ਨਵੀਂ ਦਿੱਲੀ, 29 ਅਪ੍ਰੈਲ (ਪੋਸਟ ਬਿਊਰੋ): ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦਾ ਹੈਲੀਕਾਪਟਰ ਸੋਮਵਾਰ ਨੂੰ ਬੇਗੂਸਰਾਏ ਦੇ ਜੀਡੀ ਕਾਲਜ ਤੋਂ ਉਡਾਣ ਭਰਦੇ ਸਮੇਂ ਤੇਜ਼ ਹਵਾ ਦੇ ਦਬਾਅ ਹੇਠ ਹਿੱਲ ਗਿਆ। ਹੈਲੀਕਾਪਟਰ ਨੇ ਪੱਛਮ ਵੱਲ ਪਟਨਾ ਵੱਲ ਉਡਾਣ ਭਰਨੀ ਸੀ, ਪਰ ਜਿਵੇਂ ਹੀ ਇਹ ਉੱਡਿਆ ਤਾਂ ਇਹ ਪੱਛਮ ਵੱਲ ਦੀ ਬਜਾਏ ਪੂਰਬ ਵੱਲ ਹੋ ਗਿਆ। ਇਸ ਤੋਂ ਬਾਅਦ ਹੈਲੀਕਾਪਟਰ ਉਪਰ ਉੱਡਣ ਦੀ ਥਾਂ ਕਰੀਬ ਦੋ ਫੁੱਟ ਹੇਠਾਂ ਆ ਗਿਆ ਪਰ ਪਾਇਲਟ ਨੇ ਉਸ ਨੂੰ ਕੰਟਰੋਲ ਕਰ ਲਿਆ। ਇਸ ਤੋਂ ਬਾਅਦ ਪੱਛਮ ਵੱਲ ਸਿੱਧੀ ਉਡਾਣ ਲਈ ਜਾ ਸਕੀ।