ਬਰਨ, 19 ਅਕਤੂਬਰ (ਪੋਸਟ ਬਿਊਰੋ)- ਦੁਨੀਆ ਦੀ ਇਸ ਸਭ ਤੋਂ ਛੋਟੀਰਿਵਾਲਵਰ ਦੀ ਕੀਮਤ ਲੱਖਾਂ ਵਿੱਚ ਹੈ, ਜਿਸ ਦਾ ਵਜ਼ਨ ਸਿਰਫ 19.8 ਗਰਾਮ ਹੈ ਅਤੇ ਇਹ ਹੱਥ ਨਾਲ ਫੜਨ ਲਈ ਕਾਫੀ ਛੋਟੀ ਹੈ, ਪਰ ਇਹ ਸਿਰਫ ਛੋਟੀ ਹੀ ਨਹੀਂ, ਇਸ ਨੂੰ ਖਰੀਦਣ ਲਈ ਤੁਹਾਨੂੰ ਪੰਜ ਲੱਖ ਰੁਪਏ ਖਰਚ ਕਰਨੇ ਹੋਣਗੇ। ਰਿਵਾਲਵਰ ਨੂੰ ਲੈ ਕੇ ਹੈਰਾਨ ਕਰਨ ਵਾਲੀ ਗੱਲ ਸਿਰਫ ਇਸ ਦੀ ਕੀਮਤ ਹੀ ਨਹੀਂ, ਬਲਕਿ ਹੋਰ ਵੀ ਕਈ ਚੀਜ਼ਾਂ ਹਨ।
ਇਸ ਰਿਵਾਲਵਰ ਦਾ ਨਾਂਅ ਸੀ 1 ਐਸ ਟੀ ਹੈ ਅਤੇ ਇਹ ਸਟੇਨਲੈਸ ਸਟੀਲ ਦੀ ਬਣੀ ਹੈ। ਜੇ ਕਿਸੇ ਨੂੰ ਕਤਲ ਕਰਨਾ ਹੈ ਤਾਂ ਉਸ ਦੇ ਅਕਾਰ ਦੇ ਹਿਸਾਬ ਤੋਂ ਬੇਹੱਦ ਛੋਟੀ ਗੋਲੀ ਨਾਲ ਦੁਸ਼ਮਣ ਦੀ ਖੋਪੜੀ ਦੇ ਸਭ ਤੋਂ ਕਮਜ਼ੋਰ ਹਿੱਸੇ ਉੱਤੇਨੇੜਿਓਂ ਹਮਲਾ ਕਰਨਾ ਹੋਵੇਗਾ। ਇਹ ਕਿਸੇ ਦੀ ਜਾਨ ਲੈ ਸਕਦੀ ਹੈ, ਪਰ ਨਿਰਭਰ ਕਰਦਾ ਹੈ ਕਿ ਹਮਲਾ ਕਿੰਨੀ ਨੇੜੇ ਤੋਂ ਕੀਤਾ ਗਿਆ ਹੈ। ਮਿਲੀਆਂ ਰਿਪੋਰਟਾਂ ਮੁਤਾਬਕ ਦੁਨੀਆ ਦੀ ਸਭ ਤੋਂ ਛੋਟੀ ਰਿਵਾਲਵਰ ‘ਸਵਿਸ ਮਿਨੀ ਗੰਨ’, ਦੂਸਰੀਆਂ ਰਿਵਾਲਵਰਾਂ ਵਾਂਗ ਕੰਮ ਕਰਦੀ ਅਤੇ ਫਾਇਰ ਕਰਦੀ ਹੈ। ਇਸ ਦਾ ਨਾਂਅ ਸਭ ਤੋਂ ਛੋਟੀ ਰਿਵਾਲਵਰ ਹੋਣ ਲਈ ਗਿਨੀਜ਼ ਵਰਲਡ ਰਿਕਾਰਡ ਵਿੱਚ ਸ਼ਾਮਲ ਹੈ। 5.5 ਸੈਂਟੀਮੀਟਰ ਲੰਬੀ ਤੇ ਇੱਕ ਸੈਂਟੀਮੀਟਰ ਇਸ ਰਿਵਾਲਵਰ ਦਾ ਵਜਨ ਸਿਰਫ 19.8 ਗਰਾਮ ਹੈ। ਅਮਰੀਕਾ ਅਤੇ ਬ੍ਰਿਟੇਨ ਵਰਗੇ ਦੇਸ਼ਾਂ ਨੇ ਛੋਟੇ ਆਕਾਰ ਦੀ ਵਜ੍ਹਾ ਨਾਲ ਇਸ ਦੀ ਖਰੀਦ ਉੱਤੇ ਬੈਨ ਲਾ ਦਿੱਤਾ ਹੈ, ਕਿਉਂਕਿ ਕੱਪੜਿਆਂ ਅਤੇ ਸਾਮਾਨ ਵਿੱਚ ਇਸ ਨੂੰ ਆਸਾਨੀ ਨਾਲ ਲੁਕਾਇਆ ਜਾ ਸਕਦਾ ਹੈ।