ਸਿਡਨੀ, 30 ਨਵੰਬਰ (ਪੋਸਟ ਬਿਊਰੋ) : ਡਰੱਗ ਨਿਰਮਾਤਾ ਕੰਪਨੀ ਮੌਡਰਨਾ ਦੇ ਹੈੱਡ ਦਾ ਕਹਿਣਾ ਹੈ ਕਿ ਕੋਵਿਡ-19 ਵੈਕਸੀਨਜ਼ ਓਮਾਈਕ੍ਰੌਨ ਵੇਰੀਐਂਟ ਉੱਤੇ ਓਨੀ ਅਸਰਦਾਰ ਨਹੀਂ ਹੈ ਜਿੰਨੀ ਕਰੋਨਾਵਾਇਰਸ ਦੇ ਪਹਿਲਾਂ ਵਾਲੇ ਵੇਰੀਐਂਟਸ ਉੱਤੇ ਸੀ। ਇਸ ਨਾਲ ਫਾਇਨਾਂਸ਼ੀਅਲ ਮਾਰਕਿਟਸ ਵਿੱਚ ਚਿੰਤਾ ਦੀ ਲਹਿਰ ਦੌੜ ਗਈ ਹੈ।
ਇੱਕ ਇੰਟਰਵਿਊ ਵਿੱਚ ਮੌਡਰਨਾ ਦੇ ਚੀਫ ਐਗਜ਼ੈਕਟਿਵ ਸਟੀਫਨ ਬੈਂਸਲ ਨੇ ਆਖਿਆ ਕਿ ਅਜੇ ਡੈਲਟਾ ਵੇਰੀਐਂਟ ਤੱਕ ਵੀ ਸਥਿਤੀ ਸੰਭਲੀ ਹੋਈ ਸੀ ਪਰ ਇਸ ਵੇਰੀਐਂਟ ਨਾਲ ਹਾਲਾਤ ਪਹਿਲਾਂ ਵਾਲੇ ਨਹੀੰ ਹਨ। ਉਨ੍ਹਾਂ ਆਖਿਆ ਕਿ ਅਜੇ ਉਹ ਪੱਕੇ ਤੌਰ ਉੱਤੇ ਕੁੱਝ ਨਹੀਂ ਆਖ ਸਕਦੇ ਤੇ ਜਦੋਂ ਤੱਕ ਡਾਟਾ ਨਹੀਂ ਆ ਜਾਂਦਾ ਉਦੋਂ ਤੱਕ ਕੁੱਝ ਆਖਿਆ ਨਹੀਂ ਜਾ ਸਕਦਾ। ਉਨ੍ਹਾਂ ਆਖਿਆ ਕਿ ਜਿੰਨੇ ਵੀ ਸਾਇੰਟਿਸਟਸ ਨਾਲ ਉਨ੍ਹਾਂ ਗੱਲ ਕੀਤੀ ਹੈ ਸੱਭ ਦੀ ਇਹੋ ਰਾਇ ਹੈ ਕਿ ਇਹ ਠੀਕ ਨਹੀਂ ਰਹਿਣ ਵਾਲਾ।
ਵੈਕਸੀਨ ਦਾ ਅਸਰ ਪਹਿਲਾਂ ਵਾਂਗ ਨਾ ਹੋਣ ਕਾਰਨ ਲੋਕ ਵਧੇਰੇ ਬਿਮਾਰ ਪੈਣਗੇ ਤੇ ਲੰਮਾਂ ਸਮਾਂ ਹਸਪਤਾਲ ਦਾਖਲ ਰਹਿਣਗੇ ਤੇ ਇਸ ਨਾਲ ਮਹਾਂਮਾਰੀ ਲੰਮਾਂ ਸਮਾਂ ਚੱਲੇਗੀ। ਉਨ੍ਹਾਂ ਦੇ ਅਜਿਹੇ ਬਿਆਨਾਂ ਦਾ ਅਸਰ ਤੇਲ, ਸਟਾਕਸ ਤੇ ਆਸਟਰੇਲੀਅਨ ਡਾਲਰ ਉੱਤੇ ਵੀ ਪਿਆ। ਉਨ੍ਹਾਂ ਆਖਿਆ ਕਿ ਇਸ ਵੇਰੀਐਂਟ ਤੇ ਭਵਿੱਖ ਵਿੱਚ ਹੋਣ ਵਾਲੀਆਂ ਮਿਊਟੇਸ਼ਨਜ਼ ਦੇ ਮੱਦੇਨਜ਼ਰ ਇਹ ਆਖਿਆ ਜਾ ਸਕਦਾ ਹੈ ਕਿ ਵੈਕਸੀਨਜ਼ ਵਿੱਚ ਵੀ ਤਬਦੀਲੀ ਕੀਤੇ ਜਾਣ ਦੀ ਲੋੜ ਹੈ।
a