Welcome to Canadian Punjabi Post
Follow us on

17

January 2020
ਬ੍ਰੈਕਿੰਗ ਖ਼ਬਰਾਂ :
ਕੈਨੇਡਾ

ਜਗਮੀਤ ਸਿੰਘ ਨੇ ਲੋਕਾਂ ਨੂੰ ਐਡਵਾਂਸ ਪੋਲਿੰਗ ਵਿੱਚ ਹਿੱਸਾ ਲੈਣ ਲਈ ਦਿੱਤੀ ਹੱਲਾਸ਼ੇਰੀ

October 15, 2019 08:57 AM

ਬਰੈਂਪਟਨ, 14 ਅਕਤੂਬਰ (ਪੋਸਟ ਬਿਊਰੋ) : ਇਸ ਸਮੇਂ ਹਵਾ ਦਾ ਰੁਖ ਐਨਡੀਪੀ ਆਗੂ ਜਗਮੀਤ ਸਿੰਘ ਵੱਲ ਨਜ਼ਰ ਆ ਰਿਹਾ ਹੈ। ਐਨਡੀਪੀ ਆਗੂ ਵੱਲੋਂ ਸ਼ਨਿੱਚਰਵਾਰ ਦਾ ਦਿਨ ਬਰੈਂਪਟਨ ਤੇ ਟੋਰਾਂਟੋ ਵਿੱਚ ਲੋਕਾਂ ਨਾਲ ਮੁਲਾਕਾਤ ਕਰਨ ਵਿੱਚ ਗੁਜ਼ਾਰਿਆ ਜਾਵੇਗਾ ਤੇ ਇਸ ਦੌਰਾਨ ਉਹ ਨੁਨਾਵਤ ਤੋਂ ਐਨਡੀਪੀ ਉਮੀਦਵਾਰ ਮੁਮੀਲਾਕ ਕਕਾਕ ਨਾਲ ਵਾਇਆ ਫੇਸਬੁੱਕ ਲਾਈਵ ਕੌਫੀ ਸਾਂਝੀ ਕਰਨਗੇ। ਜਗਮੀਤ ਸਿੰਘ ਲੋਕਾਂ ਨੂੰ ਐਡਵਾਂਸ ਪੋਲਿੰਗ ਵਿੱਚ ਹਿੱਸਾ ਲੈਣ ਲਈ ਵੀ ਹੱਲਾਸ਼ੇਰੀ ਦੇਣਗੇ।
ਜਗਮੀਤ ਸਿੰਘ ਨੇ ਇਸ ਮੌਕੇ ਆਖਿਆ ਕਿ ਜਿਸ ਸਮੇਂ ਲਿਬਰਲ ਅਮੀਰ ਕਾਰਪੋਰੇਸ਼ਨਾਂ ਨੂੰ ਫਾਇਦਾ ਪਹੁੰਚਾਉਣ ਵਿੱਚ ਲੱਗੇ ਹੋਏ ਹਨ ਜਿਸ ਕਾਰਨ ਸਾਨੂੰ ਸਾਰਿਆਂ ਨੂੰ ਆਰਥਿਕ ਪੱਖੋਂ ਤੰਗ ਹੋਣਾ ਪੈ ਰਿਹਾ ਹੈ ਅਜਿਹੇ ਵਿੱਚ ਮਿਹਨਤਕਸ਼ ਪਰਿਵਾਰਾਂ ਦਾ ਅੱਗੇ ਵੱਧਣਾ ਬਹੁਤ ਔਖਾ ਹੈ। ਉਨ੍ਹਾਂ ਆਖਿਆ ਕਿ ਪਿਛਲੇ ਚਾਰ ਸਾਲਾਂ ਵਿੱਚ ਜਸਟਿਨ ਟਰੂਡੋ ਨੂੰ ਆਪਣੇ ਕਾਰਪੋਰੇਟ ਦੋਸਤਾਂ ਨੂੰ ਬਿਲੀਅਨਾਂ ਡਾਲਰ ਦੀ ਟੈਕਸ ਛੋਟ ਦੇਣ ਵਿੱਚ ਕੋਈ ਦਿੱਕਤ ਨਹੀਂ ਹੋਈ ਪਰ ਉਨ੍ਹਾਂ ਕੈਨੇਡੀਅਨਾਂ ਲਈ ਦਵਾਈਆਂ ਦੀਆਂ ਕੀਮਤਾਂ ਘਟਾਉਣ ਵੱਲ ਕੋਈ ਧਿਆਨ ਨਹੀਂ ਦਿੱਤਾ, ਨਾ ਹੀ ਚਾਈਲਡ ਕੇਅਰ ਦਾ ਕੋਈ ਹੱਲ ਕੱਢਿਆ ਹੈ ਤੇ ਨਾ ਹੀ ਕੈਨੇਡੀਅਨਾਂ ਲਈ ਕਿਫਾਇਤੀ ਘਰਾਂ ਦਾ ਕੋਈ ਰਾਹ ਲੱਭਿਆ ਹੈ। ਇਹ ਸੱਭ ਇਸ ਤਰ੍ਹਾਂ ਨਹੀਂ ਹੋਣਾ ਚਾਹੀਦਾ। ਅਸੀਂ ਬਿਹਤਰ ਬਦਲ ਤਲਾਸ਼ ਸਕਦੇ ਹਾਂ।
ਲਿਬਰਲ ਤੇ ਕੰਜ਼ਰਵੇਟਿਵ ਪਰਿਵਾਰਾਂ ਨੂੰ ਮੁੱਢਲੀਆਂ ਲੋੜਾਂ ਜਿਵੇਂ ਕਿ ਘਰ ਖਰੀਦਣ, ਸੈੱਲ ਫੋਨ ਦੇ ਬਿੱਲ ਦੇਣ, ਦਵਾਈਆਂ, ਡੈਂਟਿਸਟ ਦੀਆਂ ਐਪੁਆਂਇੰਟਮੈਂਟਸ ਲਈ ਹੋਰ ਮਿਹਨਤ ਕਰਕੇ ਬਚਤ ਕਰਨ ਜਾਂ ਕਰਜ਼ਾ ਚੁੱਕਣ ਦੀ ਸਲਾਹ ਹੀ ਦਿੰਦੇ ਆਏ ਹਨ। ਇਸ ਦੌਰਾਨ ਪਿਛਲੇ ਚਾਰ ਸਾਲਾਂ ਵਿੱਚ ਅਮੀਰਾਂ ਤੇ ਪਹਿਲਾਂ ਹੀ ਮੁਨਾਫੇ ਵਿੱਚ ਚੱਲ ਰਹੀਆਂ ਕਾਰਪੋਰੇਸ਼ਨਾਂ ਬਹੁਤ ਵਧੀਆ ਕਾਰਗੁਜ਼ਾਰੀ ਵਿਖਾ ਰਹੀਆਂ ਹਨ। ਜਗਮੀਤ ਸਿੰਘ ਨੇ ਆਖਿਆ ਕਿ ਜਿਵੇਂ ਲਿਬਰਲ ਹਰ ਵਾਰੀ ਚੋਣਾਂ ਵਿੱਚ ਕੈਨੇਡੀਅਨਾਂ ਨੂੰ ਡਰਾ ਕੇ ਘੱਟ ਉੱਤੇ ਸਮਝੌਤਾ ਕਰਨ ਲਈ ਆਖਦੇ ਰਹੇ ਹਨ ਇਸ ਵਾਰੀ ਵੀ ਟਰੂਡੋ ਉਹੀ ਦਾਅਪੇਚ ਅਪਣਾ ਰਹੇ ਹਨ। ਪਰ ਐਨਡੀਪੀ ਜਾਣਦੀ ਹੈ ਕਿ ਤੁਸੀਂ ਕਿਤੇ ਵੱਧ ਬਿਹਤਰੀਨ ਦੇ ਹੱਕਦਾਰ ਹੋਂ। ਪਰਿਵਾਰ ਸੰਘਰਸ਼ ਕਰ ਰਹੇ ਹਨ ਤੇ ਉਨ੍ਹਾਂ ਨੂੰ ਹੁਣ ਮਦਦ ਦੀ ਲੋੜ ਹੈ। ਜਗਮੀਤ ਸਿੰਘ ਨੇ ਆਖਿਆ ਕਿ ਜਿ਼ੰਦਗੀ ਨੂੰ ਹੋਰ ਬਿਹਤਰ ਬਣਾਉਣ ਲਈ ਸਾਡੇ ਕੋਲ ਵਧੀਆ ਯੋਜਨਾ ਹੈ, ਅਸੀਂ ਹੈਲਥ ਕੇਅਰ ਨੂੰ ਮਜ਼ਬੂਤ ਕਰ ਸਕਦੇ ਹਾਂ ਤੇ ਕਲਾਈਮੇਟ ਸੰਕਟ ਨਾਲ ਨਜਿੱਠ ਸਕਦੇ ਹਾਂ। ਐਨਡੀਪੀ ਤੁਹਾਡੇ ਲਈ ਲੜੇਗੀ।

 

 

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਬਰੈਂਪਟਨ ਵਿੱਚ ਮ੍ਰਿਤਕ ਪਾਈ ਗਈ ਟੋਰਾਂਟੋ ਦੀ ਮਹਿਲਾ ਦੇ ਪਹਿਲੇ ਪਤੀ ਖਿਲਾਫ ਵਾਰੰਟ ਜਾਰੀ
ਅਮਰੀਕੀ ਸੈਨੇਟ ਵੱਲੋਂ ਨੌਰਥ ਅਮੈਰੀਕਨ ਫਰੀ ਟਰੇਡ ਅਗਰੀਮੈਂਟ ਪਾਸ
ਸੁਪਰੀਮ ਕੋਰਟ ਵੱਲੋਂ ਟਰਾਂਸ ਮਾਊਨਟੇਨ ਬਾਰੇ ਬੀਸੀ ਦੀ ਅਪੀਲ ਖਾਰਜ
ਜਹਾਜ਼ ਹਾਦਸੇ ਦੇ ਸਬੰਧ ਵਿੱਚ ਮੀਟਿੰਗ ਵਿੱਚ ਹਿੱਸਾ ਲੈਣ ਲਈ ਵਿਦੇਸ਼ ਮੰਤਰੀ ਲੰਡਨ ਪਹੁੰਚੇ
ਹੜਤਾਲਾਂ ਤੋਂ ਪ੍ਰੇਸ਼ਾਨ ਮਾਪਿਆਂ ਨੂੰ 60 ਡਾਲਰ ਰੋਜ਼ਾਨਾ ਦੇਵੇਗੀ ਓਨਟਾਰੀਓ ਸਰਕਾਰ?
ਡੱਗ ਫੋਰਡ ਦੇ ਕੰਜ਼ਰਵੇਟਿਵਾਂ ਨਾਲੋਂ ਅੱਗੇ ਚੱਲ ਰਹੇ ਹਨ ਲਿਬਰਲ : ਸਰਵੇਖਣ
ਕੰਜ਼ਰਵੇਟਿਵ ਫੰਡਰੇਜਿ਼ੰਗ ਬੋਰਡ ਤੋਂ ਹਾਰਪਰ ਨੇ ਦਿੱਤਾ ਅਸਤੀਫਾ
ਕੰਜ਼ਰਵੇਟਿਵ ਲੀਡਰਸਿ਼ਪ ਦੌੜ ਵਿੱਚ ਹਿੱਸਾ ਲੈਣਗੇ ਪੀਟਰ ਮੈਕੇਅ
ਸਕਾਰਬੌਰੋ ਦੇ ਅੱਗ ਨਾਲ ਘਿਰੇ ਘਰ ਵਿੱਚੋਂ ਮਿਲੀ ਔਰਤ ਦਾ ਕੀਤਾ ਗਿਆ ਸੀ ਕਤਲ
ਜਹਾਜ਼ ਹਾਦਸੇ ਦੇ ਸਬੰਧ ਵਿੱਚ ਇਰਾਨ ਨੇ ਬੋਲਿਆ ਝੂਠ : ਰੂਹਾਨੀ