* ਆਕਸੀਜਨ ਦੀ ਘਾਟ ਹੋਣ ਦੀ ਦੁਹਾਈ ਦਿੱਤੀ
* ਪੰਜਾਬ ਵਿੱਚ ਸੋਮਵਾਰ ਨੂੰ ਰਿਕਾਰਡ 157 ਮੌਤਾਂ
ਚੰਡੀਗੜ੍ਹ, 3 ਮਈ, (ਪੋਸਟ ਬਿਊਰੋ)- ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਕੇਂਦਰ ਸਰਕਾਰ ਨੂੰ ਰਾਜ ਨੂੰ ਹੋਰ ਆਕਸੀਜਨ ਟੈਂਕਰ ਦਿਵਾਉਣ ਦੀ ਅਪੀਲ ਕੀਤੀ ਹੈ, ਕਿਉਂਕਿ ਪੰਜਾਬ ਕੋਲ ਕੋਵਿਡ ਪੀੜਤ ਮਰੀਜ਼ਾਂ ਦੀਆਂ ਜਾਨਾਂ ਬਚਾਉਣ ਲਈ ਆਕਸੀਜਨ ਲਿਜਾਣ ਲਈ ਲੋੜੀਂਦੇ ਟੈਂਕਰ ਵੀ ਨਹੀਂ ਹਨ।
ਇਸ ਸੰਬੰਧ ਵਿੱਚ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਕੋਵਿਡ ਸਮੀਖਿਆ ਮੀਟਿੰਗ ਵਿਚ ਕਿਹਾ ਕਿ ਰਾਜ ਨੂੰ ਤੁਰੰਤ ਹੋਰ ਟੈਂਕਰਾਂ ਦੀ ਲੋੜ ਹੈ, ਕਿਉਂਕਿ ਇਸ ਸਮੇਂ ਰਾਜ ਕੋਲ ਸਿਰਫ 15 ਟੈਂਕਰ ਹਨ ਤੇ ਦੋ ਹੋਰ ਆਉਣ ਦੀ ਆਸ ਹੈ। ਉਨ੍ਹਾਂ ਕਿਹਾ ਕਿ ਇਹ ਗਿਣਤੀ ਦੂਸਰੇ ਰਾਜਾਂ ਤੋਂ ਆਈ ਆਕਸੀਜਨ ਸਪਲਾਈ ਨਾਲ ਨਜਿੱਠਣ ਬਹੁਤ ਘੱਟ ਹੈ।ਮੁੱਖ ਮੰਤਰੀ ਨੇ ਕਿਹਾ ਕਿ ਪੰਜਾਬ ਨੂੰ ਦੂਸਰੇ ਰਾਜਾਂ ਦੇ ਵੱਖ-ਵੱਖ ਪਲਾਂਟਾਂ ਤੋਂ 195 ਮੀਟਰਿਕ ਟਨ ਆਕਸੀਜਨ ਅਲਾਟ ਹੋਈ ਹੈ, ਪਰ ਪਿਛਲੇ 7 ਦਿਨਾਂ ਦੌਰਾਨ ਅਸਲ ਸਪਲਾਈ ਰੋਜ਼ 110-120 ਮੀਟਰਿਕ ਟਨ ਹੋਈ ਹੈ, ਜੋ ਅਸਿਥਰ ਵੀ ਹੈ। ਇਸ ਸਮੇਂ ਦੌਰਾਨ ਆਕਸੀਜਨ ਉੱਤੇਟਿਕੇ ਮਰੀਜ਼ਾਂ ਦੀ ਗਿਣਤੀ 4000 ਤੋਂ ਵਧ ਕੇ 9000 ਦੇ ਕਰੀਬ ਹੋ ਗਈ ਹੈ, ਪਰਸਪਲਾਈ ਇਸ ਦੇ ਮੁਕਾਬਲੇ ਬਹੁਤ ਘੱਟ ਹੋ ਰਹੀ ਹੈ।
ਇਸ ਦੌਰਾਨ ਕੋਰੋਨਾ ਵਾਇਸ ਦੇ ਨਾਲ ਅੱਜ ਸੋਮਵਾਰ ਨੂੰ ਪੰਜਾਬ ਵਿੱਚ 157 ਮਰੀਜ਼ਾਂ ਦੀ ਮੌਤ ਹੋ ਗਈ, ਜਦੋਂ ਕਿ ਇਸ ਦੇ 6798 ਨਵੇਂ ਕੇਸ ਮਿਲੇ ਹਨ। ਅੱਜ ਸੋਮਵਾਰ ਨੂੰਲੁਧਿਆਣਾ ਵਿੱਚ 21 ਮੌਤਾਂ ਹੋਈਆਂ, ਜਦ ਕਿਅੰਮ੍ਰਿਤਸਰ ਤੇ ਬਠਿੰਡਾ 13-13, ਮੁਹਾਲੀ 12, ਪਠਾਨਕੋਟ 11, ਪਟਿਆਲਾ 10, ਹੁਸ਼ਿਆਰਪੁਰ 9,ਮੁਕਤਸਰ ਸਾਹਿਬ ਅਤੇ ਫਾਜਿ਼ਲਕਾ 8-8, ਜਲੰਧਰ 7,ਕਪੂਰਥਲਾਤੇ ਤਰਨ ਤਾਰਨ 5-5,ਗੁਰਦਾਸਪੁਰ ਅਤੇਫਰੀਦਕੋਟ 4-4, ਬਰਨਾਲਾ 3,ਫਤਿਹਗੜ੍ਹ ਸਾਹਿਬ, ਨਵਾਂ ਸ਼ਹਿਰ ਅਤੇ ਮਾਨਸਾ 2-2, ਮੋਗਾ ਅਤੇਫਿਰੋਜ਼ਪੁਰ 1 ਮੌਤ ਹੋਈ ਹੈ।
ਭਾਰਤ ਵਿੱਚ ਬੀਤੇ 24 ਘੰਟਿਆਂ ਵਿੱਚ ਕੋਰੋਨਾ ਦੇ 3,68,147 ਨਵੇਂ ਕੇਸਮਿਲੇ ਅਤੇ 3,417 ਲੋਕਾਂ ਦੀ ਮੌਤ ਦੇ ਨਾਲ ਕੁੱਲ ਮੌਤਾਂ ਦੀ ਗਿਣਤੀ ਵਧ ਕੇ 2,18,959 ਹੋ ਗਈ ਹੈ।