ਕੋਟਕਪੂਰਾ, 6 ਨਵੰਬਰ (ਪੋਸਟ ਬਿਊਰੋ)- ਕੋਟਕਪੂਰਾ ਦੇ ਸ਼ਹੀਦ ਭਗਤ ਸਿੰਘ ਚੌਕ ਵਿੱਚ ਲੁਟੇਰਿਆਂ ਨੇ ਕਾਰ ਸਵਾਰ ਦਾ ਪਿੱਛਾ ਕਰ ਕੇ ਉਸ ਦੇ ਕਰੀਬ ਇੱਕ ਲੱਖ 30 ਹਜ਼ਾਰ ਰੁਪਏ ਚੋਰੀ ਕਰ ਲਏ।
ਇਸ ਸੰਬੰਧ ਵਿੱਚ ਕੋਟਕਪੂਰਾ ਦੇ ਨਵੇਂ ਬਸ ਸਟੈਂਡ ਦੇ ਨੇੜੇ ਰਹਿੰਦੇ ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਹ ਆਪਣੀ ਜ਼ਰੂਰਤ ਲਈ ਕੋਟਕਪੂਰਾ ਦੇ ਫਰੀਦਕੋਟ ਰੋਡ ਦੇ ਇਲਾਹਾਬਾਦ ਬੈਂਕ ਤੋਂ ਕਰੀਬ ਚਾਰ ਲੱਖ 95 ਹਜ਼ਾਰ ਰੁਪਏ ਕਢਵਾ ਕੇ ਲਿਆਏ ਸਨ। ਇਨ੍ਹਾਂ ਵਿੱਚੋਂ ਕੁਝ ਰੁਪਏ ਉਸ ਨੇ ਕੋਟਕਪੂਰਾ ਦੇ ਬਾਜ਼ਾਰ ਵਿੱਚ ਸਥਿਤ ਸਹਿਕਾਰੀ ਬੈਂਕ ਵਿੱਚ ਜਮ੍ਹਾ ਕਰਾਉਣੇ ਸਨ। ਜਦ ਉਹ ਰੁਪਏੇ ਲੈ ਕੇ ਬੈਂਕ ਗਏ ਤਾਂ ਰਸਤੇ ਵਿੱਚ ਕਿਸੇ ਮੋਟਰ ਸਾਈਕਲ ਸਵਾਰ ਨੌਜਵਾਨ ਨੇ ਉਸ ਨੂੰ ਕਾਰ ਦਾ ਟਾਇਰ ਪੰਕਚਰ ਹੋਣ ਦਾ ਇਸ਼ਾਰਾ ਕੀਤਾ। ਬੈਂਕ ਦੇ ਬਾਹਰ ਕਾਰ ਰੋਕ ਜਦ ਉਸ ਨੇ ਦੇਖਿਆ ਤਾਂ ਸੱਚ ਵਿੱਚ ਉਸ ਦੀ ਕਾਰ ਦਾ ਟਾਇਰ ਪੰਕਚਰ ਸੀ। ਬੈਂਕ ਵਿੱਚ ਕਰੀਬ ਸਵਾ ਤਿੰਨ ਲੱਖ ਜਮ੍ਹਾ ਕਰਾਉਣ ਅਤੇ ਕੁਝ ਪੈਸੇ ਜੇਬ ਵਿੱਚ ਰੱਖਣ ਦੇ ਬਾਅਦ ਬਚੇ ਕਰੀਬ ਇੱਕ ਲੱਖ 30 ਹਜ਼ਾਰ ਰੁਪਏ ਕਾਰ ਵਿੱਚ ਰੱਖ ਕੇ ਜਦ ਉਹ ਜਾਣ ਨੂੰ ਨਿਕਲਿਆ। ਰਸਤੇ ਵਿੱਚ ਪੰਕਚਰ ਲਵਾਉਣ ਨੂੰ ਰੁਕਿਆ। ਜਦ ਉਹ ਕਾਰ ਨੇੜੇ ਖੜਾ ਪੰਕਚਰ ਲਗਵਾ ਰਿਹਾ ਸੀ ਤਾਂ ਬਾਈਕ ਸਵਾਰ ਨੇ ਇਸ਼ਾਰਾ ਕਰ ਕੇ ਕਾਰ 'ਚੋਂ ਤੇਲ ਲੀਕ ਹੋਣ ਦੀ ਗੱਲ ਕਹੀ। ਬੋਨਟ ਖੋਲ੍ਹ ਕੇ ਦੇਖਣ ਲੱਗਾ ਤਾਂ ਲੁਟੇਰੇ ਕਾਰ 'ਚੋਂ ਪੈਸਿਆਂ ਵਾਲਾ ਬੈਗ ਚੁੱਕ ਕੇ ਲੈ ਗਏ ਅਤੇ ਇਸ ਦੇ ਪੁਲਸ ਨੂੰ ਦੱਸਿਆ ਗਿਆ।