ਓਟਵਾ, 30 ਜੂਨ (ਪੋਸਟ ਬਿਊਰੋ): ਹਰ ਕੈਨੇਡੀਅਨ ਰਾਜ ਵਲੋਂ ਇਹ ਭਰੋਸਾ ਦਿੱਤੇ ਜਾਣ ਦੇ ਬਾਵਜੂਦ ਕਿ ਉਹ ਫੈਡਰਲ ਸਰਕਾਰ ਨਾਲ ਆਪਣੇ ਇੰਮੀਗ੍ਰੇਸ਼ਨ ਹਿਰਾਸਤ ਸਮਝੌਤਿਆਂ ਨੂੰ ਖ਼ਤਮ ਕਰ ਰਹੇ ਹਨ, ਓਂਟਾਰੀਓ ਅਤੇ ਕਿਊਬਕ ਹੁਣ ਫੈਡਰਲ ਸਰਕਾਰ ਦੀ ਬੇਨਤੀ `ਤੇ ਪਿੱਛੇ ਹਟਦੇ ਦਿਸ ਰਹੇ ਹਨ।
ਓਂਟਾਰੀਓ ਸਰਕਾਰ ਨੇ ਕਿਹਾ ਸੀ ਕਿ 15 ਜੂਨ ਤੋਂ ਉਹ ਕੈਨੇਡਾ ਬਾਰਡਰ ਸਰਵਿਸ ਏਜੰਸੀ (ਸੀਬੀਐੱਸਏ) ਵਲੋਂ ਆਪਣੀਆਂ ਰਾਜਸੀ ਜੇਲਾਂ ਵਿੱਚ ਪ੍ਰਵਾਸੀਆਂ ਨੂੰ ਕੈਦ ਕਰਨ ਤੋਂਂ ਇਨਕਾਰ ਕਰ ਦੇਵੇਗੀ।
ਹਾਲਾਂਕਿ, ਰੇਡੀਓ-ਕੈਨੇਡਾ ਨੂੰ ਅਨੁਸਾਰ ਪ੍ਰਸ਼ਾਸਨਕੀ ਕਾਰਨਾਂ ਨਾਲ ਹਿਰਾਸਤ ਵਿੱਚ ਲਏ ਗਏ ਪਰਵਾਸੀ ਉਸ ਰਾਜ ਵਿੱਚ ਸਲਾਖਾਂ ਪਿੱਛੇ ਰਹਿੰਦੇ ਹਨ ਅਤੇ ਕੁੱਝ ਸਮੇਂ ਤੱਕ ਰਹਿ ਸਕਦੇ ਹਨ।
ਓਂਟਾਰੀਓ ਦੇ ਸਾਲਿਸਿਟਰ ਜਨਰਲ ਮੰਤਰਾਲਾ ਦੇ ਬੁਲਾਰੇ ਨੇ ਪੁਸ਼ਟੀ ਕੀਤੀ, ਕੈਨੇਡਾ ਸਰਕਾਰ ਦੀ ਬੇਨਤੀ ਤੋਂ ਬਾਅਦ, ਇੰਮੀਗ੍ਰੇਸ਼ਦਨ ਹਿਰਾਸਤ ਸਮਝੌਤੇ ਨੂੰ 45 ਦਿਨਾਂ ਲਈ ਵਧਾ ਦਿੱਤਾ ਗਿਆ।
ਬੁਲਾਰੇ ਅਨੁਸਾਰ, ਇਹ ਵਿਸਥਾਰ 31 ਜੁਲਾਈ, 2024 ਨੂੰ ਖ਼ਤਮ ਹੋ ਜਾਵੇਗਾ, ਪਰ ਸੀਬੀਐੱਸਏ ਨੇ ਸਟੀਕ ਸਮਾਂ ਸੀਮਾ ਦੀ ਪੁਸ਼ਟੀ ਨਹੀਂ ਕੀਤੀ ਹੈ ਅਤੇ ਕਿਹਾ ਹੈ ਕਿ ਓਂਟਾਰੀਓ ਅਤੇ ਕਿਊਬਕ ਨਾਲ ਚਰਚਾ ਜਾਰੀ ਹੈ।