ਓਟਵਾ, 26 ਨਵੰਬਰ (ਪੋਸਟ ਬਿਊਰੋ) : ਹਾਊਸ ਆਫ ਕਾਮਨਜ਼ ਵਿੱਚ ਲਿਬਰਲਾਂ ਤੇ ਐਨਡੀਪੀ ਦੀ ਬਦੌਲਤ ਹਾਈਬ੍ਰਿਡ ਫਾਰਮੈਟ ਪਾਸ ਹੋਣ ਤੋਂ ਬਾਅਦ ਇੱਕ ਵਾਰੀ ਫਿਰ ਪਾਰਲੀਆਮੈਂਟ ਮੈਂਬਰ ਹੁਣ ਘਰ ਤੋਂ ਕੰਮ ਕਰ ਸਕਣਗੇ।
ਕੰਜ਼ਰਵੇਟਿਵਾਂ ਤੇ ਬਲਾਕ ਕਿਊਬਿਕੁਆ ਦੇ ਐਮਪੀਜ਼ ਵੱਲੋਂ ਨਾਰਮਲ, ਇਨ ਪਰਸਨ ਆਪਰੇਸ਼ਨਜ਼ ਦੀ ਕਾਰਵਾਈ ਅਮਲ ਵਿੱਚ ਲਿਆਉਣ ਲਈ ਪਾਏ ਗਏ ਦਬਾਅ ਦੇ ਬਾਵਜੂਦ ਲਿਬਰਲਾਂ ਤੇ ਨਿਊ ਡੈਮਕ੍ਰੈਟਸ ਵੱਲੋਂ ਸਾਂਝੇ ਤੌਰ ਉੱਤੇ ਹਾਈਬ੍ਰਿਡ ਫਾਰਮੈਟ ਲਈ ਪੇਸ਼ ਕੀਤਾ ਗਿਆ ਮਤਾ ਪਾਸ ਕਰ ਦਿੱਤਾ ਗਿਆ।ਇਸ ਮਤੇ ਦੇ ਪਾਸ ਹੋਣ ਨਾਲ ਹੁਣ ਐਮਪੀਜ਼ ਕੋਲ ਵਰਚੂਅਲੀ ਸੰਸਦ ਦੀਆਂ ਕਾਰਵਾਈਆਂ ਵਿੱਚ ਹਿੱਸਾ ਲੈਣ ਦੀ ਖੁੱਲ੍ਹ ਹੋਵੇਗੀ।
ਸੰਸਦ ਦੀ ਕਾਰਵਾਈ ਸੁ਼ੱਕਰਵਾਰ ਤੋਂ ਸ਼ੁਰੂ ਹੋ ਕੇ ਜੂਨ ਵਿੱਚ ਹਾਉਸ ਆਫ ਕਾਮਨਜ਼ ਦੀਆਂ ਗਰਮੀ ਦੀਆਂ ਛੁੱਟੀਆਂ ਤੱਕ ਜਾਰੀ ਰਹੇਗੀ। ਇਹ ਮਤਾ ਵੀਰਵਾਰ ਦੇਰ ਨਾਲ 140 ਦੇ ਮੁਕਾਬਲੇ 180 ਵੋਟਾਂ ਨਾਲ ਪਾਸ ਹੋਇਆ। ਉਹ ਵੀ ਦੋ ਦਿਨ ਇਸ ਮੁੱਦੇ ਉੱਤੇ ਚੱਲੀ ਬਹਿਸ ਤੋਂ ਬਾਅਦ ਐਨਡੀਪੀ ਵੱਲੋਂ ਲਿਬਰਲਾਂ ਦਾ ਸਮਰਥਨ ਕੀਤੇ ਜਾਣ ਤੋਂ ਬਾਅਦ ਇਹ ਮਤਾ ਪਾਸ ਹੋਇਆ।