Welcome to Canadian Punjabi Post
Follow us on

12

July 2025
 
ਕੈਨੇਡਾ

ਸ਼ੀਅਰ ਕੰਜ਼ਰਵੇਟਿਵ ਕੈਂਪੇਨ ਨੂੰ ਕਿਊਬਿਕ ਦੀ ਸਰਹੱਦ ਤੱਕ ਲਿਜਾਣਗੇ

October 09, 2019 05:51 PM

ਓਟਵਾ, 9 ਅਕਤੂਬਰ (ਪੋਸਟ ਬਿਊਰੋ) : ਕੰਜ਼ਰਵੇਟਿਵ ਇਹ ਨਹੀਂ ਆਖ ਰਹੇ ਕਿ ਉਹ ਆਪਣੀ ਫੈਡਰਲ ਕੈਂਪੇਨ ਦੌਰਾਨ ਇਮੀਗ੍ਰੇਸ਼ਨ ਤੇ ਸਰਹੱਦ ਦਾ ਮਸਲਾ ਉਠਾ ਰਹੇ ਹਨ। ਪਰ ਕੰਜ਼ਰਵੇਟਿਵ ਆਗੂ ਐਂਡਰਿਊ ਸ਼ੀਅਰ ਵੱਲੋਂ ਪੱਤਰਕਾਰਾਂ ਨੂੰ ਅਜਿਹੇ ਫੀਲਡ ਟਰਿੱਪ ਲਈ ਇੱਕਠਾ ਕੀਤਾ ਜਾ ਰਿਹਾ ਹੈ ਜਿਹੜਾ ਕਿਊਬਿਕ ਵਿੱਚ ਉਸ ਥਾਂ ਤੋਂ ਕੁੱਝ ਕਿਲੋਮੀਟਰ ਦੀ ਦੂਰੀ ਉੱਤੇ ਹੀ ਹੈ ਜਿੱਥੋਂ ਹਜ਼ਾਰਾਂ ਦੀ ਗਿਣਤੀ ਵਿੱਚ ਮਾਈਗ੍ਰੈਂਟਸ ਕੈਨੇਡਾ ਦਾਖਲ ਹੋਏ।
ਉਨ੍ਹਾਂ ਦਾ ਚੋਣ ਦੌਰਾ ਹੈਮਿੰਗਫੋਰਡ, ਕਿਊਬਿਕ ਦੀ ਉਸ ਹੱਦ ਤੱਕ ਜਾ ਰਿਹਾ ਹੈ ਜਿਹੜੀ ਅਮਰੀਕਾ ਦੇ ਨਾਲ ਲੱਗਦੀ ਹੈ, ਜਿੱਥੇ ਕੈਨੇਡਾ ਵਾਲੇ ਪਾਸੇ ਦੀ ਰੌਗਜ਼ਮ ਰੋਡ ਅਮਰੀਕਾ ਵਾਲੇ ਪਾਸੇ ਦੀ ਸੜਕ ਤੋਂ ਕੁੱਝ ਮੀਟਰ ਦੀ ਦੂਰੀ ਉੱਤੇ ਵੱਖ ਹੁੰਦੀ ਹੈ। ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਪਿਛਲੇ ਦੋ ਸਾਲਾਂ ਵਿੱਚ ਲੱਗਭਗ 50,000 ਵਿਅਕਤੀ ਉੱਥੋਂ ਕੈਨੇਡਾ ਵਿੱਚ ਦਾਖਲ ਹੋਏ। ਕੈਨੇਡਾ ਆਉਣ ਤੋਂ ਬਾਅਦ ਬਹੁਤੇ ਮਾਈਗ੍ਰੈਂਟਸ ਵੱਲੋਂ ਪਨਾਹ ਲਈ ਦਾਅਵੇ ਕੀਤੇ ਗਏ।
ਪਰ ਕਾਨੂੰਨ ਦੇ ਇੱਕ ਮੋੜ ਨਾਲ ਹੀ ਹੋ ਸਕਦਾ ਹੈ ਕਿ ਉਨ੍ਹਾਂ ਮਾਈਗ੍ਰੈਂਟਸ, ਜਿਹੜੇ ਪਨਾਹ ਲੈਣ ਲਈ ਦਾਅਵੇ ਕਰ ਰਹੇ ਹਨ, ਨੂੰ ਅਮਰੀਕਾ ਪਰਤਣਾ ਪਵੇ। ਕੰਜ਼ਰਵੇਟਿਵ ਆਗੂਆਂ ਦਾ ਤਰਕ ਹੈ ਕਿ ਜਸਟਿਨ ਟਰੂਡੋ ਦੀ ਅਗਵਾਈ ਵਿੱਚ ਲਿਬਰਲਾਂ ਨੂੰ ਇਸ ਲਾਂਘੇ ਉੱਤੇ ਕੋਈ ਰੋਕ ਲਾਉਣੀ ਚਾਹੀਦੀ ਸੀ। ਹਾਲਾਂਕਿ ਸਰਹੱਦ ਨੂੰ ਮਜ਼ਬੂਤ ਬਣਾਏ ਬਿਨਾਂ ਇਹ ਸਪਸ਼ਟ ਨਹੀਂ ਹੈ ਕਿ ਇਹ ਸੰਭਵ ਕਿਸ ਤਰ੍ਹਾਂ ਹੈ।
ਇਸ ਦੌਰਾਨ, ਟਰੂਡੋ ਸਵੇਰੇ ਟੋਰਾਂਟੋ ਦੇ ਉੱਤਰਪੂਰਬ ਵਿੱਚ ਮਾਰਖਮ ਵਿੱਚ ਰੁਕਣਗੇ, ਜਿੱਥੇ ਲਿਬਰਲਾਂ ਨੂੰ ਕੁੱਝ ਕੁ ਸਬਅਰਬਨ ਸੀਟਾਂ ਹੱਥ ਲੱਗਣ ਦੀ ਆਸ ਹੈ। ਇਸ ਦੌਰਾਨ ਐਨਡੀਪੀ ਆਗੂ ਜਗਮੀਤ ਸਿੰਘ ਮਾਂਟਰੀਅਲ ਵਿੱਚ ਕੈਨੇਡੀਅਨ ਯੂਨੀਅਨ ਆਫ ਪਬਲਿਕ ਇੰਪਲਾਈਜ਼ ਦੇ ਇਜਲਾਸ ਨੂੰ ਸੰਬੋਧਨ ਕਰਨਗੇ। ਗ੍ਰੀਨ ਆਗੂ ਐਲਿਜ਼ਾਬੈੱਥ ਮੇਅ ਵੀ ਮਾਂਟਰੀਅਲ ਵਿੱਚ ਹੀ ਹੈ। ਇੱਥੇ ਉਹ ਗ੍ਰੀਨ ਪਾਰਟੀ ਦੇ ਡਿਪਟੀ ਆਗੂ ਡੈਨੀਅਲ ਗ੍ਰੀਨ ਦੇ ਨਾਲ ਕਿਊਬਿਕ ਕਲਚਰ ਦੇ ਨਾਲ ਨਾਲ ਕਿਫਾਇਤੀ ਘਰਾਂ ਸਬੰਧੀ ਐਲਾਨ ਕਰੇਗੀ।

 

 
Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਟਰੰਪ ਨੇ ਕੈਨੇਡਾ 'ਤੇ ਲਗਾਇਆ 35% ਟੈਰਿਫ ਬੀ.ਸੀ. ਦੀ ਫਰੇਜ਼ਰ ਨਦੀ ਵਿੱਚ ਫੜ੍ਹੀ ਗਈ ਹੁਣ ਤੱਕ ਦੀ ਸਭ ਤੋਂ ਵੱਡੀ ਮੱਛੀ ਕਿਊਬੈਕ ਦੇ ਇੱਕ ਵਿਅਕਤੀ 'ਤੇ ਅਮਰੀਕੀ ਬਜ਼ੁਰਗਾਂ ਨਾਲ ਧੋਖਾਧੜੀ ਕਰਨ ਦੇ ਲੱਗੇ ਦੋਸ਼ ਪਾਰਲੀਮੈਂਟ ਹਿੱਲ ਕਲੋਨੀ ਦੀ ਆਖਰੀ ਬਚੀ ਬਿੱਲੀ ਕੋਲਾ ਦਾ ਦੇਹਾਂਤ ਮਿਸੀਸਾਗਾ ਦੇ ਇੱਕ ਵਿਅਕਤੀ `ਤੇ ਕਸਟਡੀ ਦੌਰਾਨ ਡਿਵੀਜ਼ਨਲ ਸੈੱਲ ਬਲਾਕ ਨੂੰ ਨੁਕਸਾਨ ਪਹੁੰਚਾਉਣ ਦੇ ਲੱਗੇ ਦੋਸ਼ ਸੀਏਐੱਫ ਦੇ ਦੋ ਸਰਗਰਮ ਮੈਂਬਰਾਂ ਸਣੇ ਚਾਰ `ਤੇ ਮਿਲੀਸ਼ੀਆ ਬਣਾਉਣ ਦੀ ਸਾਜਿ਼ਸ਼ ਰਚਣ ਦੇ ਲੱਗੇ ਦੋਸ਼ ਅਲਮੋਂਟੇ `ਚ ਔਰਤ `ਤੇ ਡਿੱਗਾ ਦਰੱਖਤ, ਗੰਭੀਰ ਜ਼ਖ਼ਮੀ ਐਮਰਜੈਂਸੀ ਮੈਡੀਸਨ ਦੇ ਮੁਖੀ ਨੇ ਅਲਬਰਟਾ ਦੇ ਪ੍ਰੀਮੀਅਰ ਨੂੰ ਨਾਲ ਸਿ਼ਫਟ 'ਤੇ ਆਉਣ ਦੀ ਦਿੱਤੀ ਚੁਣੌਤੀ ਪ੍ਰਧਾਨ ਮੰਤਰੀ ਕਾਰਨੀ ਦੀ ਕੈਬਨਿਟ ਬਜਟ ਤੋਂ ਪਹਿਲਾਂ ਜਨਤਕ ਖਰਚੇ ਦੀ ਕਰੇਗੀ ਸਮੀਖਿਆ ਅਮਰੀਕੀ ਇਮੀਗ੍ਰੇਸ਼ਨ ਅਧਿਕਾਰੀਆਂ ਨੇ ਟਰੰਪ-ਸਮਰਥਕ ਅਮਰੀਕੀ ਪਤੀ ਨਾਲ ਕੈਨੇਡੀਅਨ ਔਰਤ ਨੂੰ ਲਿਆ ਹਿਰਾਸਤ `ਚ