Welcome to Canadian Punjabi Post
Follow us on

13

November 2019
ਮਨੋਰੰਜਨ

ਰਕੁਲ ਨੂੰ ‘ਦੇ ਦੇ ਪਿਆਰ ਦੇ’ ਦੇ ਕਾਰਨ ਹਿੰਦੀ ਫਿਲਮਾਂ ਵਿੱਚ ਮਿਲੇ ਵਧੀਆ ਆਫਰ

November 07, 2019 08:42 AM

ਸਾਊਥ ਫਿਲਮ ਇੰਡਸਟਰੀ ਦੀ ਲੀਡਿੰਗ ਅਭਿਨੇਤਰੀ ਰਕੁਲ ਪ੍ਰੀਤ ਲਿੰਘ ਅੱਜ ਕੱਲ੍ਹ ਹਿੰਦੀ ਫਿਲਮ ਇੰਡਸਟਰੀ ਵਿੱਚ ਵੀ ਪਛਾਣ ਬਣਾ ਚੁੱਕੀ ਹੈ। ਇਹ ਸਾਲ ਰਕੁਲ ਲਈ ਬੜਾ ਵਧੀਆ ਸਾਬਤ ਹੋਇਆ ਹੈ। ਉਸ ਦੀ ਆਖਰੀ ਰਿਲੀਜ਼ ਫਿਲਮ ‘ਦੇ ਦੇ ਪਿਆਰ ਦੇ’ ਬਾਕਸ ਆਫਿਸ 'ਤੇ ਸਫਲ ਰਹੀ ਹੈ। ਅਗਲੀ ਫਿਲਮ ‘ਮਰਜਾਵਾਂ’ ਤੋਂ ਵੀ ਦਰਸ਼ਕਾਂ ਨੂੰ ਕਾਫੀ ਉਮੀਦਾਂ ਹਨ। ਸਿਧਾਰਥ ਮਲਹੋਤਰਾ, ਰਿਤੇਸ਼ ਦੇਸ਼ਮੁਖ ਸਟਾਰਰ ਫਿਲਮ ‘ਮਰਜਾਵਾਂ’ ਵਿੱਚ ਰਕੁਲ ਦਾ ਰੋਲ ਜ਼ਿਆਦਾ ਦੇਰ ਦਾ ਨਹੀਂ ਹੈ, ਪਰ ਉਸ ਦਾ ਮੰਨਣਾ ਹੈ ਕਿ ਸਕਰੀਨ ਟਾਈਮ ਮਾਇਨੇ ਨਹੀਂ ਰੱਖਦਾ। ਉਹ ਕਹਿੰਦੀ ਹੈ, ‘‘ਮੈਂ ਫਿਲਮ ਵਿੱਚ ਸੈਕਸ ਵਰਕਰ ਦਾ ਕਿਰਦਾਰ ਨਿਭਾਅ ਰਹੀ ਹਾਂ। ਜਦ ਮਿਲਾਪ ਜਾਵੇਰੀ ਮੇਰੇ ਕੋਲ ਇਸ ਫਿਲਮ ਲਈ ਆਏ ਤਾਂ ਉਨ੍ਹਾਂ ਨੇ ਕਿਹਾ ਕਿ ਮੇਰਾ ਰੋਲ ਉਸੇ ਤਰ੍ਹਾਂ ਦਾ ਹੈ, ਜਿਹੋ ਜਿਹਾ ‘ਮੁਕੱਦਰ ਕਾ ਸਿਕੰਦਰ’ ਵਿੱਚ ਰੇਖਾ ਦਾ ਜਾਂ ‘ਜੀਤ' ਵਿੱਚ ਤੱਬੂ ਦਾ ਸੀ। ਉਨ੍ਹਾਂ ਨੇ ਸਮਝਾਇਆ ਕਿ ਇਹ ਕਾਫੀ ਪਾਵਰਫੁੱਲ ਰੋਲ ਹੋਵੇਗਾ। ਇਸ ਲਈ ਸਕਰੀਨ ਟਾਈਮ 'ਤੇ ਮੈਂ ਨਹੀਂ ਸੋਚਿਆ ਅਤੇ ਮੈਂ ਰਿਸਕ ਲੈਣ ਦੇ ਲਈ ਤਿਆਰ ਹੋ ਗਈ।”
ਰਕੁਲ ਨੇ 2014 ਵਿੱਚ ਫਿਲਮ ‘ਯਾਰੀਆਂ’ ਨਾਲ ਬਾਲੀਵੁੱਡ ਡੈਬਿਊ ਕੀਤਾ ਸੀ। ਉਸ ਦੇ ਬਾਅਦ ਉਸ ਨੂੰ ਤਮਿਲ ਅਤੇ ਤੇਲਗੂ ਫਿਲਮਾਂ ਦੇ ਕਾਫੀ ਆਫਰ ਮਿਲੇ ਸਨ, ਪਰ ਉਸ ਦਾ ਮੰਨਣਾ ਹੈ ਕਿ ਅਜੇ ਦੇਵਗਨ ਅਤੇ ਤੱਬੂ ਸਟਾਰਰ ਫਿਲਮ ‘ਦੇ ਦੇ ਪਿਆਰ ਦੇ' ਨਾਲ ਉਸ ਨੂੰ ਹਿੰਦੀ ਫਿਲਮਾਂ ਵਿੱਚ ਜਗ੍ਹਾ ਬਣਾਉਣ ਦਾ ਚੰਗਾ ਮੌਕਾ ਮਿਲਿਆ ਹੈ। ਰਕੁਲ ਕਹਿੰਦੀ ਹੈ, ‘ਦੇ ਦੇ ਪਿਆਰ ਦੇ’ ਤੋਂ ਬਾਅਦ ਮੈਂ ਚਾਰ ਫਿਲਮਾਂ ਸਾਈਨ ਕੀਤੀਆਂ ਹਨ। ਮੈਂ ਹਮੇਸ਼ਾ ਇਸ ਫਿਲਮ ਦੇ ਮੇਕਰਸ ਦੀ ਧੰਨਵਾਦੀ ਰਹਾਂਗੀ, ਕਿਉਂਕਿ ਉਸ ਦੇ ਬਾਅਦ ਤੋਂ ਇੰਡਸਟਰੀ ਤੋਂ ਬਹੁਤ ਵਧੀਆ ਰਿਸਪਾਂਸ ਮਿਲਿਆ। ਫਿਲਮ ਵਿੱਚ ਮੈਨੂੰ ਨੋਟਿਸ ਕੀਤਾ ਗਿਆ। ਖੁਸ਼ ਹਾਂ ਕਿ ‘ਮਰਜਾਵਾਂ’ ਵਿੱਚ ਵੀ ਮੈਨੂੰ ਮਹੱਤਵ ਪੂਰਨ ਭੂਮਿਕਾ ਦਾ ਮੌਕਾ ਮਿਲ ਰਿਹਾ ਹੈ।

Have something to say? Post your comment