ਇਸ ਸਾਲ ਫਿਲਮ ‘ਦੇ ਦੇ ਪਿਆਰ ਦੇ’ ਵਿੱਚ ਆਪਣੇ ਗਲੈਮਰਸ ਰੋਲ ਨਾਲ ਸਾਰਿਆਂ ਦਾ ਧਿਆਨ ਖਿੱਚਣ ਵਾਲੀ ਰਕੁਲਪ੍ਰੀਤ ਸਿੰਘ ਅੱਜ ਤੱਕ ਬਹੁਤ ਸਾਰੀਆਂ ਫਿਲਮਾਂ ਵਿੱਚ ਅਭਿਨੈ ਕਰ ਚੁੱਕੀ ਹੈ। ਹਾਲਾਂਕਿ ਇਨ੍ਹਾਂ 'ਚ ਜ਼ਿਆਦਾ ਸਾਊਥ ਇੰਡੀਅਨ ਮੂਵੀਜ਼ ਹਨ, ਪਰ ਬਾਲੀਵੁੱਡ 'ਚ ਵੀ ਉਸ ਦੀ ਇੱਕ ਵੱਖਰੀ ਪਛਾਣ ਬਣ ਚੁੱਕੀ ਹੈ।
ਕਈ ਵਾਰ ਉਹ ਆਪਣੇ ਰਿਲੇਸ਼ਨਸ਼ਿਪ ਸਟੇਟਸ ਬਾਰੇ ਵੀ ਸੁਰਖੀਆਂ 'ਚ ਰਹੀ ਹੈ। ਇਸ ਦੌਰਾਨ ਇਹ ਅਟਕਲਾਂ ਵੀ ਲੱਗੀਆਂ ਸਨ ਕਿ ਉਹ ਫਿਲਮ ‘ਬਾਹੂਬਲੀ’ ਵਿੱਚ ਖਲਨਾਇਕ ਦੀ ਭੂਮਿਕਾ ਨਿਭਾਉਣ ਵਾਲੇ ਰਾਣਾ ਦੱਗੂਬਤੀ ਨਾਲ ਡੇਟ ਕਰ ਰਹੀ ਹੈ, ਪਰ ਇਨ੍ਹਾਂ ਅਟਕਲਾਂ ਦੀ ਕਦੇ ਪੁਸ਼ਟੀ ਨਹੀਂ ਹੋਈ। ਉਂਝ ਹਾਲ ਹੀ ਵਿੱਚ ਰਕੁਲ ਨੇ ਆਪਣੇ ਰਿਲੇਸ਼ਨਸ਼ਿਪ ਸਟੇਟਸ ਨੂੰ ਸਾਫ ਕਰਦੇ ਹੋਏ ਦੱਸ ਦਿੱਤਾ ਹੈ ਕਿ ਉਸ ਨੂੰ ਅਜੇ ਤੱਕ ਕੋਈ ਖਾਸ ਨਹੀਂ ਮਿਲਿਆ ਅਤੇ ਉਹ ਸਿੰਗਲ ਹੈ।