ਕੋਟਕਪੂਰਾ, 28 ਜੁਲਾਈ, (ਪੋਸਟ ਬਿਊਰੋ)- ਅਕਾਲੀ-ਭਾਜਪਾ ਸਰਕਾਰ ਦੇ ਵਕਤ ਬਰਗਾੜੀ ਅਤੇ ਹੋਰ ਥਾਂਈਂ ਹੋਏ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਦੇ ਕੇਸਾਂ ਦੀ ਜਾਂਚ ਲਈ ਬਣੀ ਪਹਿਲੀ ਵਿਸ਼ੇਸ਼ ਜਾਂਚ ਟੀਮ (ਐੱਸਆਈ ਟੀ’ ਦੇ ਮੁਖੀ ਰਹਿ ਚੁੱਕੇ ਓਦੋਂ ਦੇਡੀ ਆਈ ਜੀ ਰਣਬੀਰ ਸਿੰਘ ਖੱਟੜਾ ਵੱਲੋਂ ਪਿਛਲੇ ਦਿਨੀਂ ਸ੍ਰੀ ਅਕਾਲ ਤਖਤਦੇ ਜਥੇਦਾਰ ਵੱਲੋਂਸੱਦੀ ਮੀਟਿੰਗ ਦੌਰਾਨ ਰੁਪਿੰਦਰ ਸਿੰਘ ਪੰਜਗਰਾਈਂ ਅਤੇ ਚਮਕੌਰ ਸਿੰਘ ਭਾਈਰੂਪਾ ਦੇ ਖਿਲਾਫ਼ ਕੀਤੀ ਦੂਸ਼ਣਬਾਜੀ ਦਾ ਜਵਾਬ ਦਿੰਦਿਆਂ ਰੁਪਿੰਦਰ ਸਿੰਘ ਨੇ ਦੋਸ਼ ਲਾਇਆ ਕਿ ਬੇਅਦਬੀ ਕਾਂਡ ਦੀ ਜਾਂਚ ਨੂੰ ਮਰੋੜਾ ਦੇਣ ਵਾਸਤੇਰਣਬੀਰ ਸਿੰਘ ਖੱਟੜਾਅੱਜਕੱਲ੍ਹ ਇੱਕ ਟਿਕਟ ਦੀ ਝਾਕ ਵਿੱਚ ਬਾਦਲਾਂ ਦੀ ਬੋਲੀ ਬੋਲ ਰਿਹਾ ਹੈ।
ਰੁਪਿੰਦਰ ਸਿੰਘ ਪੰਜਗਰਾਈਂ ਨੇ ਚੁਣੌਤੀ ਦਿੱਤੀ ਕਿ ਰਣਬੀਰ ਸਿੰਘ ਖੱਟੜਾ ਮੇਰੇ ਉੱਤੇਲਾਏ ਦੋਸ਼ ਸਿੱਧ ਕਰ ਦੇਵੇ ਤਾਂ ਮੈਂ ਆਪਣਾ ਸਿਰ ਕਟਵਾਉਣ ਨੂੰ ਤਿਆਰ ਹਾਂ, ਵਰਨਾ ਉਹ ਖੁਦ ਸੰਗਤ ਵੱਲੋਂ ਲੱਗਣ ਵਾਲੀ ਸਜ਼ਾ ਕਬੂਲਣ ਦੀ ਸ਼ਰਤ ਮੰਨ ਲਵੇ। ਉਨ੍ਹਾਂ ਕਿਹਾ ਕਿ ਬੱਤੀਆਂ ਵਾਲਾ ਚੌਂਕ ਕੋਟਕਪੂਰਾ ਵਿੱਚ ਪੁਲਿਸ ਵੱਲੋਂ ਕਬਜ਼ੇਵਿੱਚਲਏ ਸੀਸੀਟੀ ਵੀ ਕੈਮਰੇ ਉਦੋਂ ਵੀ ਸਨ ਅਤੇ ਅੱਜ ਵੀਲੱਗੇ ਹਨ ਤੇ ਇਕ-ਇਕ ਮਿੰਟ ਦੀ ਫੁਟੇਜ ਪੁਲਿਸ ਕੋਲ ਹੈ, ਰਣਬੀਰ ਸਿੰਘ ਖੱਟੜਾ ਨੇ ਜਾਂਚ ਅਫ਼ਸਰ ਹੁੰਦਿਆਂ ਉਹ ਫੁਟੇਜ ਆਪਣੇ ਕਬਜ਼ੇ ਵਿੱਚ ਲਈ ਸੀ, ਸਭ ਕੁਝ ਪਤਾ ਹੋਣ ਦੇ ਬਾਵਜੂਦ ਖੱਟੜਾਅੱਜ ਜਿਵੇਂ ਉਸ ਕੇਸ ਨੂੰ ਗਲਤ ਰੰਗ ਦੇਣ ਦੇ ਯਤਨ ਵਿੱਚ ਹੈ, ਇਹ ਕਿਸੇ ਗੰਭੀਰ ਸਾਜਿ਼ਸ਼ ਤੋਂ ਘੱਟ ਨਹੀਂ।ਰੁਪਿੰਦਰ ਸਿੰਘ ਨੇ ਦੱਸਿਆ ਕਿ ਬਲਰਾਜ ਸਿੰਘ ਰੋੜਾਂਵਾਲੀ ਤੇ ਬੇਅੰਤ ਸਿੰਘ ਓਦੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਖਿਲਾਰੇ ਹੋਏ ਅੰਗ ਬੜੇ ਸਤਿਕਾਰ ਨਾਲ ਲੈ ਕੇ ਗਏ ਤੇ ਸਤਿਕਾਰ ਨਾਲ ਪੁਲਿਸ ਨੇ ਉਨ੍ਹਾਂ ਤੋਂ ਲਏ ਸਨ। ਰੁਪਿੰਦਰ ਸਿੰਘ ਨੇ ਦੋਸ਼ ਲਾਇਆ ਕਿ ਡੇਰਾ ਪ੍ਰੇਮੀਆਂ ਨਾਲੋਂ ਬਾਦਲਾਂ ਦੀ ਸਾਂਝ ਟੁੱਟਣ ਕਰ ਕੇ ਰਣਬੀਰ ਸਿੰਘ ਖੱਟੜਾ ਪੰਥਕ ਵੋਟ ਬੈਂਕ ਬਾਦਲਾਂ ਦੇ ਹੱਕ ਵਿੱਚ ਕਰਨ ਦੇ ਪੈਂਤੜੇ ਖੇਡ ਰਿਹਾ ਹੈ, ਪਰ ਬੇਅਦਬੀ ਕਾਂਡ ਬਾਰੇ ਉਸ ਨੂੰ ਏਦਾਂ ਨਹੀਂ ਕਰਨ ਦਿੱਤਾ ਜਾਵੇਗਾ। ਰੁਪਿੰਦਰ ਸਿੰਘ ਨੇ ਦੁਹਰਾਇਆ ਕਿ ਉਹ ਨਾਰਕੋ ਟੈਸਟ ਸਮੇਤ ਹਰ ਤਰ੍ਹਾਂ ਦੀ ਜਾਂਚ ਵਿੱਚ ਸ਼ਾਮਲ ਹੋਣ ਲਈ ਹਮੇਸ਼ਾ ਤਿਆਰ ਰਹੇ ਹਨ,ਸ਼ਾਮਲ ਹੁੰਦੇ ਰਹੇ ਹਨ ਅਤੇ ਅੱਜ ਤੱਕ ਤਿਆਰ ਹਨ।ਇਸ ਮੌਕੇ ਸਿੱਖ ਆਗੂ ਬੇਅੰਤ ਸਿੰਘ ਨੇ ਮੀਡੀਆ ਕੋਲ ਹੈਰਾਨੀ ਪ੍ਰਗਟ ਕੀਤੀ ਕਿ ਪੁਲਿਸ ਵੱਲੋਂਲੱਗੇ ਸੀ ਸੀ ਟੀ ਵੀ ਕੈਮਰਿਆਂ ਦੀ ਮੌਜੂਦਗੀ ਵਿੱਚ ਵਾਪਰੀਆਂ ਘਟਨਾਵਾਂ ਨੂੰ ਗਲਤ ਰੰਗਤ ਦਿੱਤੀ ਜਾ ਰਹੀ ਹੈ।