ਜੈਸਲਮੇਰ, 6 ਨਵੰਬਰ (ਪੋਸਟ ਬਿਊਰੋ)- ਮਿਲਟਰੀ ਇੰਟੈਲੀਜੈਂਸ ਅਤੇ ਸੀ ਆਈ ਡੀ ਪੁਲਸ ਨੇ ਜੈਸਲਮੇਰ ਦੇ ਪੋਖਰਣ ਵਿਖੇ ਪਾਕਿਸਤਾਨੀ ਖੁਫੀਆ ਏਜੰਸੀ ਆਈ ਐੱਸ ਆਈ ਨੂੰ ਹਨੀ ਟ੍ਰੈਪ ਰਾਹੀਂ ਖੁਫੀਆ ਤੇ ਜੰਗੀ ਸੂਚਨਾਵਾਂ ਭੇਜਣ ਦੇ ਦੋਸ਼ ਹੇਠ ਭਾਰਤੀ ਫੌਜ ਦੇ ਦੋ ਜਵਾਨਾਂ ਨੂੰ ਗ੍ਰਿਫਤਾਰ ਕੀਤਾ ਹੈ।
ਅਧਿਕਾਰਤ ਸੂਤਰਾਂ ਨੇ ਕੱਲ੍ਹ ਏਥੇ ਦੱਸਿਆ ਕਿ ਦੋੇਵੇਂ ਜਵਾਨ ਵੱਖ-ਵੱਖ ਥਾਈਂ ਪਾਕਿਸਤਾਨ ਦੀ ਖੁਫੀਆ ਏਜੰਸੀ ਆਈ ਐੱਸ ਆਈ ਵੱਲੋਂ ਯੋਜਨਾਬੱਧ ਢੰਗ ਨਾਲ ਚਲਾਏ ਜਾਂਦੇ ਹਨੀ ਟ੍ਰੈਪ ਦੇ ਜਾਲ ਵਿੱਚ ਫਸ ਕੇ ਪਾਕਿਸਤਾਨੀ ਮੁਟਿਆਰਾਂ ਨੂੰ ਭਾਰਤ ਦੇ ਫੌਜ ਦੇ ਜੰਗੀ ਅਭਿਆਸ ਨਾਲ ਸੰਬੰਧਤ ਕਈ ਜਾਣਕਾਰੀਆਂ ਸਰਹੱਦੋਂ ਪਾਰ ਭੇਜ ਰਹੇ ਸਨ। ਦੋਵਾਂ ਜਵਾਨਾਂ ਨੂੰ ਸੋਮਵਾਰ ਰਾਤ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਸ਼ੁਰੂ ਕੀਤੀ ਗਈ ਹੈ। ਵਰਨਣ ਣਯੋਗ ਹੈ ਕਿ ਭਾਰਤੀ ਖੁਫੀਆ ਏਜੰਸੀਆਂ ਨੂੰ ਲੰਮੇ ਸਮੇਂ ਤੋਂ ਇਹ ਸੂਚਨਾ ਸੀ ਕਿ ਆਈ ਐੱਸ ਆਈ ਭਾਰਤੀ ਫੌਜ ਦੇ ਨੌਜਵਾਨ ਅਫਸਰਾਂ ਨੂੰ ਖੂਬਸੂਰਤ ਮੁਟਿਆਰਾਂ ਰਾਹੀਂ ਖਿੱਚਣ ਅਤੇ ਹਨੀ ਟ੍ਰੈਪ ਰਾਹੀਂ ਜੰਗੀ ਅਤੇ ਖੁਫੀਆ ਜਾਣਕਾਰੀ ਹਾਸਲ ਕਰਨ ਦੀ ਕੋਸ਼ਿਸ਼ ਵਿੱਚ ਹੈ। ਇਸੇ ਅਧੀਨ ਇੰਟੈਲੀਜੈਂਸ ਦੀ ਸੂਚਨਾ 'ਤੇ ਮਿਲਟਰੀ ਇੰਟੈਲੀਜੈਂਸ ਅਤੇ ਸੀ ਆਈ ਡੀ ਪੁਲਸ ਨੇ ਮਿਲ ਕੇ ਦੋਵਾਂ ਨੂੰ ਕਾਬੂ ਕੀਤਾ ਹੈ।