ਤਹਿਰਾਨ, 8 ਅਕਤੂਬਰ (ਪੋਸਟ ਬਿਊਰੋ)- ਈਰਾਨ ਵਿੱਚ ਆਪਣੀ ਕਾਸਮੈਟਿਕ ਸਰਜਰੀ ਦੇ ਜ਼ਰੀਏ ਵਾਰ-ਵਾਰ ਆਪਣਾ ਚਿਹਰਾ ਬਦਲਣ ਵਾਲੀ ਇੰਸਟਾਗ੍ਰਾਮ ਸੈਲੀਬ੍ਰਿਟੀ ਸਹਰ ਤਬਾਰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਸਹਰ ਨੂੰ ਤਹਿਰਾਨ ਦੀ ਕੋਰਟ ਦੇ ਹੁਕਮ ਦੇ ਬਾਅਦ ਹਿਰਾਸਤ ਵਿੱਚ ਲਿਆ ਗਿਆ, ਜੋ ਸੱਭਿਆਚਾਰਕ ਅਪਰਾਧਾਂ ਅਤੇ ਸਮਾਜਕ-ਨੈਤਿਕ ਭਿ੍ਰਸ਼ਟਾਚਾਰ ਦੀ ਨਿਗਰਾਨੀ ਕਰਦੀ ਹੈ। ਇਸ ਇੰਸਟਾਗ੍ਰਾਮ ਸਟਾਰ ਦੇ ਖਿਲਾਫ ਧਰਮ ਨਿੰਦਾ, ਹਿੰਸਾ ਭੜਕਾਉਣ, ਨਾਜਾਇਜ਼ ਤਰੀਕੇ ਨਾਲ ਕਮਾਈ ਕਰਨ ਤੇ ਨੌਜਵਾਨਾਂ ਨੂੰ ਭਿ੍ਰਸ਼ਟ ਕਰਨ ਦਾ ਦੋਸ਼ ਲੱਗਾ ਹੈ। ਸਹਰ ਉਸ ਵਕਤ ਇੰਸਟਾਗ੍ਰਾਮ 'ਤੇ ਚਰਚਾ ਵਿੱਚ ਆਈ ਸੀ, ਜਦ ਉਸ ਨੇ ਆਪਣੀ ਪਲਾਸਟਿਕ ਸਰਜਰੀ ਦੇ ਬਾਅਦ ਦੀਆਂ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ, ਜਿਸ ਵਿੱਚ ਉਹ ਬਿਲਕੁਲ ਬਦਲੀ ਹੋਈ ਨਜ਼ਰ ਆ ਰਹੀ ਸੀ।
ਇੰਸਟਾ ਉੱਤੇ ਸਹਰ ਦੇ 26,800 ਫਾਲੋਅਰਜ਼ ਹਨ। ਉਸ ਦੀ ਹਰ ਤਸਵੀਰ ਅਤੇ ਵੀਡੀਓ ਕਾਫੀ ਜ਼ਿਆਦਾ ਐਡੀਡੇਟ ਹੁੰਦੇ ਹਨ ਤਾਂ ਕਿ ਉਹ ਹਾਲੀਵੁੱਡ ਸਟਾਰ ਐਂਜਲੀਨਾ ਜੌਲੀ ਵਰਗੀ ਲੱਗ ਸਕੇ। ਕਈ ਵਾਰ ਉਸ ਦੀਆਂ ਤਸਵੀਰਾਂ ਦੇਖ ਕੇ ਯਕੀਨ ਹੀ ਨਹੀਂ ਹੁੰਦਾ ਕਿ ਇਹ ਉਸ ਦਾ ਅਸਲੀ ਚਿਹਰਾ ਹੈ।