ਨਵੀਂ ਦਿਲੀ, 2 ਦਸੰਬਰ (ਪੋਸਟ ਬਿਊਰੋ)- ਭਾਰਤ ਦੀ ਸੁਪਰੀਮ ਕੋਰਟ ਨੇ ਕੱਲ੍ਹ ਕਿਹਾ ਕਿ ਪਤੀ-ਪਤਨੀ ਦੇ ਝਗੜੇ ਵਿੱਚ ਬੱਚੇ ਦੇ ਦੇਖਭਾਲ ਦੀ ਜ਼ਿੰਮੇਵਾਰੀ ਉਸ ਦੇ ਬਾਲਗ ਹੋਣ ਤਕਪਿਤਾ ਦੀ ਹੈ। ਕੋਰਟ ਦੀ ਧਾਰਾ 142 ਹੇਠ ਫੈਮਿਲੀ ਕੋਰਟ ਵੱਲੋਂ ਪਤੀ ਅਤੇ ਪਤਨੀ ਨੂੰ ਤਲਾਕ ਦੇ ਹੁਕਮ ਦੀ ਪੁਸ਼ਟੀ ਦੀ ਆਪਣੀ ਵਿਸ਼ੇਸ਼ ਸ਼ਕਤੀ ਦੀ ਵਰਤੋਂ ਕੀਤੀ ਤੇ ਹਾਈ ਕੋਰਟ ਨੂੰ ਹੁਕਮ ਦਿੱਤਾ ਕਿ ਬੱਚੇ ਨੂੰ ਪਿਤਾ ਗੁਜ਼ਾਰੇ ਲਈ ਪੰਜਾਹ ਹਜ਼ਾਰ ਰੁਪਏ ਦਾ ਭੁਗਤਾਨ ਕਰੇ।
ਵੱਖ-ਵੱਖ ਹੋ ਚੁੱਕਾ ਜੋੜਾ ਮਈ 2011 ਤੋਂ ਇਕੱਠੇ ਨਹੀਂ ਰਹਿ ਰਿਹਾਤੇ ਇਸ ਲਈ ਇਹ ਕਿਹਾ ਜਾ ਸਕਦਾ ਹੈ ਕਿ ਉਨ੍ਹਾਂ ਦੇ ਵਿਆਹ ਨੂੰ ਬਚਾ ਸਕਣਾ ਮੁਸ਼ਕਲ ਹੈ। ਜਸਟਿਸ ਐਮ ਆਰ ਸ਼ਾਹ ਅਤੇ ਜਸਟਿਸ ਏ ਐਸ ਬੋਪੱਨਾ ਦੀ ਬੈਂਚ ਨੇ ਕਿਹਾ ਕਿ ਪਤੀ ਫੌਜੀ ਅਫਸਰ ਹੈ, ਉਸ ਨੂੰ ਆਪਣੇ ਬੇਟੇ ਦੇ ਵੱਡੇ ਹੋਣ ਤਕ ਉਸ ਦੀ ਦੇਖਭਾਲ ਦੀ ਜ਼ਿੰਮੇਵਾਰੀ ਤੋਂ ਛੋਟ ਨਹੀਂ ਮਿਲ ਸਕਦੀ। ਬੈਂਚ ਨੇ ਕਿਹਾ, ‘‘ਪਤੀ-ਪਤਨੀ ਵਿੱਚ ਚਾਹੇ ਜੋ ਵੀ ਝਗੜਾ ਹੋਵੇ, ਬੱਚੇ ਨੂੰ ਪੀੜਤ ਨਹੀਂ ਹੋਣ ਦਿੱਤਾ ਜਾ ਸਕਦਾ। ਬੱਚੇ ਦੇ ਵੱਡੇ ਹੋਣ ਤਕ ਉਸ ਦੀ ਦੇਖਭਾਲ ਦੀ ਪਿਤਾ ਦੀ ਜ਼ਿੰਮੇਵਾਰੀ ਜਾਰੀ ਰਹੇਗੀ। ਇਸ ਤੋਂ ਇਨਕਾਰ ਨਹੀ ਕੀਤਾ ਜਾ ਸਕਦਾ ਕਿ ਬੇਟੇ ਦੀ ਦੇਖਭਾਲ ਪਿਤਾ ਦੀ ਹੈਸੀਅਤ ਮੁਤਾਬਕ ਹੋਣੀ ਚਾਹੀਦੀ ਹੈ।