ਓਨਟਾਰੀਓ, 2 ਦਸੰਬਰ (ਪੋਸਟ ਬਿਊਰੋ) : ਕੌਰਨਵਾਲ, ਓਨਟਾਰੀਓ ਨੇੜੇ ਕੈਨੇਡੀਅਨ ਸਰਹੱਦ ਉੱਤੇ ਇੱਕ ਬੋਟ ਦੀ ਤਲਾਸ਼ੀ ਲਏ ਜਾਣ ਉੱਤੇ ਆਰਸੀਐਮਪੀ ਨੂੰ 59 ਗੈਰਕਾਨੂੰਨੀ ਹਥਿਆਰ ਬਰਾਮਦ ਹੋਏ। ਇਸ ਸਬੰਧ ਵਿੱਚ ਕਿਊਬਿਕ ਦੇ ਦੋ ਵਿਅਕਤੀਆਂ ਨੂੰ ਚਾਰਜ ਕੀਤਾ ਗਿਆ ਹੈ।
ਆਰਸੀਐਮਪੀ ਨੇ ਦੱਸਿਆ ਕਿ 28 ਨਵੰਬਰ ਨੂੰ ਇੰਟੇਗ੍ਰੇਟਿਡ ਆਰਸੀਐਮਪੀ ਕੌਰਨਵਾਲ ਬਾਰਡਰ ਇੰਟੇਗ੍ਰਿਟੀ ਟੀਮ ਦੇ ਮੈਂਬਰਾਂ ਨੇ ਇੱਕ ਬੋਟ ਦੇ ਸੇੱਟ ਲਾਅਰੈਂਸ ਤੇ ਮੇਡ ਲੈਂਡਫਾਲ ਪਾਰ ਕਰਨ ਤੋਂ ਬਾਅਦ ਹਥਿਆਰਾਂ ਦੀ ਸਮਗਲਿੰਗ ਸਬੰਧੀ ਜਾਂਚ ਲਾਂਚ ਕੀਤੀ।ਵੀਰਵਾਰ ਨੂੰ ਜਾਰੀ ਕੀਤੇ ਗਏ ਬਿਆਨ ਵਿੱਚ ਆਰਸੀਐਮਪੀ ਨੇ ਆਖਿਆ ਕਿ ਬੋਟ ਤੋਂ ਤਿੰਨ ਵੱਡੇ ਬੈਗ ਉਤਾਰ ਕੇ ਇੱਕ ਗੱਡੀ ਵਿੱਚ ਰੱਖੇ ਗਏ ਤੇ ਫਿਰ ਉਹ ਉੱਥੋਂ ਚਲੀ ਗਈ।
ਇਸ ਤੋਂ ਬਾਅਦ ਆਰਸੀਐਮਪੀ ਨੇ ਗੱਡੀ ਨੂੰ ਸੜਕ ਉੱਤੇ ਰੋਕਿਆ ਤੇ ਉਸ ਵਿੱਚੋਂ ਪੁਲਿਸ ਨੂੰ ਪਾਬੰਦੀਸ਼ੁਦਾ ਹਥਿਆਰ ਤੇ ਹਾਈ ਕਪੈਸਿਟੀ ਵਾਲੇ ਮੈਗਜ਼ੀਨ ਮਿਲੇ। ਜਾਂਚ ਵਿੱਚ 53 ਪਾਬੰਦੀਸੁ਼ਦਾ ਪਿਸਟਲਜ਼, ਛੇ ਪਾਬੰਦੀਸ਼ੁਦਾ ਰਾਈਫਲਜ਼ ਤੇ 110 ਮੈਗਜ਼ੀਨ ਬਰਾਮਦ ਹੋਏ। ਇਹ ਵੀ ਮੰਨਿਆ ਜਾ ਰਿਹਾ ਹੈ ਕਿ ਇਹ ਗੰਨਜ਼ ਤੇ ਹਥਿਆਰ ਮੁਜਰਮਾਨਾਂ ਨੈੱਟਵਰਕ ਤੇ ਗੰਨਜ਼ ਦੀ ਗੈਰਕਾਨੂੰਨੀ ਸਮਗਲਿੰਗ ਲਈ ਵਰਤੇ ਜਾਣੇ ਸਨ।
ਇਸ ਸਬੰਧ ਵਿੱਚ ਲਾਵਲ, ਕਿਊਬਿਕ ਦੇ 25 ਸਾਲਾ ਫਲੇਰੋਡੇਲਗਾਡੋ ਤੇ ਮਾਂਟਰੀਅਲ ਦੇ 49 ਸਾਲਾ ਵਲਾਦੀਮੀਰ ਸੁਫਰੈਂਟ ਖਿਲਾਫ ਚਾਰਜਿਜ਼ ਲਾਏ ਗਏ ਹਨ।