13000 ਡਾਲਰ ਦੀ ਸ਼ਰਾਬ ਬਰਾਮਦ
ਟੋਰਾਂਟੋ, 10 ਮਈ (ਪੋਸਟ ਬਿਊਰੋ) : ਟੋਰਾਂਟੋ ਪੁਲਿਸ ਨੇ ਵੀਕੈਂਡ ਉੱਤੇ ਡਾਊਨਟਾਊਨ ਵਿੱਚ ਚੱਲ ਰਹੀ ਇੱਕ ਵੱਡੀ ਪਾਰਟੀ ਉੱਤੇ ਛਾਪਾ ਮਾਰਿਆ ਤੇ ਪ੍ਰੋਵਿੰਸ ਦੇ ਐਮਰਜੰਸੀ ਮੈਨੇਜਮੈਂਟ ਐਂਡ ਸਿਵਲ ਪ੍ਰੋਟੈਕਸ਼ਨ ਐਕਟ ਤਹਿਤ ਦੋ ਦਰਜਨ ਚਾਰਜਿਜ਼ ਲਾਏ।
ਐਤਵਾਰ ਸਵੇਰੇ 1:30 ਉੱਤੇ 52 ਡਵੀਜ਼ਨ ਦੀ ਕੋਵਿਡ-19 ਐਨਫੋਰਸਮੈਂਟ ਟੀਮ ਨੂੰ ਹੁਰੌਨ ਤੇ ਡੰਡਸ ਸਟਰੀਟ ਵੈਸਟ ਇਲਾਕੇ ਵਿੱਚ ਸਥਿਤ ਇੱਕ ਕਮਰਸ਼ੀਅਲ ਬਿਲਡਿੰਗ ਵਿੱਚ ਸੱਦਿਆ ਗਿਆ। ਗੁਆਂਢੀਆਂ ਵੱਲੋਂ ਇੱਥੇ ਉੱਚੀ ਉੱਚੀ ਮਿਊਜਿ਼ਕ ਚੱਲਣ ਦੀ ਸਿ਼ਕਾਇਤ ਕੀਤੀ ਗਈ ਸੀ।
ਮੌਕੇ ਉੱਤੇ ਪਹੁੰਚੀ ਪੁਲਿਸ ਨੇ ਪਾਇਆ ਕਿ ਇਮਾਰਤ ਵਿੱਚ 150 ਦੇ ਨੇੜੇ ਤੇੜੇ ਲੋਕ ਸਨ ਤੇ ਕਿਸੇ ਨੇ ਵੀ ਮਾਸਕ ਨਹੀਂ ਸੀ ਪਾਇਆ ਹੋਇਆ। ਕਈ ਤਾਂ ਉੱਥੋਂ ਚਲੇ ਗਏ ਪਰ ਪੁਲਿਸ 24 ਵਿਅਕਤੀਆਂ ਨੂੰ ਚਾਰਜ ਕਰਨ ਵਿੱਚ ਕਾਮਯਾਬ ਹੋ ਗਈ ਤੇ ਮੌਕੇ ਤੋਂ 13,000 ਡਾਲਰ ਦੀ ਸ਼ਰਾਬ ਵੀ ਬਰਾਮਦ ਹੋਈ।