ਅਦਾਕਾਰ ਆਮਿਰ ਖਾਨ ਨੇ ਕਿਹਾ ਕਿ ਉਸ ਦੇ ਬੇਟੇ ਜੁਨੈਦ ਨੂੰ ਫਿਲਹਾਲ ਰੰਗਮੰਚ ਕਰਨ ਵਿੱਚ ਰੁਚੀ ਹੈ ਅਤੇ ਉਹ ਉਸ ਦੇ ਇਸ ਫੈਸਲੇ ਦਾ ਸਮਰਥਨ ਕਰਦਾ ਹੈ। ਜੁਨੈਦ ਆਮਿਰ ਦੀ ਸਭ ਤੋਂ ਵੱਡੀ ਸੰਤਾਨ ਹਨ ਅਤੇ ਉਸ ਦੀ ਮਾਂ ਆਮਿਰ ਦੀ ਸਾਬਕਾ ਪਤਨੀ ਰੀਨਾ ਦੱਤਾ ਹੈ। ਜੁਨੈਦ ਰਾਜਕੁਮਾਰ ਹਿਰਾਨੀ ਦੀ ਫਿਲਮ ‘ਪੀਕੇ' ਦੇ ਸਹਿ ਨਿਰਦੇਸ਼ਕ ਦੇ ਤੌਰ 'ਤੇ ਕੰਮ ਕਰ ਚੁੱਕੇ ਹੈ। ਆਮਿਰ ਖਾਨ ਨੇ ਇੱਕ ਇੰਟਰਵਿਊ ਵਿੱਚ ਕਿਹਾ ਕਿ ਫਿਲਮਾਂ ਵਿੱਚ ਕੰਮ ਕਰਨਾ ਜਾਂ ਨਾ ਕਰਨਾ ਉਸ 'ਤੇ ਨਿਰਭਰ ਕਰਦਾ ਹੈ। ਉਸ ਨੂੰ ਆਪਣਾ ਜੀਵਨ ਜਿਊਣਾ ਚਾਹੀਦਾ ਹੈ ਅਤੇ ਆਪਣੇ ਫੈਸਲੇ ਲੈਣੇ ਚਾਹੀਦੇ ਹਨ। ਮੈਂ ਉਸ ਤੋਂ ਇਹ ਅਧਿਕਾਰ ਨਹੀਂ ਲੈ ਸਕਦਾ। ਮੈਂ ਇਹ ਉਸ 'ਤੇ ਛੱਡ ਦਿੱਤਾ ਹੈ। ਉਸ ਦਾ ਝੁਕਾਅ ਨਿਸ਼ਚਿਤ ਰੂਪ ਨਾਲ ਰਚਨਾਤਮਕ ਦੁਨੀਆ ਅਤੇ ਫਿਲਮ ਨਿਰਮਾਣ ਵੱਲ ਹੈ।