Welcome to Canadian Punjabi Post
Follow us on

29

March 2024
 
ਅੰਤਰਰਾਸ਼ਟਰੀ

ਵਿਸ਼ਵ ਅਰਥਚਾਰਾ 2008 ਦੀ ਮੰਦੀ ਵਰਗੇ ਹਾਲ ਵਿੱਚ ਗਿਆ

October 17, 2019 08:30 AM

ਵਾਸ਼ਿੰਗਟਨ, 16 ਅਕਤੂਬਰ (ਪੋਸਟ ਬਿਊਰੋ)- ਤਰ੍ਹਾਂ-ਤਰ੍ਹਾਂ ਦੇ ਟ੍ਰੇਡ ਬੈਰੀਅਰ ਅਤੇ ਹਕੀਕੀ ਸਿਆਸੀ ਚਿੰਤਾਵਾਂ ਕਾਰਨ ਵਿਸ਼ਵ ਅਰਥਚਾਰਾ ਇੱਕ ‘ਸਿੰਕ੍ਰੋਨਾਈਜ਼ਡ ਸਲੋਡਾਊਨ' ਦੇ ਚੱਕਰ ਵਿੱਚ ਫਸਿਆ ਹੋਇਆ ਹੈ।
ਅੰਤਰਰਾਸ਼ਟਰੀ ਕਰੰਸੀ ਭੰਡਾਰ (ਆਈ ਐਮ ਐਫ) ਨੇ ਵਿਸ਼ਵ ਅਰਥਚਾਰਾ ਆਊਟਲੁਕ ਰਿਪੋਰਟਾਂ ਦੇ ਵਿੱਚ ਇਹ ਗੱਲ ਕਹੀ ਹੈ ਅਤੇ ਆਈ ਐਮ ਐਫ ਨੇ 2019 ਲਈ ਗਲੋਬਲ ਅਰਥਚਾਰੇ ਦੀ ਵਿਕਾਸ ਦਰ ਦਾ ਅਨੁਸਾਰ ਘਟਾ ਕੇ ਤਿੰਨ ਫੀਸਦੀ ਕਰ ਦਿੱਤਾ ਹੈ। ਸਾਲ 2008 ਵਿੱਚ ਆਈ ਮੰਦੀ ਤੋਂ ਬਾਅਦ ਇਹ ਗਲੋਬਲ ਅਰਥਚਾਰੇ ਦੀ ਸਭ ਤੋਂ ਘੱਟ ਵਿਕਾਸ ਦਰ ਹੋਵੇਗੀ। ਆਈ ਐਮ ਐਫ ਦੀ ਚੀਫ ਇਕੋਨਾਮਿਸਟ ਗੀਤਾ ਗੋਪੀਨਾਥ ਨੇ ਕਿਹਾ ਕਿ ‘2017 ਦੇ 3.8 ਫੀਸਦੀ ਤੁਲਨਾ ਵਿੱਚ ਗਲੋਬਲ ਇਕੋਨਾਮੀ ਦੀ ਵਿਕਾਸ ਦਰ ਤਿੰਨ ਫੀਸਦੀ 'ਤੇ ਪੁੱਜਣਾ ਚਿੰਤਾ ਜਨਕ ਹੈ ਅਤੇ ਸਿੰਕ੍ਰੋਨਾਈਜ਼ਡ ਸਲੋਡਊਨ ਅਤੇ ਅਨਿਸ਼ਚਿਤ ਹਾਲਾਤ ਕਾਰਨ ਗਲੋਬਲ ਆਊਟਲੂਕ ਸ਼ੱਕੀ ਹੈ। ਤਿੰਨ ਫੀਸਦੀ ਦੀ ਵਿਕਾਸ ਦਰ ਨੂੰ ਦੇਖਦੇ ਹੋਏ ਨੀਤੀ ਘਾੜਿਆਂ ਕੋਲ ਅਣਦੇਖੀ ਦਾ ਕੋਈ ਬਦਲ ਨਹੀਂ ਹੈ। ਸਾਰੇ ਦੇਸ਼ਾਂ ਦੇ ਨੀਤੀ ਘਾੜਿਆਂ ਨੂੰ ਮਿਲ ਕੇ ਕਾਰੋਬਾਰੀ ਅਤੇ ਹੋਰ ਸਿਆਸੀ ਚਿੰਤਾਵਾਂ ਨੂੰ ਦੂਰ ਕਰਨਾ ਹੋਵੇਗਾ। ਆਈ ਐਮ ਐਫ ਨੇ 2020 ਵਿੱਚ ਗਲੋਬਲ ਇਕੋਨਾਮੀ ਦੀ ਵਿਕਾਸ ਦਰ 34 ਫੀਸਦੀ ਰਹਿਣ ਦਾ ਅਨੁਮਾਨ ਪ੍ਰਗਟਾਇਆ ਹੈ।
ਗੋਪੀਨਾਥ ਨੇ ਕਿਹਾ ਕਿ ਇਸ ਗਿਰਾਵਟ ਦੇ ਪਿੱਛੇ ਕੁਝ ਕਾਰਨ ਕੰਮ ਕਰ ਰਹੇ ਹਨ। ਵੱਧ ਡਿਊਟੀਆਂ ਅਤੇ ਵਪਾਰ ਨੀਤੀਆਂ 'ਤੇ ਲੰਮੇ ਸਮੇਂ ਤੋਂ ਅਨਿਸ਼ਚਿਤਾ ਦੇ ਮਾਹੌਲ ਨੇ ਨਿਵੇਸ਼ ਨੂੰ ਨੁਕਸਾਨ ਪਹੁੰਚਾਇਆ ਹੈ। ਕੈੈਪੀਟਲ ਗੁਡਸ ਦੀ ਮੰਗ 'ਤੇ ਵੀ ਇਸ ਨਾਲ ਅਸਰ ਪਿਆ ਹੈ। ਆਟੋ ਸੈਕਟਰ 'ਤੇ ਵੀ ਯੂਰੋ ਖੇਤਰ ਅਤੇ ਚੀਨ ਵਿੱਚ ਨਵੇਂ ਮਾਪਦੰਡਾਂ ਕਾਰਨ ਅਸਰ ਪਿਆ ਹੈ। 2019 ਦੀ ਪਹਿਲੀ ਛਿਮਾਹੀ ਵਿੱਚ ਟ੍ਰੇਡ ਵੈਲਯੂਅਮ ਗ੍ਰੋਥ ਇੱਕ ਫੀਸਦੀ ਰਹੀ ਹੈ, ਜੋ 2012 ਤੋਂ ਬਾਅਦ ਸਭ ਤੋਂ ਘੱਟ ਹੈ। ਆਈ ਐਮ ਐਫ ਨੇ ਚਿਤਾਵਨੀ ਦਿੱਤੀ ਕਿ ਬੈ੍ਰਗਜ਼ਿਟ ਨਾਲ ਬਣੇ ਸੰਕਟ ਅਤੇ ਕਈ ਤਰ੍ਹਾਂ ਦੇ ਟ੍ਰੇਡ ਬੈਰੀਅਰ ਨਾਲ ਸਪਲਾਈ ਚੇਨ ਤੇ ਕਾਰੋਬਾਰੀਆਂ ਦੇ ਭਰੋਸੇ 'ਤੇ ਬੁਰਾ ਅਸਰ ਪੈ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਜਲਵਾਯੂ ਬਦਲਾਅ ਦੇ ਖਤਰੇ ਵੀ ਦਿਸਣ ਲੱਗੇ ਹਨ। ਜੇ ਸਮਾਂ ਰਹਿੰਦੇ ਨਾ ਨਜਿੱਠਿਆ ਤਾਂ ਭਵਿੱਖ 'ਚ ਇਨ੍ਹਾਂ ਦਾ ਵੀ ਵਿਆਪਕ ਅਸਰ ਦੇਖਣ ਨੂੰ ਮਿਲ ਸਕਦਾ ਹੈ। ਆਈ ਐਮ ਐਫ ਦਾ ਕਹਿਣਾ ਹੈ ਕਿ ਵਿਕਾਸ ਦਰ 2019 ਤੇ 2020 ਵਿੱਚ 1.7 ਫੀਸਦੀ 'ਤੇ ਰਹਿਣ ਦਾ ਅਨੁਮਾਨ ਹੈ। ਉਥੇ ਵਿਕਾਸਸ਼ੀਲ ਉਭਰਦੀਆਂ ਅਰਥਵਿਵਲਥਾਵਾਂ ਦੀ ਵਿਕਾਸ ਦਰ 2019 ਵਿੱਚ 3.9 ਫੀਸਦੀ ਅਤੇ 2020 ਵਿੱਚ 4.6 ਫੀਸਦੀ ਰਹਿਣ ਦਾ ਅਨੁਮਾਨ ਹੈ।

 
Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਬਾਈਡੇਨ ਵਿਰੁੱਧ ਮਹਾਂਦੋਸ਼ ਦੀ ਜਾਂਚ ਰੁਕੀ ਇਮਰਾਨ ਖਾਨ ਨੇ ਫਰਵਰੀ 'ਚ ਹੋਈਆਂ ਚੋਣਾਂ ਦੀ ਨਿਆਂਇਕ ਜਾਂਚ ਦੀ ਸੁਪਰੀਮ ਕੋਰਟ ਨੂੰ ਕੀਤੀ ਅਪੀਲ ਕੰਧਾਰ ਵਿਚ ਬੈਂਕ ’ਚ ਆਤਮਘਾਤੀ ਹਮਲਾ, 3 ਲੋਕਾਂ ਦੀ ਮੌਤ, 12 ਜ਼ਖਮੀ ਡਾਕਟਰਾਂ ਨੇ ਪਹਿਲੀ ਵਾਰ ਇਨਸਾਨ 'ਚ ਸੂਰ ਦੀ ਕਿਡਨੀ ਦਾ ਕੀਤਾ ਸਫਲ ਟਰਾਂਸਪਲਾਂਟ ਪ੍ਰਧਾਨ ਮੰਤਰੀ ਮੋਦੀ ਰੂਸੀ ਰਾਸ਼ਟਰਪਤੀ ਨੂੰ ਚੋਣਾਂ ਜਿੱਤਣ 'ਤੇ ਦਿੱਤੀ ਵਧਾਈ, ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਨਸਕੀ ਨੂੰ ਵੀ ਕੀਤਾ ਫ਼ੋਨ ਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਨੇੜੇ ਬੰਬਾਰੀ, 50 ਲੜਾਕਿਆਂ ਦੇ ਮਾਰੇ ਜਾਣ ਦਾ ਸ਼ੱਕ ਅਰਮੀਨੀਆ ਨੇ ਪਿਨਾਕਾ ਰਾਕੇਟ ਲਈ ਭਾਰਤ ਨਾਲ ਕੀਤਾ ਸਮਝੌਤਾ ਹੈਤੀ 'ਚ ਸਥਿਤੀ ਕਾਬੂ ਤੋਂ ਬਾਹਰ, ਗੈਂਗ ਕਰ ਰਹੇ ਹਨ ਲੁੱਟਾਂ, 12 ਤੋਂ ਵੱਧ ਮੌਤਾਂ ਪੁਤਿਨ ਰਿਕਾਰਡ ਬਹੁਮਤ ਨਾਲ 5ਵੀਂ ਵਾਰ ਰੂਸ ਦੇ ਰਾਸ਼ਟਰਪਤੀ ਬਣੇ ਨੇਵਲਨੀ ਦੀ ਮੌਤ 'ਤੇ ਪੁਤਿਨ ਨੇ ਦਿੱਤਾ ਬਿਆਨ: ਕਿਹਾ- ਮੈਂ ਕੈਦੀਆਂ ਦੀ ਅਦਲਾ-ਬਦਲੀ 'ਚ ਅਲੈਕਸੀ ਦੇ ਨਾਂ ਨੂੰ ਮਨਜ਼ੂਰੀ ਦਿੱਤੀ ਸੀ