ਨਵੀਂ ਦਿੱਲੀ, 12 ਅਕਤੂਬਰ (ਪੋਸਟ ਬਿਊਰੋ)- ਸੀ ਬੀ ਆਈ ਨੇ ਦਿੱਲੀ ਦੀ ਇੱਕ ਅਦਾਲਤ ਨੂੰ ਦੱਸਿਆ ਹੈ ਕਿ ਉਨਾਵ ਦੀ ਪੀੜਤ ਲੜਕੀ ਨੂੰ 2017 ਵਿੱਚ ਅਗਵਾ ਕਰਨ ਤੋਂ ਬਾਅਦ ਤਿੰਨ ਲੋਕਾਂ ਨੇ ਵੱਖ-ਵੱਖ ਥਾਵਾਂ 'ਤੇ ਨੌੌ ਦਿਨਾਂ ਤੱਕ ਉਸ ਨਾਲ ਬਲਾਤਕਾਰ ਕੀਤਾ, ਓਦੋਂ ਉਹ ਨਾਬਾਲਿਗਾ ਸੀ। ਇਹ ਮਾਮਲਾ ਭਾਜਪਾ ਵਿੱਚੋਂ ਕੱਢੇ ਗਏ ਵਿਧਾਇਕ ਕੁਲਦੀਪ ਸਿੰਘ ਸੇਂਗਰ ਵੱਲੋਂ 2017 ਵਿੱਚ ਔਰਤ ਨਾਲ ਬਲਾਤਕਾਰਦੇ ਕੇਸ ਤੋਂ ਵੱਖ ਹੈ।
ਅਦਾਲਤੀ ਕਾਰਵਾਈ ਮੌਕੇ ਜ਼ਿਲਾ ਮੈਜਿਸਟ੍ਰਟ ਧਰਮੇਸ਼ ਸ਼ਰਮਾ ਨੇ ਸਮੂਹਿਕ ਬਲਾਤਕਾਰਕੇਸ ਵਿੱਚ ਸੀ ਬੀ ਆਈ ਵੱਲੋਂ ਦਾਖਲ ਦੋਸ਼-ਪੱਤਰ ਦਾ ਸਖਤ ਨੋਟਿਸ ਲਿਆ ਅਤੇ ਕੇਸ ਦੀ ਅਗਲੀ ਸੁਣਵਾਈ ਲਈ 15 ਅਕਤੂਬਰ ਦੀ ਤਰੀਕ ਤੈਅ ਕੀਤੀ।ਸੀ ਬੀ ਆਈ ਨੇ ਆਪਣੇ ਦੋਸ਼-ਪੱਤਰ ਵਿੱਚ ਦੋਸ਼ੀਆਂ ਵਜੋਂ ਤਿੰਨ ਜਣਿਆਂ ਨਰੇਸ਼ ਤਿਵਾੜੀ, ਬ੍ਰਿਜੇਸ਼ ਯਾਦਵ ਅਤੇ ਸ਼ੁਭਮ ਸਿੰਘ ਨੂੰ ਨਾਮਜ਼ਦ ਕੀਤਾ ਹੈ। ਉਨਾਵ ਵਿੱਚ ਇੱਕ ਜੁਡੀਸ਼ਲ ਮੈਜਿਸਟ੍ਰੇਟ ਕੋਲ ਦਰਜ ਹੋਏ ਪੀੜਤਾ ਦੇ ਬਿਆਨ ਦੇ ਹਵਾਲੇ ਨਾਲ ਸੀ ਬੀ ਆਈ ਨੇ ਕਿਹਾ ਕਿ 11 ਜੂਨ 2017 ਉਹ ਪਾਣੀ ਲੈਣ ਆਪਣੇ ਘਰੋਂ ਬਾਹਰ ਨਿਕਲੀ ਤਾਂ ਸ਼ੁਭਮ ਸਿੰਘ ਅਤੇ ਤਿਵਾੜੀ ਨੇ ਤਿੰਨ ਹੋਰ ਲੋਕਾਂ ਨਾਲ ਮਿਲ ਕੇ ਉਸ ਨੂੰ ਕਾਰ ਵਿੱਚ ਖਿੱਚ ਲਿਆ ਅਤੇ ਕੁਝ ਦੂਰ ਜਾਣ ਤੋਂ ਬਾਅਦ ਸਿੰਘ ਅਤੇ ਤਿਵਾੜੀ ਨੇ ਕਾਰ ਵਿੱਚ ਉਸ ਨਾਲ ਬਲਾਤਕਾਰ ਕੀਤਾ। ਇਸ ਪਿੱਛੋਂ ਉਸ ਨੂੰ ਕਾਨਪੁਰ ਦੇ ਰਸਤੇ ਉੱਤੇ ਇੱਕ ਮਕਾਨ ਵਿੱਚ ਲਿਜਾਇਆ ਗਿਆ ਜਿਥੇ ਚਿਹਰਾ ਢੱਕੇ ਹੋਏ ਦੋ ਅਣਪਛਾਤੇ ਲੋਕਾਂ ਨੇ ਉਸ ਨਾਲ ਬਲਾਤਕਾਰ ਕੀਤਾ। ਦੋ-ਤਿੰਨ ਦਿਨ ਬਾਅਦ ਉਸ ਨੂੰ ਯਾਦਵ ਦੇ ਘਰ ਲਿਜਾਇਆ ਗਿਆ, ਜਿਥੇ ਉਸ ਨਾਲ ਬਲਾਤਕਾਰ ਕੀਤਾ ਗਿਆ। ਇਸ ਤੋਂ ਦੋ ਦਿਨਾਂ ਬਾਅਦ ਉਸ ਨੂੰ ਉੱਤਰ ਪ੍ਰਦੇਸ਼ ਦੇ ਓਰਈਆ ਜ਼ਿਲ੍ਹੇੇ ਵਿੱਚ ਲਿਜਾਇਆ ਗਿਆ, ਜਿਥੇ ਉਹ ਪੁਲਸ ਨੂੰ ਮਿਲੀ ਸੀ।