ਸਿੰਗਾਪੁਰ, 28 ਨਵੰਬਰ (ਪੋਸਟ ਬਿਊਰੋ)- ਸਿੰਗਾਪੁਰ ਵਿੱਚ ਡਰੱਗ ਤਸਕਰੀ ਦੇ ਕੇਸਾਂ ਵਿੱਚ ਮੌਤ ਦੀ ਸਜ਼ਾ ਪ੍ਰਾਪਤ ਤਿੰਨ ਭਾਰਤ ਵੰਸ਼ੀਆਂ ਨੂੰ ਉਪਰਲੀ ਅਦਾਲਤ ਤੋਂ ਰਾਹਤ ਨਹੀਂ ਮਿਲੀ। ਇਨ੍ਹਾਂ ਦੀ ਮੌਤ ਦੀ ਸਜ਼ਾ ਕਾਇਮ ਰਹੀ ਹੈ।
ਭਾਰਤੀ ਮੂਲ ਦੇ ਮਲੇਸ਼ੀਆਈ 34 ਸਾਲਾ ਪੱਨੀਰਸੈਲਵਮ ਪ੍ਰਾਂਥਮਾਨ ਨੂੰ ਸਿੰਗਾਪੁਰ ਵਿੱਚ 51.84 ਗਰਾਮ ਹੈਰੋਇਨ ਰੱਖਣ ਦੇ ਮਾਮਲੇ ਵਿੱਚ 2017 ਵਿੱਚ ਦੋਸ਼ੀ ਠਹਿਰਾਇਆ ਗਿਆ ਅਤੇ ਫਾਂਸੀ ਦੀ ਸਜ਼ਾ ਹੋਈ ਸੀ। ਸਿੰਗਾਪੁਰ ਦੀ ਸੁਪਰੀਮ ਕੋਰਟ ਨੇ ਮਾਰਚ 2016 ਵਿੱਚ 1.34 ਕਿਲੋ ਗਾਂਜਾ ਤਸਕਰੀ ਦੇ ਦੋਸ਼ੀ ਠਹਿਰਾਏ ਗਏ 27 ਸਾਲਾ ਕਮਲਨਾਥਨ ਮੁਨੈਂਦੀ ਤੇ 52 ਸਾਲਾ ਚੰਦਰੂ ਸੁਬਰਮਨੀਅਮ ਦੀ ਫਾਂਸੀ ਦੀ ਸਜ਼ਾ ਵੀ ਕਾਇਮ ਰੱਖੀ ਹੈ। ਅਪੀਲੀ ਕੋਰਟ ਨੇ ਤੀਸਰੇ ਦੋਸ਼ੀ ਪ੍ਰਵੀਨ ਚੰਦਰਨ ਨੂੰ ਸੁਣਾਈ ਗਈ ਉਮਰ ਕੈਦ ਅਤੇ 15 ਬੈਂਤ ਮਾਰਨ ਦੀ ਸਜ਼ਾ ਕਾਇਮ ਰੱਖੀ ਹੈ।ਸਿੰਗਾਪੁਰ ਅਦਾਲਤ ਨੇ ਪੁਲਸ ਅਫਸਰਾਂ ਨੂੰ ਅਪਸ਼ਬਦ ਕਹਿਣ ਅਤੇ ਚੋਰੀ ਤੇ ਡਰੱਗ ਰੱਖਣ ਸਮੇਤ ਨੌਂ ਦੋਸ਼ਾਂ ਵਿੱਚ ਭਾਰਤੀ ਵੰਸ਼ੀ ਕਲੈਰੈਂਸ ਸੇਲਵਰਾਜੂ ਨੰ ਅੱਠ ਮਹੀਨੇ ਅਤੇ 17 ਹਫਤੇ ਜੇਲ੍ਹ ਤੇ 5500 ਸਿੰਗਾਪੁਰੀ ਡਾਲਰ ਦਾ ਜੁਰਮਾਨਾ ਵੀ ਕੀਤਾ ਹੈ।