ਚੰਡੀਗੜ੍ਹ, 15 ਜੁਲਾਈ (ਪੋਸਟ ਬਿਊਰੋ): ਅੱਜ ਚੰਡੀਗੜ੍ਹ 'ਚ ਸਵ. ਪੰਜਾਬੀ ਗਾਇਕ ਸੁਰਿੰਦਰ ਸਿੰ਼ਦਾ ਨੂੰ ਸ਼ਰਧਾਂਜਲੀ ਭੇਟ ਕਰਦੇ ਗੀਤ 'ਕਿੱਥੇ ਤੂਰ ਗਿਆ ਯਾਰਾ' ਦਾ ਪੋਸਟਰ ਰਿਲੀਜ਼ ਕੀਤਾ ਗਿਆ। ਇਸ ਗੀਤ ਨੂੰ ਹਰਪ੍ਰੀਤ ਸਿੰਘ ਸੇਖੋਂ ਨੇ ਲਿਖਿਆ ਹੈ। ਵੀਡੀਓ ਦੇ ਨਿਰਦੇਸ਼ਕ ਬੌਬੀ ਬਾਜਵਾ ਹਨ, ਜਿਸ ਨੂੰ ਤਲਵਿੰਦਰ ਸਿੰਘ ਨਾਗਰਾ ਨੇ ਤਿਆਰ ਕੀਤਾ ਹੈ ਅਤੇ ਸੰਗੀਤ ਗੁਰਮੀਤ ਸਿੰਘ ਨੇ ਦਿੱਤਾ ਹੈ। ਸੁਰਿੰਦਰ ਸਿ਼ੰਦਾ ਨੇ ਜੱਟ ਜਿਉਣਾ ਮੋੜ, ਪੁੱਤ ਜੱਟਾਂ ਦੇ ਤੇ ਯਾਰਾਂ ਟਰੱਕ ਬੱਲੀਏ ਵਰਗੇ ਗੀਤ ਗਾਏ ਹਨ, ਜਿਸ ਲਈ ਉਹ ਦੁਨੀਆਂ ਭਰ ਵਿੱਚ ਮਸ਼ਹੂਰ ਹਨ।
ਪੋਸਟਰ ਲਾਂਚ ਕਰਨ ਮੌਕੇ ਜਾਣਕਾਰੀ ਦਿੰਦਿਆਂ ਟੀਮ ਨੇ ਦੱਸਿਆ ਕਿ ਇਸ ਗੀਤ ਦਾ ਫਿਲਮਾਂਕਣ ਫਤਿਹਗੜ੍ਹ ਸਾਹਿਬ ਸਥਿਤ ਫਿ਼ਲਮ ਸਿਟੀ ਵਿੱਚ ਕੀਤਾ ਗਿਆ ਹੈ। ਇਸ ਗੀਤ ਵਿੱਚ ਗਾਇਕ ਸੁਰਿੰਦਰ ਸਿ਼ਦਾ ਦੇ ਕਈ ਭਾਵੁਕ ਪਲ ਦਿਖਾਏ ਗਏ ਹਨ। ਇਹ ਗੀਤ 26 ਜੁਲਾਈ ਨੂੰ ਲਾਂਚ ਹੋਵੇਗਾ। ਇਸ ਨੂੰ ਆਨਲਾਈਨ ਪਲੇਟਫਾਰਮ 'ਤੇ ਵੀ ਦੇਖਿਆ ਜਾ ਸਕੇਗਾ।ਇਸ ਮੌਕੇ ਬਾਬੂ ਸਿੰਘ ਮਾਨ ਅਤੇ ਹੰਸ ਰਾਜ ਹੰਸ ਵੀ ਮੌਜੂਦ ਸਨ।