਾ ਨਹੀਂ ਲੱਗ ਰਿਹਾ। ਇਹ ਨੌਜਵਾਨ ਇਥੋਂ ਦਾ ਪੱਕਾ ਵਸਨੀਕ ਹੈ ਤੇ ਆਪਣੀ ਪਤਨੀ ਦੇ ਵੀਜ਼ੇ ਦੀ ਉਡੀਕ ਕਰ ਰਿਹਾ ਹੈ। ਲੰਬਾ ਸਮਾਂ ਉਡੀਕ ਕਰਨ ਬਾਅਦ ਜਦੋਂ ਲੱਗਿਆ ਕਿ ਇਮੀਗ੍ਰੇਸ਼ਨ ਵੀਜ਼ਾ ਦੇਣ ਦੇ ਰੌਂਅ 'ਚ ਨਹੀਂ ਤਾਂ ਉਸਨੇ ਆਪਣੇ ਘਰ ਵਾਪਿਸ ਪਰਤ ਜਾਣਾ ਸਹੀ ਸਮਝਿਆ। ਉਸਨੇ ਅਪ੍ਰੈਲ ਮਹੀਨੇ ਵੀਜ਼ਾ ਅਪਲਾਈ ਕੀਤਾ ਸੀ ਅਤੇ ਉਹ ਆਪਣੀ ਪਤਨੀ ਨਾਲ 10 ਹਫਤੇ ਰਹਿ ਕੇ ਆਇਆ ਸੀ। ਇਮੀਗ੍ਰੇਸ਼ਨ ਨੇ ਇਹ ਇਤਰਾਜ਼ ਕੀਤਾ ਸੀ ਕਿ ਤੁਸੀਂ ਵਿਆਹ ਤੋਂ ਪਹਿਲਾਂ ਇਕੱਠੇ ਨਹੀਂ ਰਹੇ, ਇਸ ਕਰਕੇ ਵੀਜ਼ਾ ਨਹੀਂ ਦਿੱਤਾ ਜਾ ਰਿਹਾ। ਅਰੇਂਜਡ ਮੈਰਿਜ 'ਚ ਅਜਿਹਾ ਮੁਮਕਿਨ ਨਹੀਂ ਹੈ ਪਰ ਇਮੀਗ੍ਰੇਸ਼ਨ ਆਪਣੇ ਕਾਨੂੰਨ ਮੁਤਾਬਕ ਕੰਮ ਕਰ ਰਿਹਾ ਹੈ।

 

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਥਾਈਲੈਂਡ ਦਾ ਰਾਜਕੁਮਾਰ ਜਰਮਨੀ ਵਿੱਚ ਇਕੱਲਾ ਜਿਊਣ ਵਾਸਤੇ ਮਜ਼ਬੂਰ
ਪਾਕਿ ਦਾ ਹਵਾਈ ਹਾਦਸਾ: ਕੀ ਪਾਇਲਟ ਦੀ ਗਲਤੀ ਨਾਲ ਡਿੱਗਾ ਸੀ ਜਹਾਜ਼?
ਅਮਰੀਕਾ ਵਿੱਚ ਪੜ੍ਹਦੇ ਭਾਰਤੀ ਵਿਦਿਆਰਥੀਆਂ ਨੂੰ ਲਾਭ ਹੋਵੇਗਾ
ਟਰੰਪ ਨੇ ਬ੍ਰਾਜ਼ੀਲ ਤੋਂ ਆਵਾਜਾਈ ਉੱਤੇ ਲਾਈ ਰੋਕ
ਇਜ਼ਰਾਈਲੀ ਪ੍ਰਧਾਨ ਮੰਤਰੀ ਨੇਤਨਯਾਹੂ ਉੱਤੇ ਭ੍ਰਿਸ਼ਟਾਚਾਰ ਦੇ ਕੇਸ ਦੀ ਸੁਣਵਾਈ ਸ਼ੁਰੂ
ਕੋਰੋਨਾ ਦਾ ਕਹਿਰ: ਅਮਰੀਕਾ ਨੇ ਰੇਮਡਿਸਵੀਅਰ ਦੀਆਂ 30 ਕਰੋੜ ਵੈਕਸੀਨ ਲੈਣ ਦਾ ਸੌਦਾ ਕੀਤਾ
ਚੀਨ ਦੇ ਸਖਤ ਕੌਮੀ ਸੁਰੱਖਿਆ ਕਾਨੂੰਨ ਵਿਰੁੱਧ ਹਾਂਗ ਕਾਂਗ ਦੇ ਲੋਕ ਸੜਕਾਂ ਉੱਤੇ ਉਤਰੇ
ਚੀਨ ਵੱਲੋਂ ਅਮਰੀਕਾ ਉੱਤੇ ਦੁਵੱਲੇ ਸਬੰਧਾਂ ਵਿੱਚ ਨਵੀਂ ਕੋਲਡ ਵਾਰ ਛੇੜਨ ਦਾ ਦੋਸ਼
ਟਰੰਪ ਦੀ ਧੀ ਇਵਾਂਕਾ ਵੱਲੋਂ ਬਿਹਾਰੀ ਮਜ਼ਦੂਰ ਦੀ ਧੀ ਦੀ ਸ਼ਲਾਘਾ
ਖੋਜ ਕਰਤਿਆਂ ਨੇ ਸਭ ਤੋਂ ਤੇਜ਼ ਇੰਟਰਨੈੱਟ ਸਪੀਡ ਹਾਸਲ ਕੀਤੀ