ਸ੍ਰੀਨਗਰ, 21 ਅਪ੍ਰੈਲ (ਪੋਸਟ ਬਿਊਰੋ): ਜੰਮੂ-ਕਸ਼ਮੀਰ ਪੁਲਿਸ ਨੇ ਪੁੰਛ ਜਿ਼ਲ੍ਹੇ ਦੇ ਹਰੀ ਬੁੱਧ ਇਲਾਕੇ ਦੇ ਇੱਕ ਸਕੂਲ ਤੋਂ ਅੱਤਵਾਦੀ ਦੇ ਸਹਾਇਕ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਸ ਨੇ ਐਤਵਾਰ (21 ਅਪ੍ਰੈਲ) ਨੂੰ ਦੱਸਿਆ ਕਿ ਅੱਤਵਾਦੀ ਦੀ ਮੱਦਦ ਕਰਨ ਵਾਲਾ ਕਮਰੂਦੀਨ ਸਕੂਲ ਦਾ ਹੈੱਡਮਾਸਟਰ ਹੈ। ਉਸ ਕੋਲੋਂ ਇਕ ਪਾਕਿਸਤਾਨੀ ਪਿਸਤੌਲ ਅਤੇ 2 ਚੀਨੀ ਗ੍ਰਨੇਡ ਬਰਾਮਦ ਹੋਏ ਹਨ।
ਪੁਲਸ ਨੇ ਦੱਸਿਆ ਕਿ ਸੂਚਨਾ ਮਿਲਣ 'ਤੇ ਸਪੈਸ਼ਲ ਆਪਰੇਸ਼ਨ ਗਰੁੱਪ ਦੇ ਸਹਿਯੋਗ ਨਾਲ ਤਲਾਸ਼ੀ ਮੁਹਿੰਮ ਚਲਾਈ ਗਈ। ਬਹੁਤ ਸਾਰੇ ਸਿਪਾਹੀ ਇਕੱਠੇ ਕਮਰੂਦੀਨ ਦੇ ਟਿਕਾਣੇ 'ਤੇ ਪਹੁੰਚ ਗਏ। ਸਾਨੂੰ ਸ਼ੱਕ ਹੈ ਕਿ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਇਲਾਕੇ ਵਿੱਚ ਅਸ਼ਾਂਤੀ ਪੈਦਾ ਕਰਨ ਦੀ ਕੋਈ ਵਿਉਂਤਬੰਦੀ ਕੀਤੀ ਜਾ ਰਹੀ ਸੀ।