Welcome to Canadian Punjabi Post
Follow us on

18

March 2024
 
ਕੈਨੇਡਾ

4.7 ਮਿਲੀਅਨ ਕੈਨੇਡੀਅਨਾਂ ਨੇ ਐਡਵਾਂਸ ਪੋਲਿੰਗ ਵਿੱਚ ਲਿਆ ਹਿੱਸਾ

October 16, 2019 08:36 AM

ਟੋਰਾਂਟੋ, 15 ਅਕਤੂਬਰ (ਪੋਸਟ ਬਿਊਰੋ) : ਇਸ ਵਾਰੀ ਐਡਵਾਂਸ ਪੋਲਿੰਗ ਵਿੱਚ ਹੀ 4.7 ਮਿਲੀਅਨ ਕੈਨੇਡੀਅਨਾਂ ਵੱਲੋਂ ਆਪਣੀ ਵੋਟ ਦੀ ਵਰਤੋਂ ਕੀਤੀ ਜਾ ਚੁੱਕੀ ਹੈ। ਇਲੈਕਸ਼ਨ ਕੈਨੇਡਾ ਵੀ ਇਸ ਵਾਰੀ ਹੋਈ ਐਡਵਾਂਸ ਪੋਲਿੰਗ ਤੋਂ ਕਾਫੀ ਹੈਰਾਨ ਹੈ।
ਫੈਡਰਲ ਏਜੰਸੀ ਦਾ ਕਹਿਣਾ ਹੈ ਕਿ 2015 ਦੇ ਮੁਕਾਬਲੇ ਇਸ ਵੀਕੈਂਡ ਹੋਈ ਅੰਦਾਜ਼ਨ 4.7 ਮਿਲੀਅਨ ਵੋਟਿੰਗ ਇਸ ਰੁਝਾਨ ਵਿੱਚ 29 ਫੀ ਸਦੀ ਦਾ ਵਾਧਾ ਦਰਸਾਉਂਦੀ ਹੈ। ਹੁਣ ਤੱਕ ਹੋਈ ਐਡਵਾਂਸ ਵੋਟਿੰਗ ਦਾ ਇਹ ਸੱਭ ਤੋਂ ਵੱਡਾ ਰਿਕਾਰਡ ਵੀ ਹੈ। ਜਿ਼ਕਰਯੋਗ ਹੈ ਕਿ ਐਡਵਾਂਸ ਪੋਲਿੰਗ ਸ਼ੁੱਕਰਵਾਰ ਨੂੰ ਸ਼ੁਰੂ ਹੋਈ ਸੀ ਤੇ ਇਹ ਥੈਂਕਸਗਿਵਿੰਗ ਲਾਂਗ ਵੀਕੈਂਡ ਉੱਤੇ ਵੀ ਚੱਲਦੀ ਰਹੀ। ਇਲੈਕਸ਼ਨ ਕੈਨੇਡਾ ਦੇ ਡਾਟਾ ਅਨੁਸਾਰ ਸ਼ੁੱਕਰਵਾਰ ਨੂੰ 1.24 ਮਿਲੀਅਨ ਵੋਟਾਂ ਪਈਆਂ ਜਦਕਿ ਸੋਮਵਾਰ ਨੂੰ ਵੀ ਛੁੱਟੀ ਵਾਲੇ ਦਿਨ 1.6 ਮਿਲੀਅਨ ਵੋਟਾਂ ਪਈਆਂ। ਸ਼ਨਿੱਚਰਵਾਰ ਤੇ ਐਤਵਾਰ ਕ੍ਰਮਵਾਰ 977,000 ਤੇ 915,000 ਵੋਟਾਂ ਪਈਆਂ।
ਇੱਕ ਨਿਊਜ਼ ਰਲੀਜ਼ ਵਿੱਚ ਚੀਫ ਇਲੈਕਟੋਰਲ ਆਫੀਸਰ ਸਟੇਫਨੀ ਪੇਰਾਲਟ ਨੇ ਆਖਿਆ ਕਿ ਆਪਣੀ ਵੋਟ ਦੇ ਅਧਿਕਾਰ ਦੀ ਅਗਾਊਂ ਵਰਤੋਂ ਕਰਨ ਦੀ ਦਿੱਤੀ ਗਈ ਇਸ ਸਹੂਲਤ ਦਾ ਵੱਧ ਤੋਂ ਵੱਧ ਕੈਨੇਡੀਅਨ ਲਾਹਾ ਲੈ ਰਹੇ ਹਨ। ਉਨ੍ਹਾਂ ਆਖਿਆ ਕਿ ਬੇਹੱਦ ਧਿਆਨ ਨਾਲ ਕੀਤੀ ਗਈ ਇਸ ਪਲੈਨਿੰਗ ਲਈ ਉਹ ਆਪਣੇ ਰਿਟਰਨਿੰਗ ਅਫਸਰਾਂ ਤੇ ਹਜ਼ਾਰਾਂ ਇਲੈਕਸ਼ਨ ਵਰਕਰਾਂ ਦਾ ਧੰਨਵਾਦ ਕਰਦੇ ਹਨ ਜਿਨ੍ਹਾਂ ਕਾਰਨ ਇਹ ਸੰਭਵ ਹੋ ਸਕਿਆ।

 

 
Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਹਾਇਤੀ ਦੇ ਅਹੁਦਾ ਛੱਡ ਰਹੇ ਪ੍ਰਧਾਨ ਮੰਤਰੀ ਨਾਲ ਟਰੂਡੋ ਨੇ ਕੀਤੀ ਗੱਲਬਾਤ ਟੈਕਸਾਂ ਵਿੱਚ ਵਾਧਾ ਕੀਤੇ ਬਿਨਾਂ ਖਰਚੇ ਵਧਾਉਣ ਦਾ ਸਰਕਾਰ ਕੋਲ ਕੋਈ ਚਾਰਾ ਨਹੀਂ : ਗਿਰੌਕਸ ਅਗਲੇ ਦੋ ਸਾਲਾਂ ਵਿੱਚ ਐਲਕੋਹਲ ਐਕਸਾਈਜ਼ ਟੈਕਸ ਵਿੱਚ ਨਹੀਂ ਕੀਤਾ ਜਾਵੇਗਾ ਵਾਧਾ : ਫਰੀਲੈਂਡ ਲਿਬਰਲਾਂ ਨੂੰ ਵੋਟ ਪਾਉਣ ਬਾਰੇ ਸੋਚ ਵੀ ਨਹੀਂ ਰਹੇ ਬਹੁਗਿਣਤੀ ਕੈਨੇਡੀਅਨਜ਼ : ਨੈਨੋਜ਼ ਓਟਵਾ ਵਿੱਚ ਕਤਲ ਕੀਤੇ ਗਏ 6 ਵਿਅਕਤੀਆਂ ਦੀ ਪੁਲਿਸ ਨੇ ਕੀਤੀ ਸ਼ਨਾਖ਼ਤ, 19 ਸਾਲਾ ਲੜਕੇ ਨੂੰ ਕੀਤਾ ਗਿਆ ਚਾਰਜ ਓਟਵਾ ਦੇ ਇੱਕ ਘਰ ਵਿੱਚੋਂ ਮਿਲੀਆਂ 2 ਬਾਲਗਾਂ ਤੇ 4 ਬੱਚਿਆਂ ਦੀਆਂ ਲਾਸ਼ਾਂ ਬੈਂਕ ਆਫ ਕੈਨੇਡਾ ਨੇ ਵਿਆਜ਼ ਦਰਾਂ 5 ਫੀ ਸਦੀ ਉੱਤੇ ਹੀ ਰੱਖਣ ਦਾ ਕੀਤਾ ਐਲਾਨ ਨੇਵਾਲਨੀ ਦੀ ਮੌਤ ਮਗਰੋਂ ਹੋਰ ਰੂਸੀ ਅਧਿਕਾਰੀਆਂ ਉੱਤੇ ਕੈਨੇਡਾ ਨੇ ਲਾਈਆਂ ਪਾਬੰਦੀਆਂ ਨਹੀਂ ਰਹੇ ਕੈਨੇਡਾ ਦੇ ਸਾਬਕਾ ਪ੍ਰਧਾਨ ਮੰਤਰੀ ਬ੍ਰਾਇਨ ਮਲਰੋਨੀ ਡੀਐਨਡੀ ਦੇ ਮੁਲਾਜ਼ਮ ਦੀ ਕੰਪਨੀ ਨੂੰ ਐਰਾਈਵਕੈਨ ਦਾ ਕਾਂਟਰੈਕਟ ਮਿਲਣ ਉੱਤੇ ਆਨੰਦ ਨੇ ਪ੍ਰਗਟਾਈ ਹੈਰਾਨੀ