ਪਟਿਆਲਾ, 8 ਮਈ (ਪੋਸਟ ਬਿਊਰੋ): ਪਟਿਆਲਾ ਦੇ ਦੇਵੀਗੜ੍ਹ ਰੋਡ 'ਤੇ ਪਿੰਡ ਪੰਜੇਟਾ 'ਚ ਬਾਥਰੂਮ 'ਚ ਰੱਖੀ ਪਾਣੀ ਦੀ ਬਾਲਟੀ 'ਚ ਡੁੱਬਣ ਨਾਲ ਦੋ ਸਾਲਾ ਮਾਸੂਮ ਬੱਚੇ ਦੀ ਮੌਤ ਹੋ ਗਈ। ਜਦੋਂ ਪਰਿਵਾਰ ਵਾਲਿਆਂ ਨੇ ਬੱਚੇ ਨੂੰ ਘਰ ਖੇਡਦਾ ਨਹੀਂ ਦੇਖਿਆ ਤਾਂ ਉਨ੍ਹਾਂ ਨੇ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਭਾਲ ਦੌਰਾਨ ਬੱਚਾ ਘਰ ਦੇ ਬਾਥਰੂਮ ਵਿੱਚ ਰੱਖੀ ਪਾਣੀ ਦੀ ਬਾਲਟੀ ਵਿੱਚ ਮੂੰਹ ਪਰਨੇ ਪਿਆ ਸੀ।
ਇਸ ਬੱਚੇ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਡਾਕਟਰਾਂ ਨੇ ਦੋ ਸਾਲਾ ਬੱਚੇ ਗੌਰਵ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਗੌਰਵ ਦੇ ਪਿਤਾ ਅਮਨਦੀਪ ਸਿੰਘ ਕਾਰ ਧੋਣ ਦਾ ਕੰਮ ਕਰਦੇ ਹਨ। ਬੱਚੇ ਦੇ ਦਾਦਾ ਗੋਪਾਲ ਸਿੰਘ ਘਰ ਵਿੱਚ ਮਿੱਟੀ ਦੇ ਭਾਂਡੇ ਤਿਆਰ ਕਰਦੇ ਸਨ। ਹਰ ਰੋਜ਼ ਦੀ ਤਰ੍ਹਾਂ ਬੀਤੀ ਸ਼ਾਮ ਗੋਪਾਲ ਸਿੰਘ ਅਤੇ ਉਸ ਦਾ ਪਰਿਵਾਰ ਵਰਾਂਡੇ ਵਿੱਚ ਮਿੱਟੀ ਦੇ ਬਰਤਨ ਤਿਆਰ ਕਰ ਰਹੇ ਸਨ। ਨੇੜੇ ਹੀ ਗੌਰਵ ਵੀ ਖੇਡ ਰਿਹਾ ਸੀ, ਜੋ ਖੇਡਦੇ ਹੋਏ ਬਾਥਰੂਮ ਵੱਲ ਚਲਿਆ ਗਿਆ। ਪਰਿਵਾਰਕ ਮੈਂਬਰਾਂ ਨੇ ਇਸ ਵੱਲ ਧਿਆਨ ਨਹੀਂ ਦਿੱਤਾ ਅਤੇ ਕੁਝ ਸਮੇਂ ਬਾਅਦ ਗੌਰਵ ਦੀ ਭਾਲ ਸ਼ੁਰੂ ਕੀਤੀ ਤਾਂ ਉਹ ਬਾਥਰੂਮ ਵਿੱਚ ਇੱਕ ਬਾਲਟੀ ਡੁੱਬਿਆ ਮਿਲਿਆ। ਪੁਲਸ ਵਲੋਂ ਜਾਂਚ ਜਾਰੀ ਹੈ।