ਪੋਸਟ ਬਿਊਰੋ, ਬਰੈਂਪਟਨ ( ਸੁਰਜੀਤ ਸਿੰਘ ਫਲੋਰਾ) ਵੀਰਵਾਰ ਅਕਤੂਬਰ 17 ਨੂੰ ਐਨ ਡੀ ਪੀ ਲੀਡਰ ਜਗਮੀਤ ਸਿੰਘ ਵੱਲੋਂ ਬਰੈਂਪਟਨ ਦੇ ਗਰੈਂਡ ਐਮਪਾਇਰ `ਚ ਰੈਲੀ ਰੱਖੀ ਗਈ ਸੀ । ਜਿਸ ਵਿਚ ਕੋਈ ਇਕ ਹਜ਼ਾਰ ਤੋਂ ਵੱਧ ਉਨ੍ਹਾਂਦੇ ਸਪੋਟਰਾਂ ਵੱਲੋਂ ਹਿਸਾ ਲਿਆ ਗਿਆ।
ਸਭ ਤੋਂ ਪਹਿਲਾਂ ਰੈਸਲਰ ਜਤਿੰਦਰ ਸਿੰਘ ਮਾਹਿਲ ਵਲੋਂ ਜਗਮੀਤ ਸਿੰਘ ਬਾਰੇ ਬੋਲਦੇ ਹੋਏ ਕਿਹਾ ਕਿ ਜਗਮੀਤ ਸਿੰਘ ਦੇ ਸੁਪਨੇ ਵੀ ਮੇਰੇ ਵਾਂਗ ਵੱਡੇ ਸਨ। ਉਸ ਨੁੰ ਵੀ ਕੁਝ ਲੋਕਾਂ ਲਈ ਕਰ ਗੁਜਰਨ ਦੀ ਤਮੰਨਾ ਸੀ ਜੋ ਮੇਰੀ ਵੀ ਤਮੰਨਾ ਸੀ ਮੈਂ ਵੀ ਕਰ ਦਿਖਾਇਆ ਤੇ ਜਗਮੀਤ ਸਿੰਘ ਨੇ ਵੀ ਕਰ ਦਿਖਾਇਆ
ਇਸ ਉਪਰੰਤ ਉਨਟੈਰਿਉ ਸੂਬੇ ਦੀ ਐੱਨ ਡੀ ਪੀ ਪਾਰਟੀ ਦੀ ਲੀਡਰ ਐਂਡਰੀਆਂ ਹਾਰਵਥ ਵਲੋਂ ਜਗਮੀਤ ਸਿੰਘ ਬਾਰੇ ਗੱਲ ਬਾਤ ਕਰਦੇ ਹੋਏ ਕਿਹਾ ਕਿ ਕੌਣ ਕਹਿੰਦਾ ਹੈ ਕਿ ਇਸ ਸੂਬੇ ਵਿਚ ਐੱਨ ਡੀ ਪੀ ਨੂੰ ਵੋਟ ਨਹੀਂ ਪੈਂਦੇ, ਜਗਮੀਤ ਸਿੰਘ ਇਥੋ ਹੀ ਡਿਪਟੀ ਲੀਡਰ ਦੀ ਪਦਵੀ ਛੱਡ ਕੇ ਅੱਜ ਫੈਡਰਲ ਲੇਬਲ ਤੇ ਐੱਨ ਡੀ ਪੀ ਦੀ ਕੁਰਸੀ ਤੇ ਜਾ ਪਹੁੰਚਾ ਹੈ। ਤੇ ਬਹੁਤ ਜਲਦ ਪ੍ਰਧਾਨ ਮੱਤਰੀ ਦੀ ਕੁਰਸੀ ਤੇ ਵੀ ਹੱਕ ਜਮਾ ਲਏਗਾ।
ਜਗਮੀਤ ਸਿੰਘ ਨੇ ਰੈਲੀ ਨੂੰ ਸੰਬੋਧੰਨ ਕਰਦੇ ਹੋਏ ਕਿਹਾ ਕੇ ਪ੍ਰਧਾਨ ਮੰਤਰੀ ਟਰੂਡੋ ਕੈਨੇਡੀਅਨਾਂ ਦੀ ਵੋਟ ਦਾ ਹੱਕਦਾਰ ਨਹੀਂ ਹੈ । ਉਹ ਲੋਕਾਂ ਦੇ ਸਿਰਾਂ ਤੇ ਕਰਜੇ ਹੋਰ ਚੜ੍ਹ ਰਹੀ ਹੈ। ਅਮੀਰਾਂ ਨੁੰ ਹੋਰ ਅਮੀਰ ਬਣਾ ਕੇ ਮਿਡਲ ਵਰਗ ਦੇ ਲੋਕਾਂ ਨੂੰ ਹੋਰ ਗਰੀਭ ਕਰ ਰਹੀ ਹੈ। ਉਨ੍ਹਾਂ ਨੇ ਅੱਗੇ ਪਾਈਪ ਲਾਇਨ ਦੀ ਗੱਲ ਕਰਦੇ ਹੋਏ ਕਿਹਾ ਕਿ ਟਰੂਡੋ ਨੇ ਬਹੁਤ ਪੈਸਾ ਤੇ ਲੋਕਾਂ ਦੀਆਂ ਨੌਕਰੀਆਂ ਤੇ ਸੱਟ ਮਾਰੀ ਹੈ। ਜਿਸ ਕਰਕੇ ਉਹ ਤੂਹਾਡੀ ਵੋਟ ਦਾ ਹੱਕਦਾਰ ਨਹੀਂ ਹੈ।
ਜਗਮੀਤ ਨੇ ਅੱਗੇ ਬੋਲਦੇ ਹੋਏ ਕਿਹਾ ਕਿ ਸਾਡੀ ਸਰਕਾਰ ਲੋਕਾਂ ਦੀ ਬਚਤ ਵਾਰੇ ਉਪਰਾਲਾ ਕਰੇਗੀ। ਜਿਵੇਂ ਅਸੀਂ ਦੰਦਾ ਦੇ ਮੁਫ਼ਤ ਇਲਾਜ ਦੀ ਗੱਲ ਕਰਦੇ ਹਾਂ। ਫਿਰ ਸੈਲ ਫੋਨ ਬਿਲਾਂ ਦੀ ਗੱਲ ਕਰਦੇ ਹਾਂ। ਗੱਲ ਕੀ ਅਸੀਂ ਜਿਥੋਂ ਵੀ ਕੈਨੇਡੀਅਨ ਲੋਕਾਂ ਦੀ ਬਚਤ ਕਰ ਸਕਦੇ ਹੋਈਏ ਹਰ ਹਾਲ ਵਿਚ ਕਰਾਂਗੇ।
ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਐਡਰਿਊ ਸ਼ੀਅਰ ਵੀ ਲੋਕਾਂ ਤੇ ਹੋਰ ਟੈਕਸ ਦਾ ਭਾਰ ਵਧਾਏਗਾ। ਜਿਸ ਨਾਲ ਲੋਕਾਂ ਦਾ ਹੋਰ ਨੁਕਸਾਨ ਹੋਵੇਗਾ। ਉਹਨਾਂ ਅੱਗੇ ਰੈਲੀ ਨੂੰ ਸੰਬੋਧੰਨ ਕਰਦੇ ਹੋਏ ਪੰਜਾਬੀ ਵਿਚ ਕਿਹਾ ਕਿ ਅਸੀਂ ਇਕ ਦੂਜੇ ਦੀ ਗੱਲ ਸੁਣਦੇ ਹੋਏ ਕਿ ਚਲੋਂ ਇਸ ਉਮੀਦਵਾਰ ਨੂੰ ਵੋਟ ਦੇ ਦਿਉ ਕਿਉਕਿ ਉਹ ਸਾਡੇ ਪਿੰਡ ਦਾ ਹੈ। ਉਹਨਾਂ ਕਿਹਾ ਕਿ ਇਸ ਤਰ੍ਹਾਂ ਨਾ ਕਰੋ। ਕਿਉਂ ਕਿ ਪਿੰਡ ਵਾਲੇ ਨੇ ਕੁਝ ਨਹੀਂ ਦੇਣਾ, ਜਿਸ ਦੀ ਚੰਗੀ ਪਾਲਸੀ ਹੈ ਉਹ ਹੀ ਕੈਨੇਡੀਅਨ ਲੋਕਾਂ ਦੀ ਮੱਦਦ ਤੇ ਬਚਤ ਕਰ ਸਕਦਾ ਹੈ।
ਜਗਮੀਤ ਸਿੰਘ ਨੇ ਇਹ ਵੀ ਕਿਹਾ ਕਿ ਹਰ ਮਾਂ ਬਾਪ ਆਪਣੇ ਬੱਚੇ ਦਾ ਭਵਿੱਖ ਉਜਲਾ ਦੇਖਣਾ ਚਾਹੁੰਦਾ ਹੈ ਤੇ ਬਚਤ ਵੀ ਜੋ ਸਾਡੀ ਸਰਕਾਰ ਤੁਹਾਨੂੰ ਦੇਵੇਗੀ। ਮੈਂ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਦੇ ਪਦ ਲਈ ਲੜਨ ਦਾ ਮਤਲਬ ਤੁਹਾਡੇ ਚੰਗੇ ਭਵਿੱਖ ਲਈ ਲੜਨਾ ਹੈ। ਇਸ ਲਈ ਐੱਨ ਡੀ ਪੀ 21 ਅਕਤੂਬਰ ਨੂੰ ਵੋਟ ਪਾ ਕੇ ਸਾਨੂੰ ਮਾਣ ਬਖ਼ਸੋਂ ਤਾਂ ਜੋ ਅਸੀਂ ਕੈਨੇਡੀਅਨ ਦੀ ਦਿਲੋਂ ਸੇਵਾ ਕਰ ਸਕੀਏ।